以前因為工作關係，見過好多好多明星，等我諗吓先：
郭hor盈：真係靚女，當年冇而家咁瘦，喺金鐘某大酒店食自助餐，成間酒店D人都眼甘甘望住佢，好唔好彩佢同莫欣欣一齊，欣欣即刻被比了下去，雖然佢不嬲都唔靚，只係身裁優勝。
城城：隻眼識放電，好靚仔但真係婑到不得了，我企佢隔離影相，原來佢高我唔夠一個頭。
天濛光：好高吓，唔係超靚仔但有型，好鬼識做人。
劉華：超nice，都幾型仔但太瘦，果時喺我公司樓下拍戲，我D女同事個個都冇心機做嘢，走晒落去搵佢影相。
青雲：第一次見佢係拍完新紮師兄之後幾年，個人好有禮貌，做人好認真。後來佢結婚之後喺真心英雄首映佢坐我後面，份人都仲係好nice，但佢老婆就黑晒面十問九唔應，樣係幾高貴但人就唔多友善。
炳門：一句講晒「鹹濕」:;pppp:
哥哥：超級靚仔又nice，對眼攝人，差在婑咗D，以前成日喺金鐘見到佢，佢成人去果度行街。
關G琳：幾瘦又有貴氣，對眼真係水汪汪大到跌得出嚟，但就有D老態啦，魚尾紋出晒嚟。
卿卿：又瘦又高，幾靚女，人又nice又識做，一D都唔姣唔乞人憎，我D女同事好鍾意佢架。
子楣：真人幾nice，但就冇卿卿咁可愛，多咗D姣同cheap味。
鄧紙風：好高大有型幾靚仔，講嘢一流又識做人。
Rain：見佢果陣好似得14定15歲，拍一個airline廣告，真係唔信佢咁細個，真人好高吓都算靚女。
鍾X慧：真人唔係靚，仲幾蠢吓，成日NG，果時D人都叫佢要醒少少至有運行，唔係好快消失。
影帝偉：係幾靚仔但就婑到你唔信，果陣佢拍新紮師兄，行路成隻蟹咁，未係而家咁型架。
講住咁多先，做完嘢再打過。
花旗太太生活在花旗國，留意時差，你問我未必即時答到。
mouth:mouth:" />mouth:" />
希望佢雨過天清
會員
發表於 
返回列表
