Re: 給怨恨奶奶的網友們
以前我會成日同老公講, 我對住佢阿媽好大壓力, 但我老公覺得冇問題, 我表達唔到比佢知, 我由細到大係一個完全唔同既環境長大, 我屋企個個都好關心對方, 關係好close, 而且冇人會發脾氣(私底下當然會有, 每個人都有脾氣, 但當一家人聚會時, 即使本身唔開心既, 都會變得開心返!! 至少我就係咁)
但佢屋企好唔同, 99成日鬧人, 乜都鬧一餐, 仲會作d野出黎鬧, 鬧左咁多年, 而家搞到佢一發癲就個個閃晒去, 費事一出聲就被當成箭靶, 而且佢地屋企冇人會傾心事, 個個都活係自己既堡壘裡面, 而且同d親戚既關係一d都唔close, 同陌生人冇分別!!(甚至可以話係敵人) 佢地既家, 根本就唔係一個可以休息, 療傷既地方, 而係比外面既鬥爭更殘酷既戰場!! 當你被最信任既人一次又一次地傷害, 在我老公黎講, 家, 已經等同一個戰場!! 仲要係一場同自己親生阿媽既戰爭!! 一場冇可能羸既戰爭, 所以我老公選擇左呢埋係自己既堡壘裡面, 冇人可以入到去, 即使結婚前, 我都只能係外面同佢揮手!!
老實講, 我覺得好心寒, 我都有曾經諗過, 我係咪要嫁比一個係呢d環境長大既人!! 幸好, 我老公係接觸過我屋企之後, 講得出一句話好羨慕我, 有個咁好既屋企, 當係外面受左傷, 可以有一個永遠不會再被傷害既地方休養! 我就覺得, 我老公仲有得救!! (係呀, 我99就係果d, 當你係外面失敗左, 都仲可以係你傷口放咋鹽果種人!! 仲要你事後感激佢放鹽.....)
而家, 我老公好鐘意同我一齊留係屋企, 而且佢終於開始覺得, 家, 係可以解除武裝既地方!! 我好高興我老公終於都似返個正常人....
所以, 我覺得我99真係好過份, 佢唔單止影響左佢自己, 影響左佢老公, 仲影響到d仔同新抱, 佢覺得身邊既人一定要為佢做所有野, 不求回報, 因為佢覺得係佢地害成佢咁既!!(都唔知係咩理論....) 呢d人, 我真係冇辦法對佢好..... 我好努力, 努力左5年, 我放棄啦, 我唔想再side力去恨佢, 我好希望我既性格唔好咁善良, 會覺得冇人理佢好可憐而走去幫佢, 佢得到而家呢一切, 係佢自己攞黎既!!
我知我既言論可能好激, 但我真係覺得, 我再撐唔到落去.... 我冇辦法將我自己既感覺同健康放埋一邊, 我都有父母, 我將來都會有子女, 我仲有最深愛既人, 我唔可以任由佢擺佈我, 影響我既情緒!!
我知我寫得好亂, 不過我希望, 由今日起, 我可以放底所有對佢既恨, 對佢既關心, 對佢既感覺, [size=xx-large]我, 由今日開始, 要完完全全對佢死心!!!!!!!!!!!!!!!!!!!!!
做返個真真正正, 自由自在既小寶貝兒!!!!
多謝收看!! 
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
發表於 
ようこそ！ご覧で下さい !
返回列表
