心聲留言 今日: 1 | 主題: 17514

積分: 6558

101^#

發表於 05-7-10 15:40 |只看該作者

Re: 你的童年是怎樣過的?

冬菇頭,Karson))))))))))))))))))))仲乜你地咁忙呀

私人傳訊

積分: 842

102^#

發表於 05-7-11 12:39 |只看該作者

Re: 你的童年是怎樣過的?

LuLu媽媽, 冬菇頭,Karson

我都係慈雲山之友

61座，87年搬走咗
我都有去志興架, 通常同呀媽飲完茶就去隔籬個街市買餸，仲記得劏雞鋪啲師奶捉住啲雞吹佢地屁股添。怕姐呢招就快失傳啦。
逢中秋節望去觀音山，都見到點點燭光排成一條長龍，真係好romantic :-P ，通常夜晚9:00后至上去，有時會去7號墳場(卜維廉后面個球場)煲蠟。
你地有冇去寶爵飲茶呀??

私人傳訊

Karson91

積分: 3902

103^#

發表於 05-7-11 15:59 |只看該作者

Re: 你的童年是怎樣過的?

冬菇頭,lulu媽媽 ,
我依家要返工架!

Hello, 你地好呀, 好開心有禁多同鄉係度呀!
你地知道嗎? 我真係差d已經想唔起“至興”係嘜地方啦! 但依家真係call反起好多回憶呀, 如果唔快D記下來, 就真係可惜啦! “至興”D蒸飯好平ga ma, 我記得, 係果個街市有人”燒立尾”, 我細個時覺得果度好靜架。呢唔知你地有唔人仲記得48座果d”魚肉面” 呢, 我真係好想食翻亞!
我地以前冬天成日都飲”熱維他奶” 同堆有”law米飯”食, 同埋住係慈雲山時的冬天係特別凍架。如果夏天食了晚飯後就可以落公園”斗涼” 好似唔駛溫書架…同埋飲支裝氣水”沙士”．．．

私人傳訊

積分: 1798

104^#

發表於 05-7-11 17:15 |只看該作者

Re: 你的童年是怎樣過的?

lulu媽媽, Karson, heifamily：

兩日冇上BK, lulu媽媽, 呢2日真係好忙ga, 星期六早上帶亞仔去剪頭髮, 跟住帶佢去同學仔屋企玩, 夜晚出街食飯, 禮拜日又一早起身要帶亞仔去荃灣參加游泳比賽, 晏晝去左尖沙咀街街, 跟住又要返屋企睇獎門人及冰之驕子大結局,

heifamily, 你咁夠彊, 去七號墳場煲蠟,

, 我記得我阿哥會去果度捉金絲貓(成隻蜘蛛咁款), 仲自己做個籠(用好硬既葉做成一個盒仔) 好多時會將2隻放埋一齊等佢地打架

去寶爵,當然有la, 不過佢d質素愈做愈差

, 你有冇試過係夜晚去12座金鳳酒樓旁(第3座禮賢會幼稚園斑馬線對面)食炒螺,炒蜆, 佢係夜晚至開, 金鳳d干炒牛河又好好味,

karson, 係咪記得志興ga, ?-( 你住到咁高, 都會落到山腳

我記得如果買走支汽水要按樽,有時拎番幾個樽比佢, 就免費換番一支汽水飲

我同你一樣, 都好想好想食番以前的野 , 不過都好難搵得番la.:-( :-( :-(

你地快d諗下仲有冇特別回憶, 我都要趁而家記住

私人傳訊

風信子

積分: 1882

105^#

發表於 05-7-11 17:30 |只看該作者

Re: 你的童年是怎樣過的?

我既童年係一個非常之唔開心既環境渡過,呀!媽唔要我地,就連呀!爸都剩係將我地放係呀!女麻到好幾個月先會見下我地,只從我呀叔有左自己既細佬之後我既生活同黑白片時代既後地la差唔多,但係我地都會通處走,好開心約埋好多人踢下波,玩下捉依恩,可仔公,中秋節又會玩煲蠟,玩紙燈籠,我地以前, 有個燈籠就好開心,會好小心玩成日都會驚燒著,因為可妁留番下年再玩,

所以宜家d小朋友真係好幸福,攪到都唔識珍惜自己身邊既野,包括我個女都係甘,成日同佢講講極都唔明. :-( 我既童年就係甘過左喇! :-( 我既童年令我最開心既就係d孖絛,街頭小食,eg:雞蛋糖5毫字就有5粒,街頭茶餐廳既奶油多,同埋用1,2蚊就可以買到好多既糖仔食.

初哥學廚

私人傳訊

積分: 842

106^#

發表於 05-7-11 17:56 |只看該作者

Re: 你的童年是怎樣過的?

冬菇頭,lulu媽媽, Karson
你地住果座/層樓打風時有冇水浸呀?我住果層次次都要埽水，成條冷巷都係細路鬼死咁好玩。
仲有久不久停電要四圍點爉燭，跟住就同埋隔籬啲細路一齊唱:條街黑me mun, 條街黑me mun, 嚇到鬼都怕咯... ...
果時真係多鄰居，差唔多家戶戶都3、4件細路，出親冷巷玩/打架都有起碼10人，真係唔駛好似宜家咁要參加課外活動至揾到人陪玩。
寶爵啲食物又真係麻麻地，但係好似得佢有冷氣喎

私人傳訊

積分: 6558

107^#

發表於 05-7-12 00:55 |只看該作者

Re: 你的童年是怎樣過的?

Karson,冬菇頭,heifamily

好happy又多一位鄉里

heifaily你讀邊間小學,而家住邊區呀,幾多個細路呀 :mrgreen: Karson,冬菇頭 :evil: 兩日唔見你地想悶死我0羊 :cry: :cry: ,

講笑0乍,我冇乜印像至興0向邊架

公爵就小去啦,以前我記得有潛野,呢...即係一張有好多NO.跟住拻一張就有野獎,不過有乜野獎就唔記得la,你地記唔記得呀 ?-( 係呀我又記得好多時都冇水,個個拎住d桶,水煲落摟下擔水,仲有樓下d公廁好臭

你地仲記唔記得以前屋企廁所係"mou"廁跟住先改左座廁,以前屋企地下冇鋪野,用洗衫刷仔mou係地下係咁刷,都幾辛苦架 :lol: 仲有耐唔耐就會油樓外面d牆,見d工人0向上面吊落黎幾得意呀

不過吊到去自己個窗口就覺得唔知點咁 :mrgreen: 好la......到你地講回憶la

私人傳訊

積分: 1798

108^#

發表於 05-7-12 13:52 |只看該作者

Re: 你的童年是怎樣過的?

hi, 各位
唔提都醒唔起打風時, d雨水會係巷尾d窿窿牆吹入冷巷到, 要掃水. 但我地會放下船仔,玩下水先.. 又或且專登走近d窿窿牆等d雨水弄濕, 當然唔會變落湯雞..

仲有, 一打八號風球,多數都係食罐頭. 停電又好好玩, 實會走出條巷到, 好彩以前唔似而家咁熱咋, 而家夜晚少陣冷氣都唔得

另外, 有時同其他層數唔同既細路鬧交時, 就會係冷巷盡頭d牆身寫, xxx係八婆, 唔知你地有冇試過

突然記起, 你地記唔記得細過時食既一種零食, 係一種成張紙咁薄既(唔知點形容)有白色, 粉紅色,好似印左d野係個塊類似薄餅

, 總知一食落口就溶, 有冇人記得起叫乜名呀 ?-(lulu媽媽, 唔係新蒲崗公爵, 係萬年戲院個頭間寶爵

, 潛野當然有幫襯過啦, 不過我地會照辦主碗, 自己整no.玩潛野, 喂, 你地有冇玩個拍公仔紙同埋射波子呀 :mrgreen:

私人傳訊

煒良媽咪

公爵府

積分: 27060

母親節2025勳章 2024年龍年勳章 2021可愛聖誕B勳章熱血勳章

109^#

發表於 05-7-12 16:12 |只看該作者

Re: 你的童年是怎樣過的?

我既童年係唔開心多過開心, 六歲前搬過4次屋. 每次都係老豆同人嘈而搬走(親戚/包租婆), 老豆甚至試過同我外婆大打出手而比外婆趕走, 有段時間我父母係分開過, 直至我六歲個年申請到公屋, 我地至一家重聚. 老豆少少事就成日同媽咪嘈鬧, 佢非常萌塞成日對我無理取鬧, 而且重男輕女. 完全唔會教導仔女, 有事時就會將所有責任推得一乾二淨

私人傳訊

積分: 6558

110^#

發表於 05-7-12 22:30 |只看該作者

Re: 你的童年是怎樣過的?

煒良媽咪,你爸爸d皮氣真係好犀利0咼 :lol:

煒良媽咪寫道:
我既童年係唔開心多過開心, 六歲前搬過4次屋. 每次都係老豆同人嘈而搬走(親戚/包租婆), 老豆甚至試過同我外婆大打出手而比外婆趕走, 有段時間我父母係分開過, 直至我六歲個年申請到公屋, 我地至一家重聚. 老豆少少事就成日同媽咪嘈鬧, 佢非常萌塞成日對我無理取鬧, 而且重男輕女. 完全唔會教導仔女, 有事時就會將所有責任推得一乾二淨

私人傳訊

積分: 6558

111^#

發表於 05-7-12 22:57 |只看該作者

Re: 你的童年是怎樣過的?

冬菇頭,Karson,heifamily,我有食過你講0個d紙咁薄既野,不過我都唔知叫乜野

你地d樓有冇野食賣架,我0個座9樓有間士多,成日都落去買野食架 :-P 我地0個個年代d細路都係玩拍公仔紙,彈波子,仲有好似竹簽既野,仲有隻玩具要0向大堂玩,拎住條線發黎發去好似有聲架 :lol: 你地明唔明我講邊隻呀 :mrgreen: 仲有0向地下畫跳飛機玩,係條巷玩煮飯仔,仲有用益力多整over機,一個係上面0個層,吊個益力多落去下面0個層,都幾好玩架

:wink:

私人傳訊

積分: 1798

112^#

發表於 05-7-13 13:50 |只看該作者

Re: 你的童年是怎樣過的?

lulu媽媽寫道:
仲有隻玩具要0向大堂玩,拎住條線發黎發去好似有聲架 :lol: 你地明唔明我講邊隻呀 :mrgreen: 仲有0向地下畫跳飛機玩,係條巷玩煮飯仔,仲有用益力多整over機,一個係上面0個層,吊個益力多落去下面0個層,都幾好玩架 :wink:

真係唔係好明係乜玩具 ?-( 你地玩跳橡根繩有冇玩過織花(將條橡根繩打孖,然後拎去一條, 又點知點"橋")同埋跳棺材

私人傳訊

積分: 6558

113^#

發表於 05-7-13 16:05 |只看該作者

Re: 你的童年是怎樣過的?

冬菇頭,Karson去左邊樹呀

連heifamily都唔見既

你係唔係講0個隻橡根繩叫織布呀

織布我就玩過,另外一隻叫棺才,用隻腳蹺黎玩你地有冇玩過呀

私人傳訊

積分: 842

114^#

發表於 05-7-13 20:31 |只看該作者

Re: 你的童年是怎樣過的?

lulu媽媽,冬菇頭,Karson

我係61座約榮小學架，e+住荃灣，一年都有3次上慈雲山 (拜山)。有1個曳曳女。
果隻白色粉紅色嘅我細個果時name佢做簿餅。
大字報、跳飛機、橡根繩緊係有玩啦，不過射波子我果頭唔興喎

中央果時有個好似搖玲(約2層樓高，可以坐+幾人一齊玩，搖搖板+氹氹轉)嘅物體，玩親都俾佢fing到想嘔。
仲有果時sir滑梯用鐵皮，又係2層樓高，夏天玩就勒pat pat。e+就好miss，你估如果e+有得玩，我地俾唔俾的仔仔女女玩ar

私人傳訊

積分: 6558

115^#

發表於 05-7-13 23:52 |只看該作者

Re: 你的童年是怎樣過的?

咁多位好 :-P heifamily大字報點樣玩架

你地細個0個陣有冇去啟德遊樂場玩呀,我最中意玩咖啡杯同旋轉馬

你地結婚0個陣慈雲山拆未呀,我就結左婚佢先至拆,講真真係好唔舍得以前d街方,真係由細玩到大架 :cry:

私人傳訊

積分: 1798

116^#

發表於 05-7-14 12:47 |只看該作者

Re: 你的童年是怎樣過的?

HI, 各位

(省時間唔寫你地個名啦)
你住果頭通常都係讀約榮小學, 好似61-65座係連埋一齊, 咪成個迷宮咁 ?-( 我覺得以前樓下d遊樂場既滑梯, "琴剛架"

私人傳訊

積分: 842

117^#

發表於 05-7-14 13:46 |只看該作者

Re: 你的童年是怎樣過的?

Hello
係呀我住果度好似迷宮架，我哥哥小二試過迷路要人帶佢返屋企tim

同埋人地(啲同學仔)話如果有外人入嚟慈云山"開片"，最好就係去61-65座，包佢地走唔返出嚟 :tongue: 我屋企望住中央，試過見到4、5個人喳住刀由47座果邊一路跑(追殺)到我地果度

都幾得人驚
啓德我就鐘意玩坐船仔同碰碰車，掟錢果啲遊戲好想玩但爸爸唔俾。第1次玩過山車都係啟德，果次驚到都唔識大叫，e+緊係覺得小兒科啦，去親主題公園第1樣要玩就係過山車嘞
我往果度係最早拆架，所以未結婚

私人傳訊

Karson91