littlelam88 發表於 13-1-12 18:56
wewe121212,
不如你post多次facebook個女仔既經歷,
| 剛剛上佢fb想留言問嘢，竟然比我睇到驚人的留言，嚇死人！為免再jm中招，決定轉貼讓大家引以為戒 轉貼至多寶網FB 【人格擔保真人真事，關於多寶集運，希望路過朋友耐心睇完】 呢個FB acct係我真身。 有件事我覺得有必要寫出來俾其他買家知道， 話係警惕又好，參考又好。 今晚6:40左右我上左觀塘office， 想了解為何我多次留言、打電話都得唔到回應， 亦都反映唔係單一事件，有其他買家都有相同情況。 我向CS道明來意，同時有另一位男買家入來，老闆就去招呼。 CS話已經加緊人手做野，會盡快update網站。 我都明白佢地忙，最大嘅問題都唔係做野慢， 而係十問九唔應，所有留言一個回音都冇， 就算只係覆一句「收到跟進緊」都好。 我兩日內留左超過10個message，連一句回覆都冇，電話亦從來冇人聽。 標榜得港人經營，咁嘅服務真係拆自己招牌。 講到一半，突然聽到後面嘅男買家同老闆嘈起上來。 我冇聽到佢地成個對話，大概係發左來香港嘅貨一直冇得攞。 事情係由老闆爆粗開始。 買家一直都態度斯文，唔知係咪呢排太多人打去表達不滿， 老闆突然發難，用各種粗俗嘅江湖語言大聲指罵， CS姐姐即刻過去調停， 但老闆已經舉起拳頭兇過去， 喝令買家「躝出佢嘅私人地方」， 言語間有威脅唔俾貨佢嘅意思。 我問買家：「先生，使唔使報警？」 老闆一聽到報警，掉頭又舉起拳頭向我「哄」埋來， 好大聲鬧左一大堆說話，夾雜大量粗口。 原諒我當時有少少嚇呆左，唔記得確切內容。 CS姐姐行過去大力閂左唯一嘅門。 我要求打返開度門，老闆冇理我，男買家叫我唔使擔心，一定出得返去。 不過我都自己行過去開返門，企左去男買家附近。 雖然度門好快被佢地再次閂返。 唔想越寫越長，總之之後就係男買家同老闆爭執。 CS多次幫手拉開老闆，因為老闆多次，係超過三次想撲過去動粗。 最後嗰位買家都係未攞到貨。 我亦冇收到任何確切嘅回應，只係留低電話。 因為男買家已經走左，我都唔想留喺嗰度，大約 7:05 離開。 最後想多謝當時在場嗰位買家哥哥，希望你早日收得返啲貨。 而家諗返都猶有餘悸，當時閂曬門，老闆凶神惡煞作勢打人， 如果唔係有第三者在場，我諗我驚到掉頭走。 亦都唔該CS姐姐，唔該你多次阻住老闆撲過來動粗， 我最後激動左，你都耐心幫我平靜返安撫我。 希望呢度有其他人唔嫌長篇大論，睇完呢件事。 奉勸女性買家最近上去的話，最好有男性陪同，或者揀多人嘅時間。 8：50pm，我返到屋企想睇下網站有冇更新，發現佢地已經ban埋我戶口，Log-in都唔得。 我嘅錢同貨依然喺曬佢地手上。 |
發表於 
好得人驚！咁做生意都有嘅？
應該係啲貨比人扣住先arm:;pppp:
返回列表
