crystaltochan 寫道:
成日睇你地講靈異事件睇得多,估唔到前幾日自己就親身體驗到..
話說前幾日朋友的寫字樓新裝修好,叫我上去幫手執野,上午果段時間就幾多人出出入入,無乜事發生.
食完lunch後2點幾,得我一個一返去執埋d手尾,我開左門將支鎖匙放係張枱道,上午時都係放係果個位.枱面係無乜雜物,好容易見到支key既,但到左四點幾差不多要走時,就點搵都搵唔到.仲有朋友幫手一齊搵都見唔到支鎖匙.搵左好耐,垃圾袋都摷埋,搵到我就黎喊,因為無鎖匙唔走得,一路搵,我話"唔好咁對我啦,"
結果,朋友話,算啦,執野走,唔搵喇.就係哩個時候,我一轉身望返張枱,支鎖匙就係枱面...當時我仲未知咩事,仲傻下傻下話,呀,挭係俾樽水壓住左睇唔到.
好了,搵到鎖匙就鎖門走啦,出到門口我朋友先話,點會可能俾樽水壓住睇唔到呀,啱先搵果時係攞開曬d野,打斜過張枱黎,枱面有乜都跌係地啦,我先醒起,係喎.無理由空"了了"既枱面,咁多對眼都睇唔到支鎖匙架嘛..果一刻先知驚......
更驚既事.........果晚十二點幾,我瞓係床道同個fd講完電話,有野"督"我腳指公.我係好清楚感覺到的,不是睡夢中,我仲坐起身黎睇
依家唯一既解釋就係,大家可能都睇唔到支key,果晚係腳抽筋..
JennyKwok 寫道:
我記得早十年前, 果時係一間國際學校任文員一職, 有一晚我記得第二日就係新學期開始, 於是我同一名同事, 主任及校長一行4人在校務處整理明天開學的用品等 , 那時已經係夜晚11點幾, 個同事叫我將粉筆及粉擦及其他物件拿到去教員室處,但教員室佢離校務處要走過一條長既走廊, 而個時因為D校工放晒工後會關燈,而我又費事開燈,個時經過條話黑唔黑, 話光唔光的走廊, 突然間聽到己經鎖左門的後樓梯有嘈雜聲,好似D學生放學似的聲音,於是我開始有D驚,急步唸住都行過去就低D物品, 就急步走回校務處, 當我一推開門就見到.......有個肥鬼佬坐咗係張梳打度,隻手就托住個下巴, 個頭就向下望, 嚇到我飛奔走回去校務處, 個校長及主任就同我再去看看,但沒有人,個校長都有D驚就我地唔好再做,明天早一小時回來做埋D手尾啦,咁我地咪走羅,第二日就發燒啦!
~~~~~~~~~~~~~~~~~~~~~~~~~~~~~~~~
仲有一件事係係殯儀館發生既, 明晚再講!
發表於 
返回列表
