吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 究竟係咪要我去跳樓自殺先有人幫到我

論盡家傭今日: 1|主題: 134088

收藏本版

發帖

返回列表

跳至頁

樓主: crissy

3 4 567

積分: 14777

101^#

發表於 11-6-26 16:34 |只看該作者

１）就算唔係懷孕，佢病緊，都唔可以唔比佢反屋企，而且依句說話已構成被炒嘅証據，同埋博到同情分
２）妳聽到是真的，但個官以中立身份係睇証據；我哋都係以第３者角度去睇件事
３）如果係法庭傳票，所有人包括醫務人員，都要講真話，只要尊守私穩條例就得。若果個護士講個工人仲流緊血，即係仲有病，又或者証實佢懷孕，兩點都令你下下風，而且官無聽到婦科醫務人員口供，就只有信醫院嘅文件同報告

若你想上訴或上報館攪大佢
除非有好有力嘅証據
相信你都明白
因為你已找過區議員等

錢財仍身外物
無嘢比愛惜自己和家人更重要
所以要盡快釋放自己
盡快了決咗件事
若果出現失眠，精神難以集中和無原無固喊等
找要盡快尋求專業輔導

私人傳訊

bbfish1992

子爵府

積分: 14777

102^#

發表於 11-6-26 16:41 |只看該作者

本帖最後由 bbfish1992 於 11-6-26 16:45 編輯

delegate to all great parents and those employers being in hard time

私人傳訊

SandraLo

珍珠宮

積分: 33215

103^#

發表於 11-6-26 16:52 |只看該作者

mmnmm_m 發表於 11-6-26 02:18
樓主
請恕直言
你諗到而家都唔明白

因你困在局中
你係被告佢唔係被告
佢做錯事(與工作無關)唔等如你可以做錯
所以你對佢所有指控並不能幫到你自己
只會令法官覺得你動機不良
你在醫院用恐嚇手段迫佢自動辭職
如你曾在庭上說出
你已經完全無分
佢當時仍然是一個病人

同意,
可惜不明白的人就是不明白
作為僱主, 身份是極度敏感的
僱主對僱員嘅任何要求,
只要稍稍過位
僱員都可以事後話係被迫
因為：僱員担心唔肯就有機會被炒所以先至肯！

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

ellawyc

公爵府

積分: 26643

好媽媽勳章

104^#

發表於 11-6-26 22:37 |只看該作者

唔該大家理智d, 搞大件事只會令樓主的痛苦沒完沒了.

亦希望樓主可以靜下來想一想, 咁多僱主幫你抽絲剝繭搵疑點, 唔係唔相信你, 只係希望你要確定下一步行動之前, 是有足夠勝算, 而非盲目地講句"同佢死過", 就要將自己同家庭, 推入另一個深淵.

而家係3萬, 再黎平機會係一筆, 加埋10萬好未? 你條命, 你的精神健康, 同你一家的幸福, 係無價! 唔好比錢壓毀自己.

大家睇港聞都見唔少case, 法律事件招來招往之間, 只要有小差錯, 就會有位入; 而家你個情況亦可能係.

既然已經有咗一個結果, 不如平靜下來, 處理好佢, 讓整件事成為過去. 唔值得為一個外人, 令到你咁鬱悶. 明日又係新一天, 世界咁大, 小朋友又細, 有幾多美好的事在前面等妳呢? 好好地去迎接罷~

私人傳訊

nicksonma

侯爵府

積分: 23453

2025勳章蛇年勳章美好大世界2017勳章認識瑞士牛牛第三回認識瑞士牛牛第二回認識瑞士牛牛第一回育兒性格勳章我的育兒心得勳章分享愛夏天玩到顛 hashtag旅遊勳章 DHA勳章 hashtag影視迷勳章大廚勳章叻叻勳章 wyeth冷知識勳章畀面勳章親子達人勳章 BK Milk勳章

105^#

發表於 11-6-26 23:16 |只看該作者

樓主, 我都好同情你的遭遇. 但係錢財身外物, 千祈唔好為左一個衰人做
傻事. 個衰人咁樣糟質佢自己身體, 遲早都會報應返佢自己身上. 你既屋企人先至係最重要既!

既然事實證據不利於你, 當自己唔好彩, 買左隻坐艇的股票咁, 繼續投落下咪盞損手離場, 不如狠心d斬倉離場或者損失無咁大.

經一事長一智.最緊要既都係自己同屋企人. 錢無左, 可以再搵番. 生命無
take two.

私人傳訊

Babyeddie

子爵府

積分: 13062

環保接龍勳章大廚勳章

106^#

發表於 11-6-27 01:00 |只看該作者

回覆:究竟係咪要我去跳樓自殺先有人幫到我

我朋友有一次作小產入急症室經驗
個急症醫生用超聲幫佢照話無心跳
要即曰入院做刮
上到婦產嚇餐死
先知因個胎太細同急症d儀器太渣係照不到
通常其他team
收到症為安全都會轉番去婦產再check
你工人可能都係有咗冇耐用超可能有機會係見到一胎盤但儀器太渣聽不到心跳
除咗陰超冇其他儀器check到真有定冇
所以個醫生要挾佢做刮宮

私人傳訊

Babyeddie

子爵府

積分: 13062

環保接龍勳章大廚勳章

107^#

發表於 11-6-27 01:04 |只看該作者

回覆:究竟係咪要我去跳樓自殺先有人幫到我

我好同情你處境
但係放生自己係唯一可以對自已好的路

私人傳訊

Snot

大宅

積分: 1236

108^#

發表於 11-6-27 02:21 |只看該作者

喂! 我記得我睇過你之前個post
我PM咗好多有用既資料比你, 你究竟睇咗未?
你究竟有無試過搵佢幫手, 佢肯唔肯幫你呀?
PM既係私人訊息, 你係未睇就快d去睇啦

你唔洗咁灰
你輸好多時係唔識法律, 唔識點保障自己
我以前都試過比人屈, 搞到上法庭
區議員, 僱主工會, 無過幫到我
跟著朋友搭路搵到佢
最後佢幫我反敗為勝

我唔知佢幫唔幫到你
不過一試無妨

我愛可樂

私人傳訊

melodyy

別墅

積分: 857

109^#

發表於 11-6-27 08:26 |只看該作者

明白妳的心情，但正如其他媽媽所說，除非妳與識法律的人士交流，對方認為有勝算，否則不要再為此事糾纏下去......亦不應再為此衰人辛苦了自己和家人．即使上報，也未必能為妳取回公道，只會有更多人參與討論，而他們的意見又未必是站在你的一邊，每天去回應, 反駁，讓自己身心更疲累．樓主，希望妳可以找身邊的朋友或專業人士幫助，不要讓愛錫妳的人擔心．　

私人傳訊

melodyy

別墅

積分: 857

110^#

發表於 11-6-27 08:35 |只看該作者

看過一篇很有意思的文章，雖難做到，但值得一試:

「嘗試用以下的角度理解復仇：別人搶去你一千元，你不甘心，花盡心思與時間想去報復。復仇就像多花五萬元來追討一千元，還未必一定追討成功。復仇變相是額外多付騙徒五萬元。

每位『復仇者』都覺得自己是『受害者』；雪恨，是鞏固和提醒自己是受害者的事實。每天當悲劇主角，要求自己牢牢緊記曾經受的傷害，每天朝自己的傷口下毒，讓自己的傷口保持潰爛，持續地傷害自己。

復仇者往往非常專注，凝視著傷口，忘記了其他部分明明好端端的；為了一個傷口，放棄了自己整幅身軀。」

你/妳的心中帶有仇恨嗎？仇恨只會讓自己繼續痛苦下去，就讓時間為你/妳清洗傷口，要為自己及愛你/妳的人好好地走下去！

私人傳訊

catcathy

別墅

積分: 713

111^#

發表於 11-6-27 08:54 |只看該作者

回覆:究竟係咪要我去跳樓自殺先有人幫到我

樓主，你有無問過事務律師上訴你有無得贏？如無，這件事就算！
我諗個工人最初應該不是全心講大話，如果佢全心屈你$，洗咩攪到面青口唇白，仲流哂血咁！佢攞封懷孕証明信就得！我諗佢後來見無咗份工又有人教路才咁做！
見你賠的錢真不是小數目，但你咁諗佢呢胎流哂血，個BB會正常咩？佢依家大住肚返印尼，d人會夾道觀迎佢咩？印尼仍然係好傳統的國家，

私人傳訊

catcathy

別墅

積分: 713

112^#

發表於 11-6-27 08:59 |只看該作者

回覆:究竟係咪要我去跳樓自殺先有人幫到我

佢返到印尼先係報應的開始

衰d都咁話，千萬不要俾佢係香港生，印尼醫療水平低，等佢返去慢慢生！
錢無了係心痛，但你仲有家人和朋友

佢無你咁好彩

私人傳訊

SandraLo

珍珠宮

積分: 33215

113^#

發表於 11-6-27 11:42 |只看該作者

catcathy 發表於 11-6-27 08:54
樓主，你有無問過事務律師上訴你有無得贏？如無，這件事就算！
我諗個工人最初應該不是全心講大話，如果佢全心屈你$，洗咩攪到面青口唇白，仲流哂血咁！佢攞封懷孕証明信就得！我諗佢後來見無咗份工又有人教路才咁做！
...

冇錯, 樓主只係行錯一步, 就係話報警！
一個人已經面無人色咁瞓响e院, 但樓主重話要報警, 咁好難唔令人聯想到樓主係想個工人走！
各位贊成樓主搞大嘅 BK mom, 有冇考慮樓主會被平機會覺得佢係重未知錯而攞佢嚟開刀, 再罸重d 同搞大d呢？

私人傳訊

hiragana

珍珠宮

積分: 39552

114^#

發表於 11-6-27 11:57 |只看該作者

深表同情

私人傳訊

ope

侯爵府

積分: 20753

115^#

發表於 11-6-27 12:05 |只看該作者

樓主, 我本來都唔想再提以下件事, 始終係已經過去了的, 再火再嬲再無奈都已經過去了 .....

被一個相識幾年的朋友 c 騙去了 10 多萬港元
朋友 c 說他公司運作有困難, 我在同一年裏借了70多萬元給他, 他斷斷續續有還過錢, 最後剩下 10 多萬, 但佢話公司要倒閉了, 根本無得再還. 同時間, 佢外邊借左大耳x還卡數, 其實只係1萬多元, 那些人去佢屋企不停踢門話要去佢仔女的學校度搵佢d 仔女 ( 佢 d 仔女10歲唔夠), 佢一時急起上來, 竟然將我屋企電話地址比左那些追數人, 叫佢地搵我, 話我應該會幫佢還. 那些追數人好快就轉移目標打比我, 每日打 50 次電話黎, 每個電話都叫我出入小心d, 我當時係無情白事陷入一個被不停恐嚇和滋擾的深淵, 我先係債主, 我先係受害者 !! 點解一個朋友可以賤格到叫佢 d 收數佬黎搵我 ? 最後我報左警, 警察話佢地叫我小心 d , 唔算恐嚇, 為了平息件事, 我老公話拿多萬多元出來當比乞兒.

我當時真係覺得世界上無公義, 我已經比佢一借無回頭 10幾萬, 仲要最後拿多萬多元幫佢還大耳x 的卡數.

我當時想過去死, 我半個月內瘦了 10 幾磅, 好大壓力, 好嬲, 好憎那個朋友. 我係債主, 都已經無再追佢還 10 幾萬, 點知反過來因為呢個朋友而要再嘔多萬幾蚊出來, 還要比收數佬滋擾恐嚇成個月, 我係良民就要咁樣 ?!

我當時同你一樣, 諗 : 究竟係咪要我去跳樓自殺先有人幫到我 ?! 呢個黑暗時期維持左 2個幾月, 我和我老公有共同信仰, 每天不停祈禱.....

又真係唔到你唔信, 那個朋友當然好折墮, 破產, 公司無埋, 成家人都過得好痛苦, 其他債主不停搵人搞佢地, 佢地活像過街老鼠. 而我同我老公, 就生意順利, 收入穩定, 後來有埋大b, 無幾耐又有埋細b, 又買多左層樓....

點評

Sugarbabegirl 好有好報, 惡有惡報, 若然未報, 時機未到!! 你既分享, 相信幫到好多人。發表於 11-6-28 13:51

私人傳訊

VKwan

珍珠宮

積分: 38391

116^#

發表於 11-6-27 12:10 |只看該作者

catcathy 發表於 11-6-27 08:54
樓主，你有無問過事務律師上訴你有無得贏？如無，這件事就算！
我諗個工人最初應該不是全心講大話，如果佢 ...

係啦，算啦樓主，當自己做好心施舍十萬比佢算啦，佢呢胎流哂血，個BB點都未知，惡人自有惡報，唔好太執著攪到自己冇好日子過。

我近日忽然發錢寒，要努力搵錢儲錢呀！$$$

私人傳訊

ope

侯爵府

積分: 20753

117^#

發表於 11-6-27 12:38 |只看該作者

樓主, 有時候我們會為著追求心中的公義, 或者一啖氣, 而推倒好多其他的東西做代價. 我都曾經鑽牛角尖, 想找他個朋友出來還錢比我, 想盡辦法, 搵私家偵探, 好憎佢, 真係好憎佢.... 但後來過了幾個月, 再諗返呢個人, 已經無感覺了, 只係覺得佢已經一無所有, 都夠晒慘, 佢仲比其他債仔打......

我睇晒你的 post, 覺得個工人係好有問題, 由佢一開始大量m血, 到去到醫院換尿, 又唔肯 check, 又話自己無可能有 bb, 點知原來一路個肚大緊.... 但呢 d 都只係佢私生活和道德的問題, 不會影響佢受勞工法例保障的權利. " 法例禁止僱主解僱懷孕僱員" 呢個就係工人的理據了.

我睇完你的 case, 都好火好嬲, 我好明白你無奈, 3萬幾蚊真係唔少錢... 但你信我, 過一段時間後你睇返呢件事, 真係如過眼雲煙的 !! 千萬不要做傻事, 不要鑽牛角尖 !!