吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 唔知仲有冇人想睇下文呢?

婆媳關係今日: 3|主題: 27782

收藏本版

發帖

返回列表

跳至頁

樓主: ACB@2011

4 567 8...17

積分: 13784

101^#

發表於 12-4-16 14:56 |只看該作者

回覆 ACB@2011 的帖子

等你update!!現在身體好嗎??

你就是給他 "甜點" 那次bingo的??一擊即中? "吃甜品"途中, 他仍敢膽跟你講及那位疑似小三的事??

私人傳訊

RITTY

男爵府

積分: 7282

畀面勳章

102^#

發表於 12-4-16 15:26 |只看該作者

回覆：唔知仲有冇人想睇下文呢?

樓主，你好堅強，加油，祝你同bb幸福快樂

晴晴豬天地

私人傳訊

ACB@2011

大宅

積分: 1280

103^#

發表於 12-4-16 16:08 |只看該作者

小歪仔發表於 12-4-16 01:06
樓主你真係好堅

你而家榨乾淨個賤廢男啲錢未？

睇埋落去.....我會講嘅......

點評

mimichong 加油...睇到妳頂到生完bb...好感動發表於 12-4-17 15:45

私人傳訊

llssisi

公爵府

積分: 28384

2018復活節勳章最關心BB問題熱投勳章 hashtag影視迷勳章畀面勳章陪月勳章 BK Milk勳章

104^#

發表於 12-4-16 16:12 |只看該作者

回覆 ACB@2011 的帖子

我睇到

食咗第一餐今年嘅做冬飯喇, 好在今次唔洗坐晌 99 隔離, 仲係成圍枱十幾人嘅打對面坐, 所以佢講乜我都當聽唔到; 或者係直情真係聽唔到......

跟住就無啦....

私人傳訊

小溱

男爵府

積分: 8494

105^#

發表於 12-4-16 16:13 |只看該作者

樓主...加油呀...
你同BB一定會有幸福快樂的生活...

私人傳訊

ACB@2011

大宅

積分: 1280

106^#

發表於 12-4-16 16:16 |只看該作者

mapp2009 發表於 12-4-16 14:56
回覆 ACB@2011 的帖子

等你update!!現在身體好嗎??

途中就梗係唔得啦, 事後先問佢嘅, 佢又竟然眉飛色舞咁講俾我聽佢同我朋友某 D 相處片段, 真係唔該晒佢啦.......

點評

mapp2009

發表於 12-4-16 16:22

私人傳訊

ACB@2011

大宅

積分: 1280

107^#

發表於 12-4-16 16:23 |只看該作者

llssisi 發表於 12-4-16 16:12
回覆 ACB@2011 的帖子

我睇到

係呀, 因為 2010 年 12 月 22 日嘅做冬飯之外, 個肚越嚟越重, 又仲有好多嘢未買未準備, 又產檢得好密, 跟住我又要 2011 年 1 月 7 日開始放假, 所以工作上又要 handover D 嘢出去, 放咗假之後又忙住教工人, 教咗一個月 BB 就出世喇, 跟住做見習媽咪嘅生活就更加唔洗講啦, 放完產假返返工又另一癲瘋狀態, 直到而家辭咗職先至有時間繼續上嚟呻囉~~~~~

私人傳訊

llssisi

公爵府

積分: 28384

2018復活節勳章最關心BB問題熱投勳章 hashtag影視迷勳章畀面勳章陪月勳章 BK Milk勳章

108^#

發表於 12-4-16 16:45 |只看該作者

回覆 ACB@2011 的帖子

您要加油雅.

私人傳訊

ACB@2011

大宅

積分: 1280

109^#

發表於 12-4-16 17:26 |只看該作者

我好多謝咁多位讚我堅強嘅朋友, 不過我亦想同大家澄清一件事, 其實我係唔想咁"堅強"架, 我係被 C6 迫成咁架咋......

如果有得俾我揀, 我寧願自己係一個懦弱嘅無知婦孺, 一個小鳥依人, 甚至係一個連老公包二奶都唔知嘅矇婆囉.....

我媽咪見 C6 咁...就晌我面前兜口兜面嚟問佢會唔會接我出院, 咁 C6 就話"會"(我仲估佢會答唔會嘅添), 到出院果刻, 佢又遲到, 幾乎要俾多一日醫院錢....

mouth: 媽咪都有嚟陪我出院嘅, 一行四人車到返屋企, 一入門口佢就里咗入房讀書, 整個過程莫講話抱, 佢連眼尾都冇望過個囝一眼, 下晝媽咪走喇, 而我臨出院之前果晚, 忽然間半夜開始上奶, 搞到成床濕晒, 出咗院傷口好痛去唔到買電泵 (我朋友送咗個手泵俾我, 唸住如果有人奶先至買個電嘅), 點知唸住叫佢出去幫我買嘅時候佢話:"今晚我要返學喎" (其實佢係可以唔洗返嘅, 對學分完全冇影響嘅, 但係佢覺得俾咗學費唔返就唔抵咁啫), 於是得返我對住一個仲係生手嘅工人, 個胸谷到好痛, 傷口又好痛, 仲要工人十點幾就去瞓喇, 我要頂住嚟湊囝, 至於我 99, 係一個電話都冇嘅

果晚係我里生人第一次真正做人阿媽, 阿囝就俾咗個對於見習媽咪嚟講一個好大嘅考驗俾我, 就係中午嘅時候用錯咗細碼片, 所以夜晚漏到成身胎糞, 手忙腳亂咁執齊架罉嚟同佢換衫換片, 中途阿囝放飛劍整古我, 搞到套乾淨衫同乾淨片濕晒, 又要揾嘢包住佢嚟再走去揾嘢嚟同佢換, 果一刻, 天寒地凍+手忙腳亂+傷口勁痛+個胸谷行+獨自一人+啱啱生完情緒未穩嘅情況下, 我忍不住了, 一路幫阿囝換衫換片; 一路 D 眼淚滴落去阿囝身上.........

不過, 阿囝其實好孝順, 因為成個過程得我喊啫, 佢冇......

mouth:啱啱搞掂晒之後, 聽到 C6 啱啱入門口.......

出咗院嘅第三日, 一位由 C6 三歲開始就認識嘅長輩 (女性) 嚟探我, 知道我谷奶嘅情況之後佢即刻要 C6 甩低晒所有嘢; 出去幫我買電泵, 其實我個陪月有勸 C6 幫我買架, 不過佢話佢要趕功課就冇理我喇......

結果因為黃金期受阻, 所以我餵唔到全人奶.....

6299 晌我出咗院兩個星期之後嚟睇我, 佢地嚟到嘅時候咁啱我沖緊涼, 好在我預早吩咐工人提醒先生返到嚟要洗咗手先至好抱 BB, 果然我晌廁所聽到 62 晌出面好大聲咁話:"咩呀! 唔俾抖呀!"

99 跟住答:"唔係唔俾, 不過要洗咗手先啫" D 態度好似話賴矜貴咁...:;pppp:

私人傳訊

ACB@2011

大宅

積分: 1280

110^#

發表於 12-4-16 18:03 |只看該作者

佢地果晚嚟到除咗一入屋就俾說話我聽之外; 跟住都再冇乜嘢咁, 連我只能提供極簡單嘅餸嚟招呼佢地; 佢地都唔介意, 可想而知佢地掛咗個孫幾耐, 鵪鶉到呢.....從未見過.....又可能因為佢地晌我仲晌醫院嘅某日嚟探我嘅時候, 咁啱阿囝其中一對契媽契爸同一時間出現, 佢地第一次見到我對住朋友同對住佢地嘅面口咁大分別; 係開心咁多嘅時候, 佢地知機啩...

而 C6 亦揾到新工喇, 間新公司嘅 HR manager 好好人, 見工果陣知道 C6 就快做爸爸, 所以俾佢延遲兩個星期上工, 但係其實我想佢早 D 開始返, 因為就算佢晌道, 都只係里埋晌自己房道做宅男, 完全冇幫手更加唔會關心下我嘅情況......

mouth:

媽咪見我生得損耗咁大, 就買咗堆補品俾我, 跟住封咗三千俾阿囝, 仲同我講:"我本來想封一萬架, 不過妳老公咁嘅形勢都唔似會理妳咁啦, 所以寧願慳返七千嚟買補品妳食啦!" 我媽子開始知道, 個囝嘅嘢佢就會幫手出錢但唔出力, 至於我, 就唔會出錢亦唔會出力囉.......結果, 準到呢~~~~我坐月嘅全部補品我同媽子各出一半, 陪月我要自己俾, 但係個囝嘅打針, 之後好多買漏嘅嘢, C6 肯俾, 即係...用係我身嘅要我自己俾返, 個囝要用佢先會俾.........之後坐月嘅日子, 我每晚都係天寒地凍+傷口勁痛嚟自己一個起身餵夜奶, 日頭就忙於泵奶, 跟陪月學湊 BB 嘅嘢, 其實都唔係好多時間休息...

有一晚, 夜深人靜嘅時候, 我一個人望住食緊夜奶嘅心肝寶貝講咗以下里翻說話:"囝囝, 媽咪應承你會好努力好努力咁去學做一個單親媽咪, 就算食綜援我都會養大你架!"

P.S. 補充少少, C6 晌我臨有之前開始讀一個兼讀課程, 本來有上進心係一件好事, 但係佢竟然特登唔揾工做嚟讀里個 course, 即係跟本冇咁嘅需要, 只係佢懶而唔揾嘢做, 唸住賣咗層樓之後個袋有舊錢就唔做嘢住喇, 完全冇為過我同個囝嘅將來打算囉, 結果里舊錢就俾佢用一年半嘅時間 total loss 晒喇....