在職全職 今日: 0 | 主題: 48033

"卓賢的相薄" United Kingdom 2003 "卓賢的相薄" France-Paris 2003 "卓賢的相薄" Flower Boy "卓賢的相薄" Taiwan 2004 "卓賢的相簿" At the Beach "卓賢的相簿" United Kingdom 2005

積分: 6042

育兒性格勳章

101^#

發表於 05-10-12 22:32 |只看該作者

Re: 歡迎天水圍 MA MA 呀!

yiubb,

你個囡咁黐身, 更加要俾佢返n1, 唔一定要返學咁返, 你可以俾佢返暫託, 鍾意幾時返同返幾耐可以自己決定, 每2小時一節收費, 初初俾佢返2個鍾, 等佢慢慢適應, 返得開心再考慮加時.

我以前就係唔識得俾亞仔去暫託, 見佢2歲半都仲未識講野, 所以送佢去幼稚園讀bb班, 校服+雜費都5000, 返半日每月學費都要1500, 但返暫託就平好多, 就算返全日9:00-18:00, 食埋早餐、午餐同茶點都只係$70一日.

你唔使理d人講乜, 亞仔未識行時, 身邊都好多人同我講唔使咁早俾佢返學咯, 但睇亞仔個兒科醫生就叫我早d俾佢入學, 因為係獨生子, 加上亞仔唔係好識講說話, 早入學對小朋友有好處.

而家識得好多家長, 佢地第一個小朋友返緊小學, 第二個小朋友一夠2歲就送佢地去暫託, 初初返2個鐘, 每星期返3日, 跟住再加長返半日, 每星期返足5日, 佢地湊過一個所以有經驗, 知道早d適應既好處, 所以佢地小朋友去幼稚園返k1時, 好淡定又唔驚又唔喊, 因為返暫託時已熟悉課室常規.

而返 playgroup 同暫託唔同, playgroup 多數都係親子, 好難做到令佢唔黐身, 而且 playgroup 係小組玩遊戲, 上一堂都可能過$100, d小朋友玩遊戲排下隊, 攪下呢樣攪下個樣, 時間過得好快, 唔係咁化算.

私人傳訊

積分: 6042

育兒性格勳章

102^#

發表於 05-10-12 23:19 |只看該作者

Re: 歡迎天水圍 MA MA 呀!

kgpooh2,

個隻 3味草係清熱、解毒、袪濕.
亞仔發燒又咳又有痰時, 我通常會煲竹庶、甘荀、馬蹄、粟米鬚俾佢當水飲, 清熱降火又好飲, 可以令佢飲多d水幫助退燒, (我多數唔落茅根或者落好少, 因茅根太涼飲得多怕細路仔會抽筋, 馬蹄切頭尾洗淨不用去皮)

你個囡淨係發燒呀? 有冇喉嚨發炎、痰、鼻水、咳...之類, 發燒時記緊要食得清淡, 唔好食蛋, 如果你唔確定煲咩佢飲先岩, 你等佢好番後先煲, 煲d清潤湯水滋潤番先, 蘋果湯、椰子雞、木瓜雪耳都好好味, 魚湯對細路仔有益, 大眼雞、紅衫魚、梭羅魚、牛揪魚呢幾種魚滾湯好鮮甜, 可以配蕃茄、芫茜、薯仔、豆腐、節瓜、白菜..., 我最鍾意大眼雞滾蕃茄芫茜, 大眼雞魚味重, 蕃茄維他命豐富而酸味醒胃, 芫茜有香味又可以清熱殺菌, 唔好意思....流口水添

私人傳訊

kgpooh2

大宅

積分: 2087

103^#

發表於 05-10-13 00:13 |只看該作者

Re: 歡迎天水圍 MA MA 呀!

jessica: 你講開莞茜....我早2年前聽電台都聽過有種湯水清身體的毒都好好飲....有莞茜,馬蹄,(幼長)紅蘿蔔,南杏北杏,蜜祖,雞(去皮出水).
我記得當時一聽到就試煲來飲跟住一兩日後個女發燒2日倒..
到今年我摷返呢個湯水單出來又再煲來飲,後尾個女又係發左2日燒.....又會咁o岩唔知關唔關d湯事,
不過今次我個女發燒就係關個咳和痰事

聽日我煲呢個大眼雞蕃茄薯仔湯先.....呢個都好好飲,又可以拎d湯來煲通粉早餐食都好正....特別開胃些

私人傳訊

yiubb

子爵府

積分: 13158

104^#

發表於 05-10-13 15:38 |只看該作者

Re: 歡迎天水圍 MA MA 呀!

Jessica,

原來可以返暫託架, 如果你唔講, 我真係唔知; 咁請問你知唔知邊度有暫託呀? 同埋點申請, 有無咩條件先可以申請? 最後係唔係而家要申請定架喇?

唔好意思, 一口氣太多問題!

kgpooh2,

多謝你嘅意見!

私人傳訊

積分: 6042

育兒性格勳章

105^#

發表於 05-10-13 23:20 |只看該作者

Re: 歡迎天水圍 MA MA 呀!

kgpooh2,

真神奇, 唔知係你個囡咁岩得咁橋, 定真係隻湯唔岩佢飲呢, 我都試過煲芫茜、馬蹄、紅蘿蔔, 南北杏, 但冇落肉只係就咁煲水飲(落少少冰糖, 唔落糖冬瓜), 冇諗過煲雞湯可以配芫茜, 唔知煲出黎咩味?! D芫茜要幾時落? 係齊水落定差不多飲個時先落呢? 煲雞湯我通常用紅蘿蔔+雪耳, 貪佢夠簡單.

你囡囡退左燒未呀? 呢排開始轉天氣, 一個唔小心好易病, 我前排連續2個星期喉嚨都痛, 喉沙沙又有少少痰, 想作病但又病唔出, 我食左幾次銀堯解毒片, 好番好多都算幾有效, 但係呢幾日起身又輪到個鼻勁痕, 亞仔同我一樣又係有鼻敏感, 真慘!

講開咳同痰, 朋友個仔前排開學成日病, 傷風感冒睇完醫生都仲係經常流鼻水同咳, 佢話去余仁生買左隻'冬蟲夏草'俾個仔試, 佢個仔食左冇再流鼻水同開始咳少左.

私人傳訊

積分: 6042

育兒性格勳章

106^#

發表於 05-10-13 23:59 |只看該作者

Re: 歡迎天水圍 MA MA 呀!

yiubb,

我以前都唔識返暫託, 讀BB班o徙左好多錢, 學費又貴雜費又貴好唔抵, 所有幼兒中心都會有暫託服務, 只要足2歲就得, 有關幼兒中心同暫託服務詳細資料, 你可以 click-->
社會福利處 - 幼兒服務網頁睇睇, 網頁內還有提供暫托幼兒服務的幼兒中心名單.

係天水圍都有好多間幼兒中心, 我只係認識近樂湖個間'仁濟醫院林李婉冰幼兒中心', 因為亞仔係個度讀過書, 其他幼兒中心好唔好我就唔多清楚. 每間幼兒中心只得三個位, 滿左就冇, 所以最好早d約定, 如果有位隨時去到都收, 第一次要填表登記, 你可以帶埋小朋友去中心睇睇問資料, 順便填埋表咁方便隨時都託得.