吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 阿仔被確診係自閉症譜系…好徬徨

自由講場今日: 123|主題: 1353823

收藏本版

發帖

返回列表

跳至頁

樓主: DTfamily11

4 567 8...12

積分: 25619

101^#

發表於 17-1-31 15:50 |只看該作者

回覆：阿仔被確診係自閉症譜系…好徬徨

我叔仔個細仔係類似.
但叔仔佢地一家都冇特別去做訓練.
因為唔同住,都冇特別注意.
只知我99 成日係咁講可憐可憐呀.

私人傳訊

lam133

珊瑚宮

積分: 114019

HiPP勳章(1) 2018父親節勳章 2018母親節勳章 2018復活節勳章 Poo得好勳章畀面勳章育兒性格勳章認識瑞士牛牛第二回開心吸收勳章

102^#

發表於 17-1-31 15:56 |只看該作者

bananaGi 發表於 17-1-31 11:54
我見過一個小朋友，兩歲只會EEar ar.

完全講唔到任何物件單字/或爸爸媽媽... 只識呀呀呀⋯⋯

模仿就一時時，
自閉就輕微，遲説就1.5歲，
唔專注，咦真難湊，
本來真係生多個都唔敢。

其實第一想仔講話表達先。

上月開始做訓練同返學前班，
己進步很多，但都唔肯跟我講話，
月中有得上言語，希望有進步。

私人傳訊

chowqv

水晶宮

積分: 67567

wyeth冷知識勳章畀面勳章大廚勳章

103^#

發表於 17-1-31 16:05 |只看該作者

回覆樓主：

本帖最後由 chowqv 於 17-1-31 16:06 編輯

其實，有無得同CAC要求做小一入學評估？呢份報告，好有用，學校拎住佢同教處申請額外既錢俾小朋友。
阿仔小一註冊時我交埋，所以一開學，已經有一個輔導老師（係跟住阿仔上堂，睇晒一班既sen），排埋社交小組，言語治療，同心理學家，所有科既老師開會，做埋功課考試調適…

私人傳訊

channba31

禁止訪問

積分: 42056

104^#

發表於 17-1-31 16:16 |只看該作者

回覆樓主:

提示: 作者被禁止或刪除內容自動屏蔽

私人傳訊

rose-mag

王國長老

積分: 174201

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

105^#

發表於 17-1-31 16:18 |只看該作者

DTfamily11 發表於 17-1-30 20:08
好多謝你琴晚咁夜都咁用心回覆我鼓勵我，感激！但我真係好迷惘，唔知點解阿仔既問題突然嚴重左好多，完全同 ...

少少過來人經驗分享：我個仔都係5歲幾確診，當時入小學（我呢度係5歲入小學讀K，6歲1年級），未返學就拎住份報告去學校搵校長傾，同班主任又再講，老師好有經驗好識點教，仲特別準我仔拎一隻玩具返學校，一發覺我仔開始發脾氣就會俾佢揸住摸住，對舒緩佢情緒好有幫助。我地係由3歲幾4歲就搵評估，試過有個語言評估話因為我地係雙語家庭，所以仔仔語言較差，但情況有變壞冇變好，後來好彩學校有個社工指出有問題，幫我地聯絡不同機構做評估，之後再轉介到我呢度最出名兒童醫院嘅兒童精神科，做咗幾次評估後，我仔確診係自閉譜系，果陣我反而有種如釋重負感覺，因為終於搵到個仔咩事，點解佢行為會咁，之後就係去搵訓練，我呢度靠學校係好有限，所以我地去搵私人訓練，最初係語言，因為表達問題，唔係唔識講嘢，係講得好多好多，但溝通唔到，後來主要針對社交問題，同時又做評估感統，於是又有大肌肉訓練（我仔小肌肉冇問題，仲幾advanced添），因為平衡力超差，又怕高又怕黑。。。

如是者，年年升班，成績冇問題，但社交超多問題，學校有老師幫手，又有小組專幫佢同類小朋友，不過都係年年有新嘢俾我同老公嘆，由5歲到9歲，真係學校電話一到我就心跳加速，大小事咩都有，多數都係俾人蝦/撩到佢發脾氣，又因為冇咩朋友（個個覺得佢行為怪），俾人圍俾人成日蝦，搞到佢有時好唔開心，佢係智力正常，鍾意食鍾意笑鍾意痴住人玩嘅小朋友，但冇人肯同佢玩，當然我仔都要為自己嘅行為負責，我同老公加埋老師不斷嘗試同個仔講，教佢勸佢引導佢，咩都出齊都係冇點改善，我同老公開始好擔心。。。直至今年小五開學發生咗一D事，我老公同老師一齊處理，我地同個仔傾咗好耐，佢終於肯試下改，校長又同班同學傾我仔情況，之後好神奇地出現轉機，突然間我仔D同學會同佢打招呼，我仔又主動去幫人，同人傾計，直情同幾個以前相處唔嚟嘅同學好到不得了，所有人包括我地兩公婆、老師、社工、校長都覺得好開心，因為頑石終於點頭，雖然唔敢話從此一切都會好好，但起碼有枝強心針，只要肯付出，實會有收成。

小小建議：唔好一次過俾咁多指令俾小朋友，佢地消化唔晒，覺得好多嘢就會冇耐性，你不斷重覆講都唔會講得蠃佢，佢唔會明，你試下畫個表俾佢跟，或者每次只係俾一樣佢做，做完再做下一個指令，要好有心機，唔好大聲，唔好發脾氣，唔好惡，係好難，亦都好折磨人，但真係冇辦法架，你忟佢仲忟，死胡同嚟，我同老公約法三章，我開始忟就換佢接手，佢唔掂啦又輪返到我，一個人有時間需要透下氣，休息完就可以再作戰架啦。對呢類小朋友要嘗試要用佢地角度諗嘢，有時要逆向思維至得，要佢地都估你唔到至可以長期作戰，例如，佢要睇電視，你唔俾，咁最後一定係發爛渣，你試下變通，俾佢睇先，但5分鐘後要停，去食完早餐再睇，睇多5分鐘就叫擦牙，擦完又再睇，佢如果覺得煩，你就話下次食完早餐擦完牙就可以唔駛斷續斷續睇囉。。。你試下要佢自己搵個解決方法，咁佢自己講自己願意做就唔會發脾氣嘛。

花旗太太生活在花旗國，留意時差，你問我未必即時答到。

私人傳訊

DTfamily11

大宅

積分: 1571

106^#

發表於 17-1-31 18:44 |只看該作者

chowqv 發表於 17-1-31 14:40
本帖最後由 chowqv 於 17-1-31 14:42 編輯

冷靜d，我地逐樣拆解。

多謝你既提點，令我領略倒少少，下次我試下一個指示一個指示咁俾睇下會唔會好啲。

個仔多數係工人湊，就算我返到屋企，因為太多事情都要我處理，所以我分唔倒太多精神俾個仔係真既…

另多想請教，我係咪應該將件事話番俾阿仔讀緊間幼稚園知？前提係我好不滿個班主任，佢係一個好無heart每日放學只趕住收工既不知所謂老師。以前我每次問佢阿仔插班入去讀適唔適應倒，佢都表現出極不耐煩唔想答我; 試過聖誕班際表演唔俾阿仔同幾個比較唔定性既同學仔參加，擺明歧視放棄啲無咁好湊既學生，當然官腔答案唔係咁講; 阿仔係學校出現社交問題，俾一個同學柸葛叫晒全班唔好同阿仔玩足足一個學期，阿仔同班主任反映，個不知所謂班主任叫阿仔唔好同佢呢啲，攪到阿仔最後承受唔倒被欺凌而喊住話唔返學！之前未知阿仔有事時，我抱住忍耐放棄同班主任接觸既態度，因為得罪佢係對阿仔更不利，但而家阿仔有事，我又好想學校俾倒支援我個仔，我應該點做好？

私人傳訊

DTfamily11

大宅

積分: 1571

107^#

發表於 17-1-31 18:48 |只看該作者

chowqv 發表於 17-1-31 16:05
其實，有無得同CAC要求做小一入學評估？呢份報告，好有用，學校拎住佢同教處申請額外既錢俾小朋友。
阿仔小 ...

而家最緊要睇下cac肯唔肯幫我個仔做評估先，如果有期，我就要求佢做埋小一入學評估請問我應該點樣為個仔揀小學？

請問你仔仔之前係邊度評估出黎的？

私人傳訊

SoNyPig

男爵府

積分: 8923

醒目開學勳章

108^#

發表於 17-1-31 18:55 |只看該作者

回覆：阿仔被確診係自閉症譜系…好徬徨

我想請教自閉其中一個排列行為，係排列時有無意義的? 我見我女都會排公仔(之後教佢地讀書，食野，玩滑梯)。排卡片(之後數123456)

敢夢。想飛。談何容易?
終於我選擇豁然一試。
有得有失,又可否一直堅持?
<教養孩童，使他走當行的道
就是到老他也不偏離>

私人傳訊

DTfamily11

大宅

積分: 1571

109^#

發表於 17-1-31 18:59 |只看該作者

vvchoi 發表於 17-1-30 22:07
http://www.swd.gov.hk/tc/index/site_pubsvc/page_rehab/sub_listofserv/id_psosps/

thanks a lot. 但我check倒阿仔間學校無到校服務...咁點算？

私人傳訊

geenbb

大宅

積分: 3653

我的育兒心得勳章熱血勳章

110^#

發表於 17-1-31 19:05 |只看該作者

aloymom 發表於 17-1-31 00:52
回覆 geenbb 的帖子

小朋友有冇特別行為令你懷疑佢係ASD？

小朋友有時好慣性係左面拎嘢，
會瞓係地下睇仲啲轆行，
有時要既一定要咁啦，唔肯聽
但又有時會同啲大啲姐姐玩
我會有担心，但只係想佢可以早啲知道早啲同佢做適當既嘢嚟幫佢

私人傳訊

chowqv

水晶宮

積分: 67567

wyeth冷知識勳章畀面勳章大廚勳章

111^#

發表於 17-1-31 19:45 |只看該作者

DTfamily11 發表於 17-1-31 18:48
而家最緊要睇下cac肯唔肯幫我個仔做評估先，如果有期，我就要求佢做埋小一入學評估請問我應該點樣為個仔揀 ...

本帖最後由 chowqv 於 17-1-31 19:53 編輯

阿仔係CAC（尤德）做評估。
我好彩好多。阿仔讀既幼稚園，校長非常有愛心。記得當日我拎住評估返去，真係喊到收唔到聲（可能班主任內咎，因為阿仔執筆問題，佢叫我去做評估）；我同校長講，如果要阿仔轉校，我無所謂，不過可以講人知轉去邊。校長話唔會因為小朋友咁樣而要佢地走，學校只請過一d人離校，因為果家長咩都唔做，hea住等升小學，咁就一定要佢地走，等佢會去搵相關訓練。
小學更加係恩典，因為係阿仔指明要讀呢間，而我有幸係好耐之前受浸咗，所以順利自行已經得咗。
學校有既訓練等等，都係我意料之外。當初我打去問副校，佢都係俾官方答案。所以，你要鎖定目標，問下有無人係果間學校讀，知唔知有咩關顧俾sen，咁先至得。
唔好灰心。總有出路。唔好向有幾慘去想，向好既方面諗。因為講慘，你唔夠我黎，我都捱到個仔9歲，你都得。阿仔咁多年…我連資優既智力評估都做埋，都應該塵埃落定（唔會再有新野俾我嘆）；家下全力去活著，有問題就改善。
ps因為阿仔咁樣，我見精神科醫生時，都簡化做咗個評估，原因我都有自閉症。（我經常同阿仔講：秘密呢，媽媽係阿斯柏星大公主，阿仔係阿斯柏星小王子；所以，我地好多時唔明地球人諗咩，地球人又唔明我地諗咩；係好難搞，不過我地盡力啦。）

私人傳訊

aloymom

男爵府

積分: 5356

112^#

發表於 17-1-31 19:57 |只看該作者

回覆 DTfamily11 的帖子

個班主任又有點過份喎不過部分老師冇接受過訓練，根本唔知SEN係乜

細過6歲的訓練係社署負責(i位, s位)
仲要睇你仔仔學校係咪有呢類服務，否則幼稚園唔會安排到服務俾你
要自己出去做訓練

講真如學校老師本身係咁對小朋友，我諗我未必會同老師講小朋友的情況..

搵小學，要靠自己了
或者可去啲群組問問邊間小學支援較好

私人傳訊

aloymom

男爵府

積分: 5356

113^#

發表於 17-1-31 20:00 |只看該作者

回覆 SoNyPig 的帖子

排列行為係冇意義的識同公仔講故事，玩等屬正常發展，不用擔心！

私人傳訊

營養多多

大宅

積分: 1735

114^#

發表於 17-1-31 20:02 |只看該作者

回覆：阿仔被確診係自閉症譜系…好徬徨

我都就黎3歲，不過未夠3歲已經確診為典型自閉症，目前讀緊S位，前兩個月先係CAC做完升小一評估，係有限-中下智能，但言語部份係輕度。
建議你另搵時間約見幼稚園校長同埋K3班主任，帶埋份協康報告去，以搵小學時間緊逼、又要排CAC評估……之類理由，讓班主任寄出份報告先。跟住再跟緊CAC嗰邊，可搵個理由，例如:話因為關乎揀學校，驚小朋友因行為問題入主流會有問題，要求見醫生……
另外，含飯問題可能係口肌問題（肌肉唔夠力），需要訓練口肌;亦可能係感統問題（食物質地唔鍾意），不過齋睇樓主形容似口肌問題多d，因為若是感覺統合問題（唔鍾意食物質地、氣味、顏色）通常會嘔或者唔肯放入口。
樓主若經濟許可，可以試試搵老師上門教，aba是改善行為問題;也有另一種就像S位的班主任，各方面都涉獵一些，老師在教時，樓主可以留意老師跟仔仔溝通的方式，對於平時面對仔仔的行為問題有很大幫助。

明白樓主好大壓力，加油！一齊努力！

私人傳訊

營養多多

大宅

積分: 1735

115^#

發表於 17-1-31 20:03 |只看該作者

引用：我都就黎3歲，不過未夠3歲已經確診為典型自

原帖由 營養多多 於 17-01-31 發表
我都就黎3歲，不過未夠3歲已經確診為典型自閉症，目前讀緊S位，前兩個月先係CAC做完升小一評估，係有限-中 ...

打錯，係就黎6歲

私人傳訊

DTfamily11

大宅

積分: 1571

116^#

發表於 17-1-31 20:20 |只看該作者

chowqv 發表於 17-1-31 19:45
本帖最後由 chowqv 於 17-1-31 19:53 編輯

阿仔係CAC（尤德）做評估。

本帖最後由 DTfamily11 於 17-1-31 20:23 編輯

多謝你耐心解答同鼓勵！我會努力！
个班主任唔應該內疚，佢發現倒學生嘅問題係幫緊佢，值得表揚。
請問你仔仔而家邊个湊？我諗緊係咪應該辭左份工去湊仔，但我前夫又靠唔住，我都好掙扎。
另外，我都想去做評估，請問成人可以去邊度做？

私人傳訊

小manman

翡翠宮

積分: 85823

117^#

發表於 17-1-31 20:25 |只看該作者

DTfamily11 發表於 17-1-31 13:13
本帖最後由 DTfamily11 於 17-1-31 14:23 編輯

我仲要在職單親媽，完全無外家幫。工作上已經好大壓力， ...

「最叻講"細路仔係咁架啦"，"細路仔唔頑皮你先驚"」

同我99講的野一模一樣~

「其實我懷疑我前夫都有自閉症，啲症狀中晒，完全溝通唔倒，啲野講極都唔明...」

我老公都係疑似亞氏保加，又係溝通唔到，超級自我中心~

私人傳訊

DTfamily11

大宅

積分: 1571

118^#

發表於 17-1-31 20:54 |只看該作者

Nymph_ 發表於 17-1-31 15:16
樓主好欣賞你甘積極面對同幫個小朋友,但我知道有個媽媽吾接受個仔係中度智障,個小朋友今年p.2,完全吾明白對 ...

本帖最後由 DTfamily11 於 17-2-13 22:41 編輯

本帖最後由 DTfamily11 於 17-2-1 11:12 編輯

我絕對明白你講既野。咁多年以黎好多人都唔認同我既睇法，send好多文章俾我睇叫我要正面咁睇個仔，要相信自己個仔既能力唔好否定佢。有人吹噓我個仔幾叻幾醒時，我好多時都無被蒙蔽，個仔做得好既地方我絕對會認同，但佢既不足之處，某方面既能力未能達至同齡我就必須要正視。作為家長，要吹噓自已小朋友，要認叻好容易，但要誠心正視接受小朋友既缺憾係艱難。好彩我份人硬頸，自己認為啱既事係唔容易妥協。

果個小朋友係你小朋友既同學仔？如果佢阿媽唔肯改變自己既諗法，無人可以幫倒佢個仔，可憐的小朋友….