本帖最後由 海妮 於 12-4-22 18:22 編輯
魚生 發表於 12-4-22 09:44 
見到乜野呀?
見就冇見到
mouth:, 只係"佢"要比我地知"佢"既存在, 唔要我地郁"佢"間房任何野, 諗番起都唔知算係好定唔好, 好既係"佢"比我地知"佢"既存在, 等我可以走為上著, 唔係成晚流流長都唔知典算
. 唔好就真係嚇到甩毛咁濟, 而家提番起都毛管棟架.
事發經過......
- 我地夜晚 ~ 8pm check-in......
* 一入間房已經有唔舒服既感覺, 好陰陰沉沉, 幅掛牆畫係斜的(我自己去移番正),
* 以往我地去旅行, 唔理間酒店幾多星靚唔靚, 我地都會影低酒店房既相既習慣,
但當晚我一入去已經有唔好既感覺, 冇影到相.
* 入房放低行李, 我同阿女去廁所(洗手後我好隨手將抹手巾放響枱面).
* c6去開房窗(隻窗係好實, 極難開, 亦唔易閂). 之後我地就再出街行下.
大約一個鐘後回來.....
* 房入面幅畫又斜左
* 廁所條毛巾掛回原位
* 隻窗閂左lock埋
我都有問自己, 會唔會大風吹埋左隻窗呀, 又或者有人黎執過房, 當時唯有呃自己冇事既, 唔好諗咁多,
查實當時個心係開始驚驚地覺得有d唔妥, 我地頭先啱啱至check-in完, 幾乎好肯定唔會無拿拿有人黎執房囉.
最令我地決定即刻避走大堂主要係.......
當我地正準備拎行李d野出黎, 煲定d水, c6就執d衫去沖涼之際, c6聽到d怪聲, 響我地房內有 “人” 係度玩駝騾既聲, 佢聽得好清楚好響, 係駝騾同木地板撞擊旋轉動既聲, 但我完全聽唔到, 我當時睇到c6面都青埋, 木定口呆望住我, 我已心知不妙(因為c6以前細個好易見到呢d野, 所以佢不嬲都唔係好驚, 但呢次連佢都驚, 大濟了....),
我即刻問佢係咪有野, 佢知我同個女會驚, 唔想嚇親我地, 所以冇出聲, 我見佢咁既樣, 我已經同c6講 “得”, 你唔洗答我, 我知咩事(我怕佢講出黎嚇親個女), 我即刻諗到我唔可以再逗留呢度, 我地即刻執番d行李, 右手拿住個旅行水煲, 左手拖住個女, c6拉住2個唿, 裙拉褲甩咁即離開間房直衝落大堂, 我同酒店大堂既人講間房有問題, 我要求換房, 兼且我唔要住番呢層樓,
d職員冇問我咩原因, 就幫我搞, 半個鐘後就換過另一樓層既房比我地, 之後換左間房, 一入去個感覺同之前完全唔同, 個心都定d, 不過果晚我就嚇到眼光光瞓唔著, 成晚要開住個電視定驚.
發表於 
返回列表
