Baby Kingdom - 親子王國 香港 討論區 › 首頁 › 夫婦情感› 不再傷心俱樂部

夫婦情感

收藏本版
發帖
返回列表
跳至頁

首頁
45678...11

尾頁
   16
gor_gor


大宅

積分: 1755


101#
發表於 12-1-8 22:43 |只看該作者

回覆：不再傷心俱樂部

我回來了...剛說了...

盡量抑制著情緒，希望仍然還有挽留的機會...卻敵不過命運既安排。

好辛苦先吐出一句：我地以後倆母子咁點？似乞求？似為著一思思的希望？縱使佢說時呼吸沉重、縱使佢一次又一次望著阿仔，似帶點依依不捨，但還是狠下心腸的說了：以後我仍然會讓妳倆母子好好的生活。同時可以好似平時周末有時間的話返黎睇個仔。

我哭了整整3小時，本來佢要離開返上大陸，但阿仔想好似平時同我一齊落樓送佢上巴士，但我拒絕。我關咗自己喺廁所，以為哭乾哭淨出番黎，還是崩潰。咸至軟坐喺房地下，一直係咁咸，咸至虛脫，身體不停打震，呼吸困難，從未如此辛苦過。佢攞咗水比我飲，抱我上床，因為我根本企唔到起身。佢一直安慰我，我同佢講無事，叫佢走我會好好咁照顧個仔。佢問我係咪以後唔可以見個仔，我答佢我唔想佢無咗爸爸，佢一出世到而家已經受咗好多苦，已經無其他小朋友咁幸運。

之後，我盡量平服情緒，叫佢走，我起身出去同個仔讀書。我一見到個仔又忍唔住...終於佢走勒，臨行前緊緊咁抱住阿仔。佢走咗後，我咸住同阿仔講對唔住，係媽媽對你唔住...以後就只有我地倆母子生活，因為爸爸已經選擇咗另一位姨姨，到時爸爸會有自己既家庭。雖然佢仲細可能還未明白，但佢都好天真咁講咗一句：我同姐姐照顧妳好無。

沖涼既時候，我同自己講唔可以再咸，但我真係好心痛，我控制唔到，好辛苦。

之後既路點走我仲未知，一切會先以個仔為重。

點評

hhpiglet  我都睇到喊. 希望你早日康復. 多花時間同仔仔玩!  發表於 12-1-20 11:02
私人傳訊

joymama


大宅

積分: 2597


102#
發表於 12-1-8 22:51 |只看該作者

回覆：gor_gor 的帖子

保重，好好睡一覺，要面對的事，始終逃不了，明天會更好！
私人傳訊

hotracy918


大宅

積分: 4925


103#
發表於 12-1-8 23:00 |只看該作者

不再傷心俱樂部

gor gor, 佢雖然狠心, 但對你可能係解脱, 保重, 這裡所有JM都會祝福你和你囝囝, 加油

點評

及時雨  對！  發表於 12-1-8 23:36
私人傳訊

明明


複式洋房

積分: 345


104#
發表於 12-1-8 23:04 |只看該作者

引用：我回來了...剛說了... 盡量抑制著情緒，希

原帖由 gor_gor 於 12-01-08 發表
我回來了...剛說了...

盡量抑制著情緒，希望仍然還有挽留的機會...卻敵不過命運既安排。
gor_gor, 要喊就喊出來啦，忍住會好辛苦！

你有個好乖的仔，佢好生性，咁細個會安慰你。以後好好和他生活。

Smile - Ming Ming
私人傳訊

gor_gor


大宅

積分: 1755


105#
發表於 12-1-8 23:07 |只看該作者

回覆：不再傷心俱樂部

本來已經關燈瞓，但而家啲眼淚仲不停咁流梗，想瞓但又瞓唔著，眼光光...
私人傳訊

hotracy918


大宅

積分: 4925


106#
發表於 12-1-8 23:16 |只看該作者

不再傷心俱樂部

gor gor, 過程係辛苦, 幸福的晚年回想起來, 這只不過是人生的經歷, 加油
私人傳訊

及時雨


大宅

積分: 2228


107#
發表於 12-1-8 23:42 |只看該作者
聽到你而家甘，我知道呢一刻我講什麼都無用，但我依然會祈求主，求主給你醫治，願主撫平你心中的痛！
私人傳訊

16628


大宅

積分: 1055


108#
發表於 12-1-9 00:04 |只看該作者

回覆：gor_gor 的帖子

我的眼淚忍不住了Gor Gor 加油，努力和仔仔好好生活，因為你個仔好生性好乖，我相信你一定得！
kingbb I am 7 years old. ;-) :-D :-D
私人傳訊

YY239


大宅

積分: 2954


109#
發表於 12-1-9 00:16 |只看該作者

回覆：不再傷心俱樂部

你而家既心情我都經歷過，心疼得為你留下淚，我相信左神會幫我安排一齊，禱告令我心情平伏，單親既日子令我更珍惜對仔女，佢地比所有小朋友幸福，因為有我全心既愛錫，兒子需要你，堅強振作，加油
私人傳訊

gor_gor


大宅

積分: 1755


110#
發表於 12-1-9 01:16 |只看該作者

回覆：不再傷心俱樂部

多謝妳地既關心，展轉反側、什至坐喺度瞓，都係未能入眠。雖然眼睛閉上，但一幕幕昔日既片段一下子擁出黎，係不停咁令到我更加累。我知道今晚會係一個漫長既晩上。
私人傳訊

gor_gor


大宅

積分: 1755


111#
發表於 12-1-9 08:57 |只看該作者

回覆：不再傷心俱樂部

好不容易才熬過一夜，本不想返工，但既然攤係床上睡不著，還是起身返工，希望以工作黎消磨時間。但這一夜比起日後既日子，原來已經不算什麼。

尋晚諗咗好多野，包括以前種種，仲有以後既日子。其實，尋日朝早同公公食早餐，見到佢真係老勒，已經有感而發，百般滋味在心頭。諗番自己細個時，童年并不快樂，一家四口，生活係一個吵吵嚷嚷既家庭。父母關係不佳，但總唯持過來。我媽好早已經無做野，打麻雀過日，卻因為結識到啲豬朋狗友而染上賭引，近呢几年已經輸咗百几萬、我哥早絕學出黎做野，只係自己顧自己，加上大家生活圈子唔同，早已無咩溝通、而家公公66歲，已經退休，身體已不大如前，加上糖尿病而引發既其他毛病，都好煩，但會經常黎揾個孫，好錫佢，所以我同公公既溝通比較多。而因為之前為我媽還賭債既問題，早已無同啲親戚往來。而佢呢，唔係香港人，只會每年返去佢屋企一次才會見面。我悕虛既係，而家只係剩番我倆母子還有公公，但過多几年，唉...

係咪人總敵不過命運既安排，命運要妳怎麼就是怎樣呢？我係咪唔應該開口去問佢，要佢比個答案我，應該扮作咩都唔知，起碼還勉強維持到頭家呢。點解我要將痛苦廷續到下一代讓阿仔同我一同受苦呢，到底我係咪做錯咗？！
私人傳訊

mc


子爵府

積分: 12169


112#
發表於 12-1-9 10:02 |只看該作者
回覆 gor_gor 的帖子

知道你此刻心情一定很沉重，也有些疑惑究竟對他直言你知道了，要他作出選擇是否正確。但請相信你自己的決定，如其活在痛苦的猜疑和不安之中，他的狠心對你和兒子來說會比較好，終好過他一面無法給你答案，一面繼續維持和大陸的小三一起，這樣對你的傷害更大，你會越來越走不出來。

人生就是無奈事情特多，不過你現在還有工作，還有錫你的仔仔，我深信他長大後一定會照顧你，愛錫你。你的晚年一定會比你C6好得多，你還有機會再去找另一個可以真愛你的人。你C6根本不珍惜你，你勉強自己假裝不知道根本不是一個可行的方法，你的心根本介意，你又有工作，經濟上可以獨立，加上你C6根本是有責任供養仔仔到長大成人，你的決定對你和仔仔是完全正確的。

你是需要一段時間去調適自己的心情，不要勉強自己裝作不在乎，要哭時就哭出來，有不開心時可以來這裡傾訴，千萬不要亂想一些東西。現在你面前看來很苦，但我相信世上任何一件困苦的事，一定有著它背後的意義，這道門關了，應該有另一道門為而開啓。

既然你C6還是痛錫仔仔，那麼就讓你仔仔繼續享受父母的愛，之不過父和母是不可能住在一起了，畢竟你小朋友還很小，可能你要好好輔導他去接受這種改變，也要告訴他一切與他無關，只是父母親之間發現彼此性格不合才會分開。我看過書，夫妻之間的爭鬥最好自己解決，也不用灌輸老公是背叛了婚姻，令到小孩子產生對父親的仇恨，這樣對小孩成長的人格帶來負面的影響。

加油呀！
mc <()>
私人傳訊

jojoalison


大宅

積分: 2277


113#
發表於 12-1-9 10:57 |只看該作者
女人要學識"愛自己"，女人當自强
私人傳訊

jojoalison


大宅

積分: 2277


114#
發表於 12-1-9 11:07 |只看該作者
婚姻只不過係人生其中一个階段，一種經歷，我最愛自己，苐二係个仔，苐三係父母，苐四係朋友，最後係老公，佢知佢既排名，所以佢会做好D，希望个排名可以唔係最尾。我有幾段婚姻，但我唔会為婚姻終結而唔開心。
私人傳訊

田心


大宅

積分: 1891


115#
發表於 12-1-9 11:47 |只看該作者

回覆：不再傷心俱樂部

gor_gor,現在講乜都無用，一齊靠你自己。我最近睇咗本書，叫「放下為樂」，人有所領悟，心也平靜很多。有機會買本睇下，好過亂唸嘢。日子都要過，以淚洗面唔係好事！
私人傳訊

gor_gor


大宅

積分: 1755


116#
發表於 12-1-9 13:45 |只看該作者

回覆：田心 的帖子

前面艱難既道路係漫長既，雖然我仍然未能接受現實，未能勇於面對。但我仍希望我能夠克服，只有我才能帶著兒子走出困境，面向將來。「放下為樂」已經啱啱買咗，希望能讓我慢慢的治療過來。

現在既每一分一秒都得難過，希望時間盡快將我既痛苦洗去。
私人傳訊

natalie520


子爵府

積分: 10111


117#
發表於 12-1-9 13:46 |只看該作者

回覆：gor_gor 的帖子

一路睇我d眼淚一路流，希望你以後會開開心心，搵過第個更愛你既人
私人傳訊

tyon


子爵府

積分: 14835


118#
發表於 12-1-9 14:14 |只看該作者

引用：我回來了...剛說了... 盡量抑制著情緒，希

原帖由 gor_gor 於 12-01-08 發表
我回來了...剛說了...

盡量抑制著情緒，希望仍然還有挽留的機會...卻敵不過命運既安排。
Gor-Gor,
看到你寫既內容，我都忍唔住喊咗出黎，個刻軟弱無力，成身打震，個種痛真的只有過來人才能明白！
先不要想太遠既事情，現在最難解決是情緒問題！要喊就盡情喊一餐！
但不要忘了食野同訓覺呀，要保重身體，這樣才是愛自己！
有時間看看全爲愛既文章，若果你認為你要
C6回來，就看看全爲愛寫既吸力法！很有意思！
不要認為自己已經輸左，就對自己失去信心，好多野未到最後都未輸。
回想起兩個月前，我發現c6做錯野，
都是上黎和sis傾計，多謝佢地開解，教我用那種方法面對，最重要教識我要愛自己，才能得到快樂！
我做到，你都一定做到！
加油！
私人傳訊

gor_gor


大宅

積分: 1755


119#
發表於 12-1-9 19:39 |只看該作者

回覆：不再傷心俱樂部

好不容易先捱到下班，同事們開始產生懷疑，原來我還要面對其他人。下車後回家既步伐感覺好沉重。我在問這裡到底屬於我嗎？回家後盡量劑出笑容與個仔傾計，卻又敵不過眼淚，越望個仔、越是心疼。越心疼、越崩潰。我已經盡量抑制，走入廁所沖涼時才敢哭出來。但似乎而家每一刻都不能夠控制,請問還要煎熬多夠？！
私人傳訊

16628


大宅

積分: 1055


120#
發表於 12-1-9 19:46 |只看該作者

回覆：gor_gor 的帖子

Gor Gor 時間可以冲淡一切，希望妳好快咁過了這痛苦，這裏有好多人願意陪妳渡過和支持妳ga！
kingbb I am 7 years old. ;-) :-D :-D
私人傳訊


首頁
45678...11

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy