大仔大女媽媽會 今日: 0 | 主題: 177860

積分: 27139

101^#

發表於 06-6-20 17:52 |只看該作者

Re: 有無媽咪會o係聯合生架?

咁你老公係公務員黎架?
我都想搬去油塘,唔知搬唔搬得成

私人傳訊

積分: 3248

102^#

發表於 06-6-21 10:07 |只看該作者

Re: 有無媽咪會o係聯合生架?

房署寄左封信黎, 問我地轉唔轉市區呀!? 不過我打過去問, 佢地話而家擴展區d line蠕得快d, 如果轉過去可能會拖慢左, 所以我同我老公都決定唔轉了~ 而家只係想佢地快d派到樓比我地, 因為小b出世, 真係無房訓了~ 好煩~~~

私人傳訊

積分: 27139

103^#

發表於 06-6-21 22:37 |只看該作者

Re: 有無媽咪會o係聯合生架?

me2,而家3個人訓都好逼,不過我地係擠逼住戶所以應該好快有樓,只不過係睇唔睇得o岩o者!
我生完B女諗住返媽咪到住一排架!起碼呀媽到地方大好多,有夠位訓嘛!

私人傳訊

積分: 3248

104^#

發表於 06-6-21 23:41 |只看該作者

Re: 有無媽咪會o係聯合生架?

kinki, 你會同99一齊住, 但我打死都唔同佢地一齊住嘛~ 我都有唸過返我媽喥住等上到樓先算~ 但係返我媽喥, 到時我一個湊兩個又唔係辦法, 請人返去我媽屋企幫手, 我老豆又唔鐘意多個人o係喥~ 同埋如果我返我媽喥住, 咁我老公呢? 佢實唔肯搬過去, 到時我同佢就更加少見面, 會影響感情既呢~ 所以真係好煩~~~

私人傳訊

積分: 1412

105^#

發表於 06-6-22 13:52 |只看該作者

Re: 有無媽咪會o係聯合生架?

係呀~我老公係消防員,他返赤柱的消防局~不過最近去學做救護員,會在油塘救護站實習一個月,一個月後就返番去赤柱繼續做番消防員~
我屋企人差不多全部都住藍田,我媽住德田,我哥住康柏,我大家姐住麗港城,我以前住荃灣梨木樹消防宿舍,都係搬了來半年,住得近媽咪好些,可以常常有湯飲,我bb出世後媽咪又會過來我屋企幫我手照顧,夜了都不用在這裡過夜,因為返屋企勁近~
幸好我無你們的擠迫問題,但如果bb大了就會有問題了,因為另外間房仔放唔到兒童床的,到時我都唔知佢可以睡邊,不過到時至算,唔唸咁多廢時煩~

私人傳訊

積分: 27139

106^#

發表於 06-6-23 12:26 |只看該作者

Re: 有無媽咪會o係聯合生架?

你老公一定好man好大隻架啦!

做消防員好呀,多假可以陪到你同bb,不過生完bb你會返工嗎?定自己湊返?

私人傳訊

積分: 3248

107^#

發表於 06-6-23 12:59 |只看該作者

Re: 有無媽咪會o係聯合生架?

yoyoko, 你屋企有養貓的嗎? 大頭相隻貓係你地養的嗎?
其實我都好想派返將軍澳區, 因為我6299同我媽都係住寶林架~ 如果住o係附近會多個照應嘛~ 我細舅父, 細姨都係住將軍澳架~ 所以真係好想派返呢頭~

係呢, 我地幾時出黎話? 約唔約埋其他9月預產期既媽媽一齊出黎好呢???

私人傳訊

積分: 1412

108^#

發表於 06-6-23 15:11 |只看該作者

Re: 有無媽咪會o係聯合生架?

easonkinki:
咁你就大錯特錯了,我老公好鬼瘦架,一些都唔大隻,個個見到佢到唔信佢做消防,問佢是否做消防文職部門~
曾經有一次有個差人上我屋企問話,因為隔離屋發生火警,有個婆婆好似過了生,跟住d差人咪上我屋企問話攞料,見到當時入緊學堂的消防老公,問佢做咩不用返工,我老公答佢今日學堂放假,個差人死都唔信我老公係消防,(佢話無理由入學堂唔曬到黑猛猛及操到大大隻架??)最後叫佢比個pass佢睇,睇完都好唔服氣咁話,你都做到,無理由我做唔到架~幾好笑~,
我老公個樣以前好似小白臉的,現在好好多了~

私人傳訊

積分: 1412

109^#

發表於 06-6-23 15:21 |只看該作者

Re: 有無媽咪會o係聯合生架?

poo_law:
係呀~我屋企有兩隻貓,現在張大頭相個隻叫RAMBO係摺耳貓,另外一隻係灰白色的波斯貓叫MOMO~跟咗我們三年架啦~
我覺得將軍澳搭車好麻煩,特別係巴士,我見每逢6:00PM個D放工時間,將軍澳的巴士永遠水蛇春咁長,打晒蛇餅咁,好恐佈~
不過住慣了的居民就可能唔覺煩~將軍澳都好多樓,咁你有冇機會派屋派到去那裡?
我們話約出來TEA,咁好多0609參加了比賽的又話係7月2日前約出來,咁不如真係約埋晒一齊見啦~

私人傳訊

積分: 3248

110^#

發表於 06-6-23 17:51 |只看該作者

Re: 有無媽咪會o係聯合生架?

yoyoko, 咁你bb出左世之後你仲會唔會keep住果兩隻貓仔架?
我住左o係將軍澳十幾年架喇~ 我覺得呢喥空氣幾好, 所以都幾鐘意, 同埋我好多親戚都住o係附近, 大家有個照應啦嘛~ 其實將軍澳d公屋都派曬出黎架喇, 所以要等佢起新樓, 但又唔知幾時起, 如果派到既都可能係d二手公屋啦, 不過我同我老公都唔介意, 只要唔係凶宅就得架喇~
0609 d媽咪參賽? 你係話孕媽媽嗎? 我本來都唸住join, 因為見到佢有尿片sponser, 但自覺自己一d都唔靚, 同埋肥, 所以都係咪搞了~ 你有參加嗎?

私人傳訊

積分: 27139

111^#

發表於 06-6-23 20:36 |只看該作者

Re: 有無媽咪會o係聯合生架?

喂喂喂!!!!!!!!!你叫肥

我咪係一隻豬

今年我都有參加,因為見到d獎品幾吸引,不過我知入圍無我份。
我27號會去晴晴媽屋企玩,你有無興趣呀?到時好多小朋友,等你習慣o下都好 :mrgreen:

私人傳訊

積分: 1412

112^#

發表於 06-6-23 23:56 |只看該作者

Re: 有無媽咪會o係聯合生架?

我隻貓係我心肝寶貝,我係唔會唔要佢地架~而且佢地好乖架, 又可以沖涼又可以剪指甲又可以梳毛,刷牙全部都唔會發脾氣,又唔會爪傢俬~咁乖去邊度搵呀~
我都參加了比賽,不過未知能否入圍,我都係見d奬品咁正,才唔理三七二十一參加了至算,我心唸個個媽媽個肚都成7~8個月都會肥架啦~
如果入了圍都可以比bb感受一下麻~咁難得機會,不是年年可以有,也不是年年夾得準個時間~

私人傳訊

積分: 1412

113^#

發表於 06-6-25 00:07 |只看該作者

Re: 有無媽咪會o係聯合生架?

kinki:
對唔住,27號去不到~因為我老公難得放假可以陪我去游水,希望下次約到喇~其實我老公以前無咁忙架,可以返一日放兩日,這個月轉了去救護,返到死死吓,又話骨痛~
你個仔今日跌親無事嗎?做咩會無端端跌親?

私人傳訊

積分: 3248

114^#

發表於 06-6-25 15:25 |只看該作者

Re: 有無媽咪會o係聯合生架?

kinki, 我都有見到d獎品幾咁豐富, 都叫eraser同我一齊參加架, 不過最後大家都give up左, 因我地都唔靚嘛, 哈哈~ 我見上果幾"介"d媽媽個個都好似好白淨, 好私文果d, 我一d都唔算係呢兩樣野, 緊係無join啦~ 係呢, 你想食pizza, 咁其他人呢? 而家係咪有你, niki, jenny同creamy咋?

yoyoko, 唔緊要啦, 你黎唔到, 等下次lor, 而家天氣熱, 我地約出黎都要約去行商場或黎我屋企好喇~

私人傳訊

積分: 27139

115^#

發表於 06-6-26 00:23 |只看該作者

Re: 有無媽咪會o係聯合生架?

佢個衰仔百嚴lo,成日搞搞震無時停,你黎唔到唔緊要啦!反正你又住咁近又無野做,我實會成日搵你

今日我去左海洋公園,好熱好曬好多人好辛苦,但b仔玩得好開心都覺得值得,不過因為去玩所以聽唔到電話,到返出黎時聽返留言信箱,惠氏有個人打黎話我之前參加問答比賽中左場,中左18pad尿片喎!但個條友又無向留言留電話,仲話十分鐘耐唔覆就無喎!佢應該打左幾次黎只留左一次言,唉!有d失望但老公又話唔知係咪呃人,頂!聽日試下再打去問下先

私人傳訊

積分: 3248

116^#

發表於 06-6-26 09:59 |只看該作者

Re: 有無媽咪會o係聯合生架?

kinki, 18pads尿片咁正? 如果真係無左, 真係好可惜呢, 果喥都成幾百蚊架~ 點呀? 帶b仔去ocean park玩左d咩呀? b仔有無驚呢? 我遲d都會帶晴晴去disneyland玩呢~ 因為上次去, 而家有得免費去多次嘛~ 但天氣咁煤, 真係唔知點呢!? 點都好啦, 等佢放暑假先算~ 佢得兩個星期暑假架咋~~~

私人傳訊

積分: 1412

117^#

發表於 06-6-26 16:10 |只看該作者

Re: 有無媽咪會o係聯合生架?

話間公司咁串架,10分鐘唔覆電話就當無,都好無禮貓喎~明明一件開心事攪到人咁興,寧願你一開始唔好話比我知中奬好過,廢時個心頂住頂住~
我都想帶兩隻貓去海洋公園睇水族館及水母,但問緊海洋公園那邊比唔比帶,但佢地未覆我,如果唔未,我就唔去了,因為我都唔玩機動遊戲的,又咁熱~
我今日去了睇私家醫生照超聲波,好攪笑,原本個bb好多野都睇唔到,個醫生唸住就咁算數,我老公話問佢你想睇咩,我叫個bb轉比你睇,個醫生話邊得架,bb都唔會咁聽話啦,我老公話得架,佢好聽話架,跟住個醫生話想睇個樣,我老公叫bb轉個頭過來望住部機,個bb真係照做架,好清楚睇到五觀,仲照埋張4d的相片比我添~連醫生都笑呀~跟住醫生話隻手仔睇唔到,叫佢放番落來,bb又跟住照做,隻腳阻住了,佢又移開,我老公都不知幾咁開心,話我個b真係好乖呢,連個醫生都話我老公好錫個女,將來都係佢湊多,又話佢實比個女蝦死佢~

私人傳訊

積分: 3248

118^#

發表於 06-6-27 12:07 |只看該作者

Re: 有無媽咪會o係聯合生架?

yoyoko, 見到你段post, 真係feel到你果刻果種開心同幸福既feel呢~ 其實我都好想同我老公一齊去照bb架, 不過可惜, 兩胎老公都抽唔到時間~ 所有產檢都係我自己包辦~ 唸起都有d sad呢~~~

私人傳訊

積分: 1412

119^#

發表於 06-6-27 14:01 |只看該作者

Re: 有無媽咪會o係聯合生架?

咁又真係好sad喎~你同你老公安排一次去私家度睇呀~睇肚裡面的bb和睇出世後的bb,感覺大大不同,我老公每次睇完都會好開心好興奮,覺得世界好奇妙~
我昨日仲知道bb現在已經有2磅了,我就總共重了15磅,重咗咁多bb都係得2磅喎!
如果有機會比張bb相你睇呀,都好清楚吓,但我唔鍾意bb個nose似我,我問醫生個bb個樣仲會不會變架,醫生問番我,你想bb變成怎樣?我話我全身上下最討厭自己個nose,勁唔想bb個nose似我,最好所有野都似佢爸爸,(除了性格及頭腦),講完醫生都笑~

私人傳訊