多謝你地，你地好好，有耐性睇哂，好多謝你地。
生BB問題，或者再講多少少，除左我奶奶問題之外，老公同我都係睇法一致，唔會生BB，其實有我有少少想生，但老公話生BB好多野煩，好多野要幫小朋友計劃，所以都係唔生，聽到老公的想法，同埋自己都係十五十六，只係有少少想生，到最後都無生，咁老公當然有同奶奶講係佢唔想生，唔想奶奶成日嘈我，但當然都係無用啦，結果係我教壞佢個仔，令佢個仔想佢地絕後。
頭先打左比媽媽報平安，媽媽好擔心，話個女婿好隱晦咁問佢有無見過我，我媽媽問左佢好多次，佢先話我執野走左，嚇親我媽媽，係我疏忽左，只係掛住自己唔開心，唔敢係昨晚呾DOWN時打比媽媽，以家好D先打比佢，嚇親佢，我真係好不孝，個人好迷惘，好似點做都唔對，點做都有人唔開心，近呢一年我成日懷疑我自己，自己好似無咩存在價值同意義，個人自尊好低，老公有第二個時，我都曾經懷疑自己有問題，好彩有朋友開解，個人先無沉哂落去。我唔想再似一灘泥咁係地下到，我想做返個人，所以我頭先同媽媽講，如果我奶奶真係上來搞事，唔洗開門之餘，有咩事報警，唔洗再留情面，三日，比三日時間我，我喊三日，一定搬返去阿媽你度，唔會要你擔心，我地無事架，有咩差得過以家，阿爸唔要我地個時都捱得過，今日一定過得到。
我同我媽媽隔住電話係度喊，我媽媽好擔心係因為佢婚姻失敗影響左我，我又好擔心因為我婚姻失敗會令媽媽唔開心，原來唔會的，媽媽就係媽媽，只要我開心，佢就會開心。到左今日，我先至明白老公唔係我的所有，我仲有其他野，我好傻好蠢，要用左咁多年去執著我想要的一個家，我無爸爸，其實幻想過嫁左比老公，多一對父母鍚自己，其實都幾好，我一直以為我肯忍，奶奶總有一日會錫我，老公又唔會難做，我會係一個成功既好老婆，原來呢個只係幻想，去討好一個永遠唔會鍾意自己的人是吃力不討好的一件事，我唔會再傻。
以前成日唔明點解D人會離婚，以家明啦，係因為事情已經去到無得轉彎的地步，盡哂能力同責任都改變唔到現狀，所以要用最極端、最後的方法來自救。
我唔太認同男人一滾就係唔愛老婆或唔值得原諒，可能我真係好傻，我認為生氣、嬲完之後，要睇下出左咩問題，可以調和到就KEEP GOING，唔得的話，咁就放生對方。
我有睇哂呢十幾板，好多謝你地鼓勵我，至於怕我離左婚好慘的人，請放心，我會好好照顧我自己，經濟上我有能力，個人情緒上我會努力重建。我成日睇到呢D好多女士因為老公有第三者或其他問題唔知點算好，或者離唔離婚好，我真係明白好難決定，有時亦唔想便宜左對方，但其實最緊要自己開心。我真係鬆左一口氣。
睇到眼濕濕.....
發表於 
不過最有問題係個老公，無能，愚孝，唔明事理，蠢，個老婆咁為頭家都唔曉珍惜，早飛早著
但我覺得個老婆好叻，個奶奶同個老公:;pppp:係我一早剷左佢九世！依個世界最有資格鬧我的只有我父母，我父母鬧我我都可能會駁咀，果奶奶咩資格鬧我呀？先撩者賤，夠膽鬧我，睇我出唔出獅吼功呀
返回列表
