mlchong 寫道:
好啦. 今日再同大家介紹另一款湯水. 都係好岩現在飲. 當然大家可以因應個人喜好改良一下啦.
木瓜雪耳南北杏煲西施骨
材料
中國木瓜 1個
西施骨 1 條 (注意唔係一件, 係一條. 如果只放一條裡切開左既一件, 係冇味架.
雪耳 1至1.5個
南北杏 適量
做法
1) 西施骨洗淨出水放鹽淹咸備用
2) 雪耳浸水清除底部較硬部份, 斯開備用
3) 木瓜去皮去核洗淨切大件備用
4) 南北杏洗淨備用
5) 用適量水放西施骨一同煲, 水滾後放下所有材料, 大火滾起後再滾多十五至二十分鐘後轉慢火, 煲兩小時便可以調味熄火啦.
備注 : 此湯可加魚煲, 味道更佳. 但小心飲用時有魚骨唷. 而且放魚必須要把魚先煎香一點才於水滾後放下的. 如不用魚袋, 在煲內煮期間, 不易搞動太利害. 以免弄散魚令魚骨西淺湯內.
功效
此湯水較清潤而不寒涼, 一家大小男女老少都可以飲. 而且對於大便不通人士會有幫助架. 另外, 木瓜亦有美容減肥功效.
發表於 
返回列表
