吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 精神病的妹妹現肯去中途宿舍，但2年後又如何？ ...

自由講場今日: 232|主題: 1351166

收藏本版

發帖

返回列表

跳至頁

樓主: dreamcity

精神病的妹妹現肯去中途宿舍，但2年後又如何？

[複製鏈接]

4 567 8...13

zstb

男爵府

積分: 9497

101^#

發表於 24-6-1 22:59 |只看該作者

dreamcity 發表於 24-6-1 19:56
係得你明白我，可能你家都有一個精神病親人，精神分裂病人，唔肯食藥真係可以有好嚴重事情發生，當中最受 ...

因為好多人唔了解我哋經歷過啲咩，就斷言覺得我哋家屬係放棄自己親人咁，又話我哋唔睇住佢，一陣又話我哋無比愛同包容佢，但身處當中嘅時候，唔係愛唔愛，關唔關心嘅問題，係患者都唔幫自己唔明白自己，思想又偏激又怪異，拒絕溝通更加溝通唔到。可惜嘅係，佢哋呢類未到不能自理，識行識走，間中清醒，唔知幾時跳制，先最難處理。

「換個角度，自然有出路。」

私人傳訊

SOHOT

伯爵府

積分: 15693

102^#

發表於 24-6-1 22:59 |只看該作者

本帖最後由 SOHOT 於 24-6-2 01:13 編輯

dreamcity 發表於 24-6-1 22:43
各位要在別人傷口上灑鹽的人，你地家裡究竟有沒有精神病人的家屬？你地知唔知道病發後佢地有幾恐怖？唔係話 ...

你之前曾經話你妹沒有傷害他人或自殘行為，亦都可以自理，佢最大問題係買好多野返屋企，霸咗你半間房，後來你媽去咗老人院，你都有自己房！佢因為騷擾鄰居才入中途宿舍！
其實佢嘅情況，如果醫生都比佢出院，佢自己都想回家住，但你都唔比，兩年後都唔想比機會佢，你依家已經問定醫生，呢度啲JM點可以令佢永久住院！
嗰啲傷人或自殘的精神病患者先最需要被隔離，你千方百計霸咗個位，令到有需要入住嘅人要輪候更長時間，其實另一方面對社會大眾更唔公平！
再者，你妹都只得你和母親嘅親人，如果連你哋都離棄佢，佢更加冇機會好轉！

私人傳訊

littlefunpig

珊瑚宮

積分: 106045

2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章減齡達人勳章牛年勳章

103^#

發表於 24-6-1 23:13 |只看該作者

dreamcity 發表於 24-6-1 22:12
賣樓唔係要我妹簽名先得咩？即使可以，佢唔肯賣，邊有買家肯買一層幾十年樓齡，又唔係豪宅，又有業權瓜葛 ...

你搞清楚層樓係分權定聯權擁有，做一做物業查冊就知，唔識可以是但搵間地產鋪，話想賣你手上果7成，佢就會幫你做物業查冊

如果你呢種咁清晰你7佢3，應該多數都係分權，咁你可以就咁賣自己果7成唔需要佢同意。呢啲買家當然少好多，亦都會平過市場呎價。買得既都有方法搞，但賣左就預左唔會再見呢個妹架啦。買得呢啲古怪業權既買家多數都會識搵辦法自己解決

attach1/tmp/phpSm2UJP

私人傳訊

dreamcity

大宅

積分: 1044

104^#

發表於 24-6-1 23:22 |只看該作者

本帖最後由 dreamcity 於 24-6-1 23:25 編輯

SOHOT 發表於 24-6-1 22:59
你之前曾經話你妹沒有傷害他人或自殘行為，亦都可以自理，佢最大問題係買好多野返屋企，霸咗你半間房，後 ...

佢d恐怖行為，邊有咁少，只係我冇打得咁多出黎！佢有傷害我，我有講俾醫生知，係咪要砍人果d病人，你先認為要入中途宿舍？果d砍人的，就唔係入中途宿舍了，你唔知就咪亂up吧。
不過我相信你都唔會明白，你家裡有沒有精神分裂病人家屬？冇的話，唔該你收口吧！
仲有，唔該你唔好信曬d醫護，佢地根本冷血的，況且管理層亦有向佢地施壓，加上政府資源又唔夠，精神病人又一日比一日多，佢地只會想盡快把病人由醫院踢走。
我地冇離棄佢，我地就係想有個地方安置好佢，等佢至少有人照顧，一宿兩餐有人監察佢食藥，間屋我自己原先只諗住60歲就賣，再入長者屋，分番30%俾我妹，況且層樓有佢個名，我都冇可能吞埋佢果份，除非佢死左吧，律師樓會將支票直接寫佢個名，其實你連法律基本野都唔識，學咩人向去攻擊人！
其實你係咪精神病患呢？我都好懷疑你係。

私人傳訊

SOHOT

伯爵府

積分: 15693

105^#

發表於 24-6-1 23:27 |只看該作者

zstb 發表於 24-6-1 22:59
因為好多人唔了解我哋經歷過啲咩，就斷言覺得我哋家屬係放棄自己親人咁，又話我哋唔睇住佢，一陣又話我哋 ...

相信你有精神病家人一定好難受，很同情你哋！
只是不認同樓主今次咁樣想封殺自己妹妹2年後能否回家的做法，之前一兩年樓主也有提及佢妹妹的情況，當時我是很同情她有這樣的家人，所以記得佢！
但係，今次樓主係依家2年前已經唔想妹妹回家真係好絕，加上佢口口聲聲都係業權，所以先有質疑，希望唔好令你唔開心，你加油呀！

私人傳訊

dreamcity

大宅

積分: 1044

106^#

發表於 24-6-1 23:35 |只看該作者

littlefunpig 發表於 24-6-1 23:13
你搞清楚層樓係分權定聯權擁有，做一做物業查冊就知，唔識可以是但搵間地產鋪，話想賣你手上果7成，佢就會 ...

多謝你資訊！我層數已經唔多值錢，咁樣變賣相信個價都好低，我真心一路都冇諗住想吞併我妹的30%業權，亦唔到我吞併，我唔相信賣樓時，律師樓會將30%既支票寫我個名而唔寫我妹個名，我之前都有講等佢死後我先接收，我都暫時放低我的養老計劃，我現只擔心佢返家真係冇人管到佢食藥，況且層樓都唔住得過世，而家想佢入長期護理院只係行先一步，但係佢就唔明。

私人傳訊

dreamcity

大宅

積分: 1044

107^#

發表於 24-6-1 23:42 |只看該作者

本帖最後由 dreamcity 於 24-6-1 23:45 編輯

SOHOT 發表於 24-6-1 23:27
相信你有精神病家人一定好難受，很同情你哋！
只是不認同樓主今次咁樣想封殺自己妹妹2年後能否回家的做法 ...

我妹2年後回家，邊個監察佢食藥覆診？我媽都做唔到，前年我妹在我媽面前含住粒藥，然後就走入廁所或自己間房吐左粒藥，咁你可以點？打佢？罵都冇用！
如佢唔食藥，病發做出恐怖行為，你驚唔驚？我相信你都唔會驚，因為你未經歷過。
什麼口口聲聲業權，我都話左我已經唔諗住，而家只擔心佢返屋企唔食藥的問題，只係呢度有d人，拿住我有業權成日攻擊我有物業，要我重重複複咁去回答佢地，所以先俾到你錯覺。

私人傳訊

dreamcity

大宅

積分: 1044

108^#

發表於 24-6-1 23:51 |只看該作者

本帖最後由 dreamcity 於 24-6-1 23:53 編輯

zstb 發表於 24-6-1 22:59
因為好多人唔了解我哋經歷過啲咩，就斷言覺得我哋家屬係放棄自己親人咁，又話我哋唔睇住佢，一陣又話我哋 ...

我真係好難過，佢去年病發超恐怖，床都唔訓話張床有電，成晚坐在廳，仲要坐住一張導演椅坐成晚，屈住雙腳咁都可以訓覺坐成晚，連續兩日都係咁，又試過霸住廁左成晚，唔俾我去廁所、沖涼，我成晚冇涼沖，明日上班，捱到下班再回家見佢一樣霸住廁所，只好俾錢book附近酒店沖涼，仲有好多恐怖行為不能盡錄，呢度有好多人根本不了解，淨係知道有砍人果d先係精神病人，其實唔砍人的都可以好恐怖。

私人傳訊

littlefunpig

珊瑚宮

積分: 106045

2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章減齡達人勳章牛年勳章

109^#

發表於 24-6-2 00:05 |只看該作者

dreamcity 發表於 24-6-1 23:35
多謝你資訊！我層數已經唔多值錢，咁樣變賣相信個價都好低，我真心一路都冇諗住想吞併我妹的30%業權，亦唔 ...

碎契樓既價就肯定無咁好
但明知你個妹堅持唔賣而你又想100%完整地賣，就只有等你妹過身你繼承呢條路。只可惜唔一定佢早走過你，而且壽命長短點知，到時隨時你都7-80歲佢先走，咁老想搞繼承都年幾2年，又要洗筆錢，仲要搞搬屋，到時先做逆按仲唔抵，隨時拎幾年錢就88，淨低既送埋比逆按公司/政府。
所以你想要靚價100%全層賣，你個家庭狀況未必等到呢日。

私人傳訊

dreamcity

大宅

積分: 1044

110^#

發表於 24-6-2 00:28 |只看該作者

本帖最後由 dreamcity 於 24-6-2 00:37 編輯

littlefunpig 發表於 24-6-2 00:05
碎契樓既價就肯定無咁好
但明知你個妹堅持唔賣而你又想100%完整地賣，就只有等你妹過身你繼承呢條路。只可 ...

碎契樓我相信好難搵買家，因土地供應開始增加，新樓更多，公屋又起多左，我果間係低級私人舊住宅，仲要under 400呎，更加冇乜人想買呢類樓宇的碎契樓。
咁遲2-3年先再考慮是否依你提議的方法吧！反正我最初計劃4年後60歲賣樓去申請長者屋。所以我根本就不是以我養老計劃為首要考慮問題，眼前只擔心2年後佢回家的問題。
我早死過佢無所謂，反正我無兒無女只有媽媽呢個牽掛，當然最好係佢先走我才走。

私人傳訊

SOHOT

伯爵府

積分: 15693

111^#

發表於 24-6-2 00:29 |只看該作者

dreamcity 發表於 24-6-1 23:22
佢d恐怖行為，邊有咁少，只係我冇打得咁多出黎！佢有傷害我，我有講俾醫生知，係咪要砍人果d病人，你先認 ...

你唔使咁激動！
或者你冇寫清楚，我再睇返你之前真係話佢冇傷人冇自殘，我唔係話佢嘅問題唔嚴重，只係冇砍人嗰啲更有逼切需要，再加上呢個post大部份嘅回應都繞住業權，所以才有質疑，你唔使咁大反應！
老實講，依家政府根本唔夠資源安置精神病患者，你想你妹妹一直留低院舍不回家根本上是很難做到吧，只可以再諗下有冇其他方法！
我都明白你精神病共處多年，一定飽受壓力，你自己都要留意一下自己情況，不要所有野都諗得太負面！你妹呢兩年唔會返屋企，起碼要放鬆下自己，依家已經諗定佢出嚟之後嘅事，簡直把自己像橡筋一樣拉得再緊！

私人傳訊

cutebambi

大宅

積分: 3180

112^#

發表於 24-6-2 00:32 |只看該作者

回覆樓主:

假如我係你妹妹，我都會蛇咬都唔賣樓！一來輪候公屋起碼等幾年（加上現時辦好賣樓手續，仲要等兩年後先接受公屋申請）！咁輪候期間租樓的錢好大機會你妹妹份積蓄會用得7788！二來點解樓主你咁有信心你妹妹的存款（成功賣樓後）係唔會超出申請公屋上限！？

私人傳訊

dreamcity

大宅

積分: 1044

113^#

發表於 24-6-2 00:54 |只看該作者

cutebambi 發表於 24-6-2 00:32
假如我係你妹妹，我都會蛇咬都唔賣樓！一來輪候公屋起碼等幾年（加上現時辦好賣樓手續，仲要等兩年後先接受 ...

唔明點解你會話我個妹輪公屋？佢根本對社會上的事情知得好少，換句話說佢唔清楚社會上好多事情，冇乜社會常識，佢自從病發後比以前低左好多，好多野都唔識諗長遠，佢唔會想去輪公屋，佢咬住間屋唔放係佢驚冇屋住，但佢又唔知我地d無兒無女將來冇人照顧的人，要在未退化得嚴重時，就要去申請入住老人院或類似院舍，俾間公屋我地，我地都一樣在公屋內無人照顧，所以我地間屋係不可能住到終老，與其咁樣，佢應2年後就轉去住長期護理院，一般老人院好多都唔收咁嚴重的精神病人，長期護理院係冇得走出黎冇乜自由，但可以住到死為止，費用又係佢D傷殘金可以應付，只係快左D咁囉！但偏要病人自己願意先得，佢就係唔肯，佢唔會諗長遠，我已經同佢講我地冇可能在這間屋住到死，我地會退化到不能自理，佢就係唔理。

私人傳訊

cutebambi

大宅

積分: 3180

114^#

發表於 24-6-2 01:25 |只看該作者

dreamcity 發表於 24-6-2 00:54
唔明點解你會話我個妹輪公屋？佢根本對社會上的事情知得好少，換句話說佢唔清楚社會上好多事情，冇乜社會 ...

明白！咁請問樓主你有冇考慮（帶埋妹妹）上大灣區查下有冇你要求嘅院舍！？

私人傳訊

sillything

水晶宮

積分: 69178

2024年龍年勳章 HiPP勳章(1) 開心吸收勳章美好大世界2017勳章想生BB熱投好媽媽勳章醒目開學勳章畀面勳章大廚勳章 BK Milk勳章

115^#

發表於 24-6-2 01:25 |只看該作者

dreamcity 發表於 24-6-1 22:12
賣樓唔係要我妹簽名先得咩？即使可以，佢唔肯賣，邊有買家肯買一層幾十年樓齡，又唔係豪宅，又有業權瓜葛 ...

有冇認過其實點解佢入咗院就低能咗，好大機會係佢食咗精神科藥物令佢遲頓同反應慢，你想佢食藥但你又嫌棄佢有食藥後嘅反應，咁你想佢點吖

我們都以為，很努力去做，就可以做好一件事。但原來我們是很用力地，去做錯一件事。

私人傳訊

sillything

水晶宮

積分: 69178

2024年龍年勳章 HiPP勳章(1) 開心吸收勳章美好大世界2017勳章想生BB熱投好媽媽勳章醒目開學勳章畀面勳章大廚勳章 BK Milk勳章

116^#

發表於 24-6-2 01:32 |只看該作者

dreamcity 發表於 24-6-1 23:22
佢d恐怖行為，邊有咁少，只係我冇打得咁多出黎！佢有傷害我，我有講俾醫生知，係咪要砍人果d病人，你先認 ...

逆按揭得唔得

我們都以為，很努力去做，就可以做好一件事。但原來我們是很用力地，去做錯一件事。

私人傳訊

littlefunpig

珊瑚宮

積分: 106045

2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章減齡達人勳章牛年勳章

117^#

發表於 24-6-2 02:06 |只看該作者

dreamcity 發表於 24-6-2 00:28
碎契樓我相信好難搵買家，因土地供應開始增加，新樓更多，公屋又起多左，我果間係低級私人舊住宅，仲要und ...

係難但唔係無，講求價錢同緣份，就算舊唐樓仔都有，幾年前我都聽過下，仲要係好細間既唐樓。
長者屋2年後58歲可以開始申請，配屋時60就得。正常你媽會早走過你地，你無立遺囑比邊個，將來你早死過佢將來層樓就白白送比政府。鬥長命唔係唔得但未必鬥得過，仲要影響埋晚年生活質素，我唔會道德縛架你，只係你想個妹咁早就餘生響長期護理院，再賣曬層樓你7佢3就太理想，基本上無可能。你妹只想自由自在唔想比人管，有個竇唔洗面對其他人。佢根本唔想離開間屋，比錢佢都無用。對你黎講最理想係佢行先你繼承賣樓再申請長者屋呢啲，而家你都有2年安樂日子過先，再之後你妹返黎再算啦～

私人傳訊

dreamcity

大宅

積分: 1044

118^#

發表於 24-6-2 03:16 |只看該作者

littlefunpig 發表於 24-6-2 02:06
係難但唔係無，講求價錢同緣份，就算舊唐樓仔都有，幾年前我都聽過下，仲要係好細間既唐樓。
長者屋2年後5 ...

我妹銀行戶口有d錢，分埋果30%錢俾佢仲死，佢分分鐘俾人呃晒d錢，以前佢一張信用卡都冇，癲左竟然去申請信用卡，銀行見佢有d錢又批俾佢喎，佢唔識處理被人盜用信用卡應如何與銀行交涉的，分分鐘俾人碌佢張卡都有可能，好彩佢入青山入得快，佢清醒d後我才同佢講你咁樣分分鐘俾人碌爆你張卡，佢先叫我幫佢cut卡，但cut卡過程非常麻煩，因唔係佢本人去做，佢根本唔知佢嚴重勞役緊我，佢社會常識好貧乏，比較複雜的財政事佢唔識處理，以前正常d都係咁，佢以前見我有買下股票收息佢又叫我幫佢買，如果唔係佢d積蓄都冇滾到呢個數。
佢返屋企只會亂買野亂食野，佢又鐘意開爐煮野喎(癲左果陣又唔肯用微波爐)，煮煮下可以走番入房，間屋得佢一個我日間上班，仲有佢有糖尿病，曾經在青山暈過一次，上個月初又短暫抽筋入左醫院住左幾日，如果佢開火爐後暈左，返入房訓左，你話得唔得人驚？無人有能力管佢食藥，病發就大件事，2年後如果返屋企將會重演好多驚心動魄場面，你話我點可以唔驚！