fivebeanrice 發表於 23-1-31 21:53 
其實上上簽係好既，只要放下當前既執著，就會有段好姻緣出現。
黃大仙都好好呀！賜左支上上簽，唔易有架， ...
大仙嘅上上簽要睇係點問同夾埋生肖當年運程等等好多嘢，所以同一支簽會有唔同解法，親身經歷係我媽咪，當年佢去求咗三次簽，問上樓，當年住果度俾人趕走，問會唔會有機會等到上樓，三次都出同一支91簽嫦娥奔月（都咪話唔驚），上上簽，簽語係：
蟾宮月殿柱飄香 玉篋團圓萬里光
六水三山歸鏡里 無瑕一片挂窮蒼
前兩次俾人解都係話必定如願，但等下又等下，時間越來越緊逼，媽咪好心急，第三次去求又係出同一支，點知解開果檔冇開，走去另一檔，媽咪話解簽伯伯問完係求咩後，叫佢冇望，簽雖然係上上簽，但以當時情況去睇絕非吉相，因為月宮咩都冇，人都唔多個，得隻玉兔，同我媽講去買間木屋得徒置啦，我媽咪就真係聽伯伯講，去買咗間木屋，住咗唔知幾耐，應該有兩三年啩，因為我記得喺同一區讀幼稚園同小學一年級，升小二個暑假搬屋上樓。
所以有時要睇咩人解簽，有冇將個人背景加埋落去睇。樓主支簽係上上簽，但古時係父系社會，如果支簽係男人求得就上上吉簽，女人求得就未必一定，要雁塔題名的話，首先要努力得到一定成就，先可以衣錦還鄉，還鄉時係滿街紅粉皆爭羨，姻緣運係有，但都要睇是否對得上眼，如果對方根本就無意，理得你幾衣錦還鄉，佢都未必夾道歡迎，所以講到尾都係應該向前看，前面有好嘅等住揀。
花旗太太生活在花旗國，留意時差，你問我未必即時答到。
發表於 
返回列表
