有一次我BF打電話俾我，話聽日 lunch time 要開會，叫我去銀行 send 錢俾佢個大妺，話啱啱 email 咗個 bank account 俾我，叫我 check check 收唔收到。我一入 email, 除咗我 bf email 之外，仲見到佢個妹封 email，話知佢大佬叫我 transfer 錢俾佢，同我講話: Urgent, I need you to do this tomorrow!
我嬲到吖！please 冇，thank you 又冇，老奉咩！
更離譜都試過呀，又想佔人便宜，又左彈右彈。前幾年佢老公生意唔錯時嚟香港，猛話酒店貴，我 bf 話我既然有個租客下個月搬走，不如俾佢住10日。間樓係我屋企嘅，我bf無份，我都算啦，咪打電話俾佢，話層樓個租客住得好企理，有裝修，你嚟到可以住。佢又公主病上身話租得出去裝修都唔會 too grand la，又問有幾大。我話千二呎左右啦。佢一聽到就話，there is not enough space! My daughter is growing up. We need more space. 又話好嘅居住環境對兒童成長好重要。我心諗你個女仲係手抱，又未識行，住10日會影響你個女個成長？我咪同我BF話佢個妹都 short 嘅，以為香港好似外國咁，間間屋都幾千呎咩！轉頭佢同我BF講想上我屋企住，因為大小小。我咪話囉，我同屋企人住，又有工人姐姐，除返埋咪仲少活動空間，一口拒絕咗佢。佢又email我，我又唔so佢。點知過幾日伯母打俾我 bf 話其實佢想去我屋企住，因為有工人姐姐可以幫佢揍女，佢話抱住個女 shopping 唔方便喎！佢都發神經，講咁大個圈原來係打個工人姐姐主意。最後佢咪又住酒店，我以為佢要幾大空間，會唔會住總統套房，點知係最 basic 嗰隻房咋！
發表於 
mouth:
返回列表
