是出自真心的敬佩和專重 
當知道自己的小朋友有問題,不會放棄和退縮,反而勇敢的面對和接受 您們的小朋友身體上雖然不幸,但是心靈和肉體得到親人照顧和愛護已是十分之幸福 
查實都吾係既...咁岩我又係好鐘意小朋友,同埋生得佢出黎就要比心機去教養架啦!查實我吾會覺得我囝囝嗰d問題係真係有問題,查實佢依家有既'問題'都係差吾多每個人都會有既問題黎,只係我地上一代無以上呢一堆稱呼(自閉傾向,過度活躍,專注力缺乏症,學習障礙...),我地因為呢d問題而影响表現,大人或者吾理解既人就會話我地/小朋友好曳/吾乖/懶/粗心大意/輪盡...就係我地細個時因為俾人咁樣誤解引致受到不必要既痛苦,所以我地大個左,認識呢d原因,知道要點去解決呢d問題時,我地教下一代就應該要理智同正面d,吾應該再沿用上一代或者以往人地用既錯誤觀念態度方法重蹈覆徹咁再去對待自己小朋友!我一直都係咁諗囉!所以查實我大多數既時候都係好平常心咁去面對囝囝,雖則佢傻傻地,成七八歲人仔都仲係好似bb咁,但係所慶幸既,佢真係純品,同埋明顯乖過出面同年紀既小朋友,查實反而仲易教,只係我地解決既問題同人地父母要解決要面對既問題吾同,人地父母可能煩惱緊仔女成日講粗口無禮貌駁咀駁舌甚至打交,但我地偏偏仲未有咁既問題要去面對,查實我都已經好舒服架喇!人地已經要面對七八歲人仔既問題,我家下都仲係湊住個大bb,仲覺得佢好可愛好趣緻~!得閒可以好熱情咁攬住佢鍚住佢,佢又仲係bb咁嗲住鍚住我地,人地話小朋友去到六七歲就吾俾父母攬攬鍚錫佢,但我囝囝仲係好痴住我,我覺得我幸福好多! 
lanfong26 寫道:
我不是誇獎您們的
好像來到我家的小朋友,身體上已經不幸 :cry:但是心靈和肉體上還要等待命運的安排 :-( (等待領養)真是可悲 :-( :-(
查實做父母的有那個吾辛苦呀^﹏^
雖然這些小朋友都知道我地吾係佢地親生父母~哥哥姐姐,但興幸地大多數都會聽教聽話 :-P
我地大家都要和小朋友們一起努力加油﹏勇往直前
都吾係架~~~~依家呢個社會有咁多家庭父母都係要出外工作,如果有人義務幫手照顧小朋友朝九晚六,我第一個報名呀~~~~~有時做父母都幾辛苦,我都好想做少奶奶,專心教養囝囝,但係為左養家,真係無辦法...依家我仲有機會有第二個bb出現,如果真係中左,囝囝又要陪我捱幾年窮~!呢樣先至係我擔心同埋內疚既事,但係囝囝又極度想要細佬妹(呢次我生細b都係呢個原因),希望我地可以順利捱過呢幾年啦!到細b讀書,咁我又可以番工喇! 
lanfong26 寫道:
如果所有家長都能抱著這個態度去面對問題,我們這些寄養家長便可以提早退休了
岩岩講到自己問題,查實你所照顧嗰班小朋友既原本家庭好多時都係因為經濟而搞成咁,始終大人既壓力就係無錢,番工又係壓力,辛辛苦苦賺番黎既人工又吾夠屋企基本開支,又要教養小朋友,有時,我都會因為太大壓力而鬧情緒,所以呢班小朋友既父母,佢地既心情都可以理解既...
查實已經吾係享吾享受到物質既問題,始終呢個社會咩都要錢,有時小朋友要學野,或者只係想食個m記,扭一個玩具扭蛋,我連呢d都俾吾到佢,始終就算小朋友忍受到,但作為父母眼見仔女要陪大人慳成咁,仲要連食飯都真係餐餐吾敢過十蚊,連食野飽肚都成問題都要捱,我覺得內疚囉!始終,每個父母都希望將所有最好既都付出俾自己仔女架啦! 原來你照顧嗰班小朋友係孤兒黎?咁佢地父母有無定期見佢地/見過佢地???如果平時佢地吾係住你度,佢地會住邊架???兒童院??? 
lanfong26 寫道:
恭喜﹏恭喜
查實我照顧的小朋友,他們的家庭大都不是因為經濟問題而未能照顧他們,而是因為他們無法接受事實而放棄教養他們的權利 :-(:-(
發表於 
返回列表
