基督家庭 今日: 0 | 主題: 9939

積分: 306

103^#

發表於 11-5-24 16:29 |只看該作者

God can do everything, people think impossible but God will do in the right time.
you can pray to God to forgive your wife, she maybe lost now but God will teach her at right moment.

Do you still remember Jesus? He cure the sick, blind even dead people? Believe God whom can do everything in his hand.

we will pray & support you. Be good example before your child.
Add oil.

私人傳訊

積分: 4598

104^#

發表於 11-5-24 20:30 |只看該作者

回覆 Pigra 的帖子

感謝主陪你繼續向前行。唔知你有無發覺﹐神嘅時間係啱啱好﹖從你開始踏上呢個四十日旅程﹐每日在你太太同埋你自己心中嘅改變﹐同神嘅話語係有幾配合。
尋日嘅任務唔容易﹐今日任務更難。
去寬恕別人已經唔係人人能做到﹐去求別人寬恕更係人際關係上一大難題。但真愛就係咁樣---要為愛而承擔責任﹐承認過失。在衝突裡面﹐兩個人好自然會針鋒相對去證明自己無錯﹐尤其我地呢個社會教導我地認錯就要扣分﹐認錯就會無面﹐卻好少提及我地認錯嘅話所得到嘅會比失去嘅更多。當然並唔係代表每次有衝突都係自己錯晒﹐對方啱晒﹐不過我地要學習嘅係謙卑落黎﹐放下自己嘅驕傲﹐承認自己亦有缺失嘅地方。而且認錯就係認錯﹐唔好加D野上去﹐好似「咁我係有錯﹐但你亦都乜乜乜xxx喎....」我地對神對人應該同樣地謙卑求寬恕﹐因為「我們若說自己無罪，便是自欺，真理不在我們心裏了。我們若認自己的罪，神是信實的，是公義的，必要赦免我們的罪，洗淨我們一切的不義。」(約翰壹書1:18-19)

第二十六日任務﹕今日你要先在禱告中省察自己喺關係上嘅過失﹐向神認罪﹐求神赦免。然後你去你太太面前﹐用真誠同愛心求佢同樣嘅寬恕。

你唔好理你太太有乜反應。佢可能當聽唔到﹐可能畀D說話你聽﹐可能話「你講完未呀﹖」、「我無乜野好講」然後唔理你﹐但你一定唔可以加任何多餘嘅說話﹐更加唔可以反駮辯護。而最緊要係你先求神赦免。

經文﹕你在甚麼事上論斷人，就在甚麼事上定自己的罪；因你這論斷人的，自己所行卻和別人一樣。(羅馬書2:1)

私人傳訊

積分: 483

105^#

發表於 11-5-25 00:58 |只看該作者

第二十五日小報告: 今天一切平靜，太太終於多日來首日留在家中食飯了，晚上也沒有上fb與人chat...我有嘗試與她傾計，但似乎她仍不太想與我講話...甚至她有不適也不告訴我，只在fb上分享...

明天的任務，前半部分我一定做到，但後半部分...仍要求主幫助!

私人傳訊

積分: 4598

106^#

發表於 11-5-25 21:20 |只看該作者

回覆 Pigra 的帖子

畀佢一些時間吧。記住﹐你唔係要修復個婚姻﹐回到以前一樣。你係要拆毀然後由根基開始重建。
婚姻嘅根基係包括勉勵。聖經話﹕「所以，你們該彼此勸慰，互相建立，正如你們素常所行的... 勉勵灰心的人，扶助軟弱的人，也要向眾人忍耐。」(帖前5:11,14) 同勉勵相反係乜呢﹖係對對方有過高嘅期望﹐令到對方好灰心挫折﹐呢個係破壞婚姻根基嘅一種苦毒。唔知你有無試過覺得對方做某一D事情係你認為唔合格嘅﹐逐漸忍唔住﹐然後話對方點解講來講去都達唔到標準。我地對配偶要有無條件嘅愛﹐其中包括勉勵﹐讓對方唔好灰心﹐在軟弱同失敗中仍然感受到對方嘅支持。

第二十七日任務﹕將你地之間任何不設實際嘅期望消除。諗下對方曾經有無向你講過你喺某一方面對佢有太高期望﹐令佢好挫折。如果有﹐向佢道歉﹐承認你唔應該要求太多。並且應承佢你會諒解佢﹐無條件地愛佢。

同以往一樣﹐唔好理佢反應係點。

經文﹕又要彼此相顧，激發愛心，勉勵行善。(希伯來書10:24)

私人傳訊

積分: 483

107^#

發表於 11-5-26 02:09 |只看該作者

第二十六日小報告: 今天也是一切平靜，太太忙於工作，沒有太多交流時間...任務是做了，反應也和預計的一樣...

明天的任務也要求主幫助...

私人傳訊

積分: 4598

108^#

發表於 11-5-26 20:55 |只看該作者

回覆 Pigra 的帖子

一直以來你有好多次提及你太太好忙。唔知你有無諗過﹐你可以做D乜野、甚至犧牲一D乜野去幫助下佢呢﹖
約翰一書3:16話﹕「主為我們捨命，我們從此就知道何為愛；我們也當為弟兄捨命。」透過捨命犧牲﹐愛最美麗嘅真面目就顯明出來。好多時候我地只想起自己嘅需要--我好忙﹐我好疲倦﹐我好病﹐我好肚餓﹐我好寂寞﹐我心靈好空虛﹐我好需要休息下。但當別人投訴呢﹐自己就諗「乜你成日complain complain complain...」會去忽略﹐或者用言語去嘗試說服對方其實佢都唔係咁難受﹐甚至時常聽到嘅「喂﹐你乜乜乜啫﹐但我乜乜乜仲辛苦過你啦﹗」(好慚愧﹐呢句說話我自己都曾經講過。)
不過愛唔係咁樣運作。愛係體貼對方﹐喺好多時候選擇去犧牲自己來滿足對方嘅需要。需要可以係好多方面﹐可以係需要我地將注意力同時間同別人身上轉移到對方身上。可以係需要忙碌工作之後返到屋企得到安全感。可以係性方面嘅需要。可以係身心疲累時需要我地去守護﹐讓佢得到安靜。可以係需要我地肯定對佢嘅愛。
喺新約聖經入面﹐我地睇見信徒互相分享﹐願意為對方犧牲﹐同心地敬拜神。假如我地真係接受左主耶穌嘅愛同犧牲所帶來嘅救恩﹐我地對配偶亦會有同樣嘅愛同犧牲。

第二十八日任務﹕你太太現在生命中最需要係乜野﹖你能唔能夠透過犧牲而滿足佢嘅需要﹖如果有﹐你就選擇去犧牲自己來滿足對方呢個需要。

可以係大事﹐亦可以係小事﹐甚至小到你太太想有D時間安靜下﹐你就犧牲自己嘅時間﹐帶兩個女女出去讓你太太得到安靜。(呢個只係舉例。)

經文﹕你們各人的重擔要互相擔當，如此，就完全了基督的律法。(加拉太書6:2)

私人傳訊

積分: 483

109^#

發表於 11-5-27 02:16 |只看該作者

第二十七日小報告:這陣子我和太太間平靜得很，她對我所做的無甚反應，我也沒有好像以前般對她糾纏不休...大家的交流很少，我有主動和她傾計，但如感到對方有厭煩的時侯我便退下來，免得發展成爭執...當然任務我是照做，沒有理她的反應...

明天的任務...我其實知道她需要甚麼，只是她不想給她的人是我...又或者，正如sshoi舉的例，我帶兩個女出去玩讓她有私人空間可能正是她最想要的...

私人傳訊

積分: 4598

110^#

發表於 11-5-27 22:24 |只看該作者

回覆 Pigra 的帖子

如果愛係建基於對方有幾可愛﹐咁我諗所有婚姻包括你同我嘅都死得喇。好似你個情況咁﹐配偶對自己無乜反應﹐唔秋唔睬﹐有時真係會拎人諗﹕「我做乜要愛舊石頭呀﹖」只有當神係我地愛嘅原因﹐我地先有能力去愛。因為愛來自神。聖經教導我地做任何事都要以神為原動力﹐例如工作要好似為主而做﹐喺任何事情上服侍都要當作係服侍主﹐連愛同順服配偶都要以基督為對象。
出於責任嘅愛係維持唔到好耐﹐正如建立在人身上嘅愛亦容易動搖。如果要有恆久嘅愛﹐嗰個最終原動力一定要係來自永恆嘅神。

第二十九日任務﹕今日喺你見到你太太之前﹐為佢同埋佢嘅需要而祈禱。當你見到佢時﹐同佢講一聲「我愛你」﹐並且用可見嘅方式去表達出來。然後再向神禱告﹐感謝神在你生命中安排左呢個人讓你可以無條件地愛﹐正如神無條件地愛你地兩個。

唔好畀自己任何理由去講唔到嗰三個字﹐點難都要表達出來。

經文﹕至於我和我家，我們必定事奉耶和華。(約書亞記24:15)

私人傳訊

積分: 483

111^#

發表於 11-5-28 02:15 |只看該作者

第二十八日小報告: 今天還是老樣子，不過我讓她回家後睡了一個好覺，自己照顧女兒和做家務，算是犧牲自己滿足了她吧...

明天的任務我一定會全力以赴!求主幫助!

點評

ndw Keeping up your good work! 發表於 11-5-31 12:36

私人傳訊

積分: 4598

112^#

發表於 11-5-28 20:01 |只看該作者

回覆 Pigra 的帖子

你做得很好。繼續仰望神﹐最重要唔係每天嘅任務﹐而係背後要你默想嘅經文。畀D耐性時間﹐婚姻嘅傷口會慢慢癒合﹐裂痕會修復。
神係極度看重合一嘅。從太初未有﹐三位一體真神已經係完全合一﹐在各樣神性以及工作上都係。耶穌受洗時﹐亦可見父神同聖靈嘅同在。神嘅話語聖經經歷一千六百多年﹐由四十多位作者寫作﹐內容卻奇妙地吻合。基督同教會嘅屬靈婚姻亦係兩下合而為一。故此﹐神亦期望人嘅婚姻能合一。
作為丈夫﹐如果能處處為妻子著想﹐愛到願意捨命﹔妻子如果以順服來表達愛﹐處處體貼丈夫﹔如果兩夫婦都能同心將婚姻中嘅私慾、嫉妒、驕傲都除滅﹐呢段婚姻會係極大嘅祝福﹐為神帶來最大嘅榮耀。

第三十日任務﹕今日仔細思考婚姻生命中一個你地唔合一嘅地方﹐重新為呢件事禱告﹐求神幫你省察自己心中有無任何事攔阻你同你太太合一。如果合適嘅﹐同你太太提出呢點﹐並且一起為此而禱告。

經文﹕聖父啊，求你因你所賜給我的名保守他們，叫他們合而為一像我們一樣。(約會福音17:11)

(我呢個週末要參加教會夏令營﹐嗰度無得上網﹐所以暫停一天。你用多出嘅一天溫習返過一個月嘅經文啦﹗)

私人傳訊

積分: 483

113^#

發表於 11-5-28 21:08 |只看該作者

第二十九日小報告: 今日一早就完成了任務，得到的回應也是預期之中。她剛剛又出街了，看來她上星期說的只是吹水罷了，我沒有太大反應，只問了她一句，仍在處理中嗎，她沒有回應...失望總有一些，但想真點其實也沒甚麼，反正她都不是第一次騙我了...但今日的任務是無論太太有多不可愛，也要學神無條件愛她...

再一次感謝sshoi弟兄，你給我的任務是一生的任務，我會繼續努力，繼續仰望神的...

私人傳訊

Chocobean

男爵府

積分: 6525

畀面勳章貢獻勳章環保接龍勳章

114^#

發表於 11-5-29 09:43 |只看該作者

一個大男人要講出『我愛你』真係好難，
特別要冇乜回應.....
加油呀！太太要出街『靜下』，算啦，未必係去邊嘅，可能學校好多野做呢？
唔好當佢騙你住，『待人要在有疑處不疑』

我記得好多年前，爸爸媽媽總係唔信我，要在『不疑處有疑』，搞到關係好差。我『衰咗』佢地會話『拿拿那，睇死你架啦！』，冇衰到，只會話，『今次搵唔到證據』。根本就已經被判死刑，同佢地講野，佢地話點愛我，都係晒氣。我記得因為咁樣，我如果那時死係街頭（汽車意外等），我都唔會打俾佢地求救。

信住先啦。諗佢可能係搵朋友呢？單方面搵輔導？自己靜下？有時自己行下街都係諗野嘅好時間。

人好多時候會為自己搵盡藉口，但對人就一個藉口都唔肯俾。

私人傳訊

nganma

積分: 1153

115^#

發表於 11-5-29 14:00 |只看該作者

Pigra 發表於 11-5-28 21:08
第二十九日小報告: 今日一早就完成了任務，得到的回應也是預期之中。她剛剛又出街了，看來她上星期說的只是 ...

無條件的愛，真是不容易，我們都想別人以愛還愛，所以我們盡心盡意去愛一個人，但得不到預期的回應，失望、心酸，或是埋怨起來都是自然反應。所以無條件的愛真是好大的學問。但深信上主創造我們，也一定給我們力量去愛，耶穌愛我們，給我們愛的誡命。祂為罪人而死，為我們展示了什麼是無條件的愛。
願主祝福你！

私人傳訊

積分: 483

116^#

發表於 11-5-29 21:54 |只看該作者

今日很不開心，她帶了兩個女去和她妹妹吃飯。為甚麼我不去? 其實是她不想我一起去，講大話騙她妹妹說我不去 (她以為我睡了跟她妹妹傾電話，無意中聽到的)...我不禁問我真的如此討厭嗎? 雖然很不開心，但我沒有問，由她吧...(其實每天被她傷害，我已開始痳木了...)

今晚難得自己一個人，好好安靜自己，向神支取力量去捱過艱難的每一天...

私人傳訊

Chocobean

男爵府

積分: 6525

畀面勳章貢獻勳章環保接龍勳章

117^#

發表於 11-5-29 23:36 |只看該作者

加油～神仲好愛好愛好愛你，你的努力，天上千萬的天使也在為你打氣！
向好的方面諗，今晚可以睇多啲聖經。
同埋太太去見妹妹，好過唔知去咗邊。

101樓話，"Love is a determination" ,
其實，信，望，愛，三樣都係要努力先有。

私人傳訊

積分: 4598

118^#

發表於 11-5-31 06:24 |只看該作者

回覆 Pigra 的帖子

你嘅失望同痛楚﹐神知道﹐因為神同樣想你太太回到佢嘅愛裡面。你就繼續用神嘅愛去愛佢吧。
哥林多前書7:3話﹕「丈夫當用合宜之分待妻子；妻子待丈夫也要如此。」神造男造女﹐有心靈嘅需要亦有身體嘅需要﹐當二人成為一體之後﹐各自亦應該喺性方面同對方配合。男女在婚姻裡用性來表達出來嘅傾慕之情係神最美麗嘅創造之一﹐美麗到神用聖經其中一整卷來描述﹐所以夫婦要好好處理同珍惜﹐唔可以用來作為要脅對方嘅棋子。性唔係婚姻嘅全部﹐但確實係婚姻好重要嘅部份﹐夫婦應當喺性方面榮耀神。

第三十一日任務﹕如果可以嘅話﹐主動向對方提出行房﹐並且盡力去滿足對方曾經提出過嘅需要。求神讓你地享受到當中嘅樂趣﹐並且藉此更彼此親近。

經文﹕我所愛的，你何其美好！何其可悅，使人歡暢喜樂！(雅歌7:6)

私人傳訊

積分: 483

119^#

發表於 11-5-31 08:27 |只看該作者

第三十日小報告: 昨天工作太多，沒有上網。昨天知道她工作辛苦，買了她喜歡的朱古力給她，但她竟說你以後也不需再買給我了...任務是無法完成，因她根本連話也不想跟我說多半句...其實我不太明白，我最近似乎沒有做過令她不開心的事，實在不明白她為何要這樣對我...

明天(今天)的任務是肯定無法完成，她已有大半年拒絕行房了...不要說行房，連親吻、觸摸都不行...以現在彼此的關係，是做不到的...暫時把任務寄存，將來有機會再完成吧...

私人傳訊