樓主太太：
我明白你感受，幾年前我同先生都遇過相似情景，當時佢仲同我曖昧緊，未表白。有晚我帶佢見我班朋友，當中朋友A帶左個新朋友出黎，係一個台灣女仔。台灣女仔出名好嗲，席上好多男仔好快已經好「林」，而我先生一開始好拘緊，慢慢就開始同台灣女仔搭嘴，越傾越興奮，幾乎將我完全忘記，當時我忍唔住黑曬面。
好耐之後，我同先生傾起呢件事，我先生話佢記得我當時黑面，但唔知點解，我同佢講返前因後果，佢解釋當晚第一次見我朋友，心情有D緊張，同我班朋友又冇共同話題，難得台灣女仔同佢傾相機，所以傾多D，開心D。
佢呢個回應係令我有少少反思，自已當時係未忽略左佢感受呢？如果自已當時早D察覺，主動調和下，情況就可能唔同，自已亦唔會因為呢件事而唔開心一段時間。
當然我情況同你唔同，處理方法亦唔同，不過你先生應該由始至終都未向你朋友展開實際的行動(eg. 電話訊息，約會等)，我相信佢又未必真係對你朋友有意思。而佢點解幾年後重提事件？同你當時的反應有冇關系呢？
樓主：
男女對一件事的理解和感受可以好大分別，係男性角度，你做法係冇錯，亦冇任何証據指責你對太太朋友有異心，但係女性角度，我覺得你有2個做得唔夠好的地方。
第一，你唔識避忌，冇同異性保持距離。
第二，你唔識得照顧另一半，包括對方的情緒和感受。
發表於 
最緊要心態正面。
唔係好明講緊咩
返回列表
