夫婦情感 今日: 1 | 主題: 42777

積分: 6329

101^#

發表於 07-1-26 23:52 |只看該作者

Re: 我唔想再同99住,我好想搬,但會不孝嗎

小寶貝兒
你就好啦,可以返自己喜歡既地方坐月,雖然我好想,但我媽咪話唔係咁好,因為我同緊99住,如果返娘家我99一定發火

我好似申請唔到公屋,但我都會申請左先,可能有機會呢

而家唔理乜都好,乜都要左先,我想快d走,真係好難度過這麼慢長的日子哦

希望訓醒就可以搬,每日都諗,我就快傻喇,不過睇黎你99勁好多,我真係冇你咁好脾氣,如果係我既話,我就真係啋佢都有味 :tongue:

我99係當家,乜都係佢做晒,我只係同囝囝沖涼,煮囝囝食既野,有時都會拖下地,so我真係咩都唔洗做,好似好舒服咁嫁,不過我係未開心,就真係.....可能比著第二個既話可能會好happy,真係人夾人緣lo,我既性格同99係好難同一時間當一個家,so我咩都唔理就最好

我99係兜風耳架,不過我都係,但我兜得好靚嫁,我個樣就似kelly,耳仔就似楊采妮,哈哈我係未好靚女呢

而我老公就......佢一定唔係靚仔,又唔有型,我都唔知點解會要佢

我宜家都唔咁講電話呀,我出面冇公園,下下要搭車,好唔方便,我囝囝每次見到公園都好似見到金咁(我媽咪屋企),你話啦,囝囝真係好慘,但我冇可能日日搭車出去,等車,車程,行返99家總共要最少兩個鐘頭來回,搭車都搭晒d時間lo

我星期六日回娘家,冇得上BK呀(我細佬要打機唔比我玩)我星期一再見啦

私人傳訊

積分: 30295

102^#

發表於 07-1-27 12:12 |只看該作者

Re: 我唔想再同99住,我好想搬,但會不孝嗎

小麵麵,
呵呵~~ 我會唔會打得太長呀?? 冇計, 我份人比較沉....

我都預左99會發火發癲架啦, 不過我就點都唔會就範架啦!!! 生完BB咁辛苦, 比返個月我抖下, 過下我想過既日子, 唔係好過份姐!!!
起初我老公都話想我返屋企坐月, 最多叫我媽咪過黎幫我手, 但我話我媽咪要返工, 要佢請成個月假, 工都冇埋呀!!
佢就話覺得生完之後應該要返自己屋企, 對BB好D, 我話如果我留係度, 99日日煩住晒, 冇得休息, 到時產後抑鬱發左癲, 先至對BB唔好呀!!!

拗左好耐, 佢先比我返娘家坐月咋!! 本來我仲想生之前2個月返去住, 但我老公話, 點都要係自己屋企出門(講到好似結婚咁.....) 我先讓一步咋!!! 男人真係唔縱得!!!

我之前都係架, 我有段時間日日都同老公講好想搬, 覺得呢度只係酒店, 唔似自己屋企, 冇家既感覺, 開頭老公都會應下我, 後尾直頭唔理我, 話我好煩, 明知道而家冇錢搬唔到, 都日日講, 佢冇辦法我又唔開心, 搞到佢好憫爭!!
果時都嘈左一次, 最後我地約法3章, 我以後唔提, 但係希望佢可以係3年之內儲到錢搬走, 即使到時儲唔到咁多, 到有日儲到時, 佢唔可以再用埋D無謂理由阻止我地搬!!!
都叫做比左個期限自己, 個心安定D囉.....

我99又係乜都要做晒, 以前仲未結婚時佢成日話上黎執屋, 我已經話執好左佢都要上黎, 然後就話呢度未執好, 果度未抺好, 明明我已經執得好乾淨, 佢都要搵D野黎搞, 然後就話我地當佢係工人...... 明明就係我跟係佢尾成個妹仔咁, 就被佢講成我使佢做野..... 真激心!!

咦~~ 果然係靚女喎~~~ 我就係肥妹一名, 仲要係好肥果隻!!! 哈哈~~

我老公以前係高大威猛型(有6舊腹肌架佢!!!), 我仲對佢一見鐘情添~~~

不過而家近得我多..... 變左肥佬.... 雖然都仲係咁高大, 不過已經肥左好多...... 好彩仲有返手臂果D 2頭肌3頭肌, 不過成日被我咬~~ 嘿嘿~~

唉..... 住得咁山卡啦... 連公園都冇..... 真陰功.... :-(

趁佢出左去買送時就講下電話啦, 唔係人都癲!!!

呵呵~~ 好丫, 趁呢個星期六日玩返夠本!!

星期一見~~~

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

積分: 6329

103^#

發表於 07-1-29 21:47 |只看該作者

Re: 我唔想再同99住,我好想搬,但會不孝嗎

小寶貝兒
hello!我返來喇!其實我好鍾意睇你長篇大論嫁,因為我打字打得好慢,我用速成,唔識倉頡,哈哈!我係未好屎呢?我重要係之前因為跟fr打online game學嫁,我見佢地(全部男仔)成日傾計,我又跟唔到,佢地成日笑我打得好慢,當初我真係一個字都唔識打嫁,跟左佢地太約一個月,我就打得ok,佢地都讚我話我打字快左好多,好多字都識打,呵呵

我真係好開心嫁,打online game真係可以學到打字,雖然每晚都打到好夜,最早兩點,試過四點

差d比老公鬧死

我跟果d fr其實係佢d fr 哈哈,我同老公d fr係一樣嫁,so我成日係GAME到叫佢地老公呀,有時講d三級野我老公見到都唔會嬲,真係好彩好彩

其實我99對我bb好好嫁,有時都會諗,如果我地搬走左,佢一定會發顛,我好怕佢會有咩事,咁我就做左千古罪人喇(我爸爸講)我爸爸都講得好似好有道理,但我唔可以因為咁而冇左我既自由,其實搬出去既話,我係未一個罪人 :-|

我真係好難想像這兩年我可以點渡過,我心裡點都有條剌,而且99已經開始成日留意我行為,我好唔開心,但如果我日日出街就唔係幾好,因為搭車出去玩得一陣,我唔想囝囝太過舟車勞動

你是肥妹仔?肥都可以係靚女,你嫁得出一定唔會差得去邊

而我老公,佢係一名排骨,但又好食得,佢條腰就真係殺死人lo,又冇肚腩,又瘦,而我.....生完b後就肥左lo,不過人人就話我比以前正常好多,因為我以前就真係好瘦,瘦到冇肉,好嚇人,我地唔係減肥,而係食乜都唔肥

不過我而家唔知係未因為生左bb so食多左都會肥,而我老公又買消夜比我,我已經下令佢唔準再買,如果唔係就真係多謝晒佢lo

我99好早就買餸,大約十點就返到屋企,講真我真係未訓醒lo,而我想傾計既人都唔得閒啦,咁早,殺左我都似

私人傳訊

積分: 30295

104^#

發表於 07-1-30 03:21 |只看該作者

Re: 我唔想再同99住,我好想搬,但會不孝嗎

小麵麵,
係? 我都係速成既粉絲黎架~~
當初係我媽咪教我既, 佢識用倉頡架, 佢果時話早d學識打中文, 第時易d搵工做~~ 果時仲係岩岩有386架咋~~ 我老豆好鍚我地, 好捨得使錢係我地身上, so當時都用左成皮野買左部電腦比我地玩, 我媽咪就係286時代就學打中文, 佢係買書返黎自學架~~ 係咪好近呢~~
我打速成都幾快, d人都唔覺我係打速成既~~ 所以咪越打越沈氣囉......

好彩妳like睇我d"長篇大論"姐~
我好多口水架, 3唔識7都可以講到成個鐘架~~~
我老公成日問我, 同一個唔識既人有咩好講呢???
我話我呢挺雙子, 就係口水多過茶, 係8掛發射站, 你要比我同人傾下計, 唔係我就會由朝到晚纏住你問好多問題架啦!!!
話時話, 識左佢都差唔多8年, 到而家我地都仲係有好多野傾好多野講!!

我果然係一個口水婆呀!!!!

online game我未玩過呀~~ 我細佬就成日玩, 好好玩架咩???

我細佬玩死左2部電腦啦~~ 阿媽下令佢唔可以再掂阿媽部電腦, 要玩就玩自己果部!! 因為阿媽部機都被佢玩死左幾次!!!
話時話, 我地一家5口, 幾乎分住5個地方, 有4部電腦.... 真夠誇張!!

會架, 妳爸爸講得岩架, 萬一佢有咩事, 妳就係千古罪人, 不過~~~ 唔使擔心, 又冇人叫妳周圍同人講話搬出去係妳既主意既!! 妳只要死口唔忍, 同妳老公夾定口供, 無論d人點樣問(包括妳99), 妳都話妳根本就唔想搬出去, 只係妳老公想自立d, 唔想阿媽咁辛苦姐!!! 當然私底下就梗係唔好比d3姑6婆影響到妳同老公既commitment啦!!! 最緊要唔好比人地唆使到妳老公打消搬出去既決心, 咁就萬事大吉!!!

我都係咁架, 表面上就對6299講, 我無可奈何, 我冇話事權, 乜都係你地個仔決定既, 我只係跟班黎架姐!!!
咁佢地冇我符, 我又避免揹鍋, 大家表面上和和洽洽, 幾盞鬼架~~

呢2年妳得閒咪上下網同我傾下囉~~
佢監視妳, 妳記得要扮睇唔到, 記得要扮到唔知點解佢會咁樣監視妳, 等閒同老公落幾錢藥, 千祈唔好多, 多左佢就會覺得妳麻煩架啦!!
點解要扮睇唔到feel唔到佢監視緊妳呢, 因為妳留意, 即係代表妳心虛, 即係代表妳比佢批中妳地想搬!!!
千祈千祈要扮到若無其事, 佢單打妳, 佢chok妳, 妳記得守住, 記得一定要用最誠懇既態度講大話, 記得一定要令自己相信妳真係冇諗過搬出去!!! 必要時激動d都無妨!!
佢鬼知妳諗咩野咩!! 只要妳呃到佢, 妳既日子就好過d架啦!!

我成日都係咁架啦, 99成日chok我, 問我有冇煮飯, 明明係冇我都講到似層層, 又成日chok我呢樣果樣!!

又唔使日日出街既, 可以比如好似上個星期六日咁, 咪帶埋囝囝返娘家囉, 話妳父母都掛住個孫, 想見下, 一星期有2日抖下, 放鬆下, 真係會好好多架!!!
即使唔可以每星期都住2日, 隔星期都好丫!!! 隻腳生係妳度, 妳抬妳父母出黎壓妳99, 妳99都冇聲出啦!! 冇理由唔比人地公公婆婆見下個孫姐!!! 係咪?

妳就好啦, 食極唔肥....
我呢d就真係飲啖水都肥幾磅.....
好彩, 我5官有返咁上下~~ 哈哈~ 我似我婆婆丫, 我婆婆好靚女, 鼻高高~~
我公公好搞笑架, 果時興相睇架麻, 我公公睇左好多個都唔岩心水, 一見到我婆婆就話, 係呢個啦!!!

見咁多個最靚呢個!!!

題外話, 我公公真係超鍚囡架!!(我未見過d人咁重女輕男, 加上係40幾年前既時代喎!!) 我公公婆婆生左5個仔2個女, 最鍚就係2個女, 而最鍚既孫~~ 正是不才~~ 嘿嘿嘿~~ 靜雞雞話妳聽, 我2歲之前都未自己落地行過架!! (得閒話妳聽我公公d鍚孫史)
我成日都同老公講:"衰佬, 你試下唔係最鍚我縱我果個丫拿, 我大把人鍚架!!! 哼哼!!"

10點就返到屋企?? 仲勤力過我99喎~~~
咁又真係有難度.....

幣.... 又打左一大篇添.....

私人傳訊

PCCW2319

水晶宮

積分: 67993

105^#

發表於 07-1-30 08:59 |只看該作者

Re: 我唔想再同99住,我好想搬,但會不孝嗎

我好多口水架, 3唔識7都可以講到成個鐘架~~~
我老公成日問我, 同一個唔識既人有咩好講呢???我話我呢挺雙子, 就係口水多過茶, 係8掛發射站, 你要比我同人傾下計, 唔係我就會由朝到晚纏住你問好多問題架啦!!!

me too 我呢挺雙子

天空之城, 快樂之地

私人傳訊

積分: 6329

106^#

發表於 07-1-30 20:57 |只看該作者

Re: 我唔想再同99住,我好想搬,但會不孝嗎

小寶貝兒
我明日又出去喇,不過係即日來回,夜晚等我老公放工,因為佢要星期五先放假,而我唔想連續咁多日都係屋企,so會出去玩一日,而夜晚就回娘家食飯,等老公收工
你平時冇出街?只行元朗區?我多數行荃灣喇,同囝囝行商場,去下x險樂園玩,咁就過得可以好快

online game唔係個個都鍾意玩既,我老公佢就唔太好喇,佢只會睇住我打,可能佢轉數比較慢喇,所以打怪又要用腦諗既game就差d喇,不過桌球佢就好叻,慢慢打,佢好用心打嫁,我有好多時都會睇佢同fr打,不過我囝囝見到就想攪亂,次次入球之後就要比個波佢,如果唔係就發脾氣lo

我公公都係錫女多嫁,佢最錫就係我媽咪喇,不過公公前年唔係到lo,佢之前已經病左好多年,好似叫栢金x(唔記得點寫)
我公公只係記得我媽咪,因為每日我媽咪都會去老人院睇下公公,我公公走時我媽咪都好堅強,冇哭,因為我公公走時好安詳,我諗公公其實已經冇思想,唔知發生咩事,可能咁樣大家都會心情好d

私人傳訊

積分: 30295

107^#

發表於 07-1-31 03:35 |只看該作者

Re: 我唔想再同99住,我好想搬,但會不孝嗎

小麵麵,
好呀, 出去玩下有益身心呀~~

我好少出街架, 自己一個行街冇引丫麻.... 又唔鐘意洗錢買d唔等使野.... 咁行黎都唔知做乜~~
我元朗都少行, 同老公一齊就會行下傾下計咁囉, 有時長d假就同老公出"醒"行下

我地好"深閨"架~~ 哈哈哈~~

呢, 呢個情人節老公有得放假, 我本來想同佢返大陸玩返2日, 但中旅d團好貴呢~ 所以都係留港消費, 去海馬公園玩返一日~~ 如果夜晚仲有力既, 就去埋維園行下年宵唄~~

online game我就唔得啦~~ 見細佬打鋪機都咁忙, 又講電話, 又用mic, 又右手mouse左手keyboard, 真係好忙哇~~ 不過佢又好樂在其中~~ 我最多都係打下diablo(有冇串錯?) 其實我比較鐘意玩sim city果d~~ 起好個城, 都幾有成功感架~~

我老公打柔道好叻架, 果時大學, 學左2,3年就係學屆打贏左個藍帶, 果時佢仲係白帶咋~~ 我早d識佢就好啦~~ 可以睇下佢既威風樣!!!

仲有佢打籃球都好叻架, 至叻撞人, 佢偶像係奧尼爾, 學晒佢咁守係籃底, 搶晒d籃板球!!
不過而家肥仔左, 冇咁好氣囉~~

佢話等d學生考左會考, 就去操fit返, 希望當年我一見鐘情果個佬又返返黎啦~~

柏金遜? 係咪同老人痴呆一樣架?? sorry呀, 我唔係好識!

妳唔好唔開心啦, 其實生老病死人生必經階段, 不過講就咁講丫, 如果我公公有日唔係度, 我實喊死呀!! :-( :-(
所以當我99講埋d類似咒我公公婆婆唔係度既說話, 我真係嬲到震!! 我係絕對絕對唔容許有人蝦我既家人, 蝦我乜都得, 蝦我屋企人就死都唔得, 天皇老子都冇面比呀!!!

傾住咁多先, 我要去訓覺啦~~ bye~~

私人傳訊

積分: 6329

108^#

發表於 07-2-2 00:16 |只看該作者

Re: 我唔想再同99住,我好想搬,但會不孝嗎

小寶貝兒
哎呀!我真係攰死lo,原本今日唔想上bk嫁,我昨日同囝囝玩左成日,首先同我爺,嫲,二個姑姐,姑丈飲茶,都飲左成兩個鐘,之後去左姑姐屋企食飯,我個衰仔又唔肯訓(迫左好耐先訓左一個鐘都冇)我個仔又唔客氣當自己屋企咁玩,又唔肯食飯,要食零食,因為我姑姐同我一樣勁like零食,佢屋企好似超市咁,冇法啦我個仔勁貪食,不過好在都like生果,食完成隻banana又食cherry,跟住又百力支,朱古力.....嚇死人lo,只係唔食飯

你話啦得兩歲人仔就咁....哎.....

最好笑就係返到屋企又唔訓,點解?佢要睇vcd lo,係我姑姐屋企拎,卡通片,好彩我醒目比我囝囝睇disc2,如果唔係就有排睇lo,不過都睇左成20mins,我即刻話.做晒lo,怪獸要訓lo,明天再睇啦.....
嘩.今朝一早就叫睇xxx(卡通片名)d小朋友真好記憶力,我都甘拜下風

佢一路睇我就一路訓lo,不過佢坐左我一半枕頭,我都好難訓得好

我唔會比佢出廳睇vcd嫁,我住果樹真係冬天凍,夏天熱,你話呀,點住呀!

我房有vcd機,so我未訓醒都唔洗只我囝囝出廳玩,除非我囝囝係到發癲啦(我唔想佢嘈住我老公訓)癲起來都幾煩,咁我就會起身同囝囝一齊出廳

真係做媽媽都唔易嫁,

我好攰lo,要

bye

私人傳訊

積分: 30295

109^#

發表於 07-2-2 17:02 |只看該作者

Re: 我唔想再同99住,我好想搬,但會不孝嗎

小麵麵,

套卡通係咪"怪獸公司"呀~~ 好好睇架, 我都好鐘意睇, 得閒就會攞出黎睇一睇~~
因為我之前係做電腦動畫既, 見到呢d咁高水準既動畫, 就好開心架啦~~ 又成日研究下人地係點樣key animation既~~ 呢套真係做得好靚~~

妳囝囝真係好high喎~~ 今日好好抖下啦~~

我今日去左睇中醫, 點知唔知係咪尋晚定今朝攝親, 而家有d作感冒, 所以唔打得多啦, 要去抖一抖~~

妳果度點解會冬天凍, 夏天熱既? 係咪3樓呀?

私人傳訊

積分: 6329

110^#

發表於 07-2-5 17:52 |只看該作者

Re: 我唔想再同99住,我好想搬,但會不孝嗎

小寶貝兒
呵呵!你好叻噃,除左"怪"重有"史力加",佢每日都要睇最少一次vcd,有時睇左一大半之後又要睇第二隻,我真係比佢玩謝.
嘩嘩!你好叻呀

做電腦動畫,你點解唔一直做呢?好辛苦?好長時間?我就冇用lo,乜都唔識,我以前d阿sir話我如果讀書叻d,我可以做律師,因為我把口好勁,講親d乜都好有道理,其實我最叻就係講野,我個腦有好多野諗,樣樣都好勁,不過自從我生左b之後,個個都話我蠢左好多 :-( :-( :-( 唔通生左bb就真係會蠢d,如果係咁既話我生多一個會唔會變 ?-( ?-(

你要小心身體呀,唔好冷親

,我住果樹好寧靜嫁,我冇上下層嫁,得一層,出面有個大空地,我都唔知點解間屋咁正,再正d都有呀,就係落雨,行雷,打風,會停電嫁

係夏天既話就死lo,其實係試過,真係想死嫁,開門又唔得,雖然有網門,但唔太通風lo,開左網門就死第二樣,係通風但我同囝囝都會做左蚊蚊既食糧,咁我就好慘lo隻腳

果樹d蚊好似只係like me and囝囝,我99同老公係好少比蚊咬,所以佢地係冇意識係伯有蚊咬,so 我既美腿就咁冇左喇,哈哈 :-(

私人傳訊

積分: 30295

111^#

發表於 07-2-5 19:09 |只看該作者

Re: 我唔想再同99住,我好想搬,但會不孝嗎

小麵麵,

呢2套都係好野黎架, 仲有finding nemo都好好睇架~~

電腦動畫真係好辛苦架~~ 工作時間長, 地點又遠(我住元朗要去到柴灣返工!!), 而且經常性冇得返屋企... 有時忙起上黎一星期只有星期日先可以返屋企, 仲要係星期日朝早6點先收工!!!
我公司冇同事結婚, 冇同事有bb架!! 連拍拖都少!! 除非2個都係公司做啦!! 我聽過有d誇張到有個男同事既女友好不滿佢咁少陪自己, 跟住識左第2個, 後尾個男同事知道左之後好唔開心, 但又知道自己陪唔到女友, 但又好愛佢喎~~ 於是.... 同人share個女友!! 仲要佢6自己4.... 真係頂佢唔順!!
呢d case好多架!!
做左一排我覺得變到好殘, 身體差左好多, 而且又太遠啦!! 於是quit左!!

我老公都係最叻把口!! 佢真係講親乜都係好有道理咁架!! 除左我之外冇人拗得佢贏架!! (我係使橫手直頭同佢講唔準拗贏我!!

)
所以佢做訓導老師真係fit晒啦!!
不過佢自己話鐘意做學科老師, 專心教書多d喎~~

我打左2日乞次又好似冇乜野lu~~ 有心~~

落雨行雷打風都會停電?? 咁妳屋企咪要預備定好多電筒之類既野?
有冇搵人黎check過呀??

係呀, 我地呢d城市人一搬入去就會成為蚊蚊既目標, 我屋企又係架, 一樓, 但唔知點解d蚊剩係鐘意咬我, 一年4季除左12月1月之外, 全天候都有蚊!!! 搞到我晚晚要點蚊香先訓到覺, 唔係既話d蚊就會係耳仔邊vv聲!! 跟住仲會趁我唔為意咬我添!! 著晒長衫長褲都冇用架, 佢地連patpat都咬到架!! 我真係擔心第時有bb, 會唔會同我同一命運!!

呢, 有d有燈吸引d蚊埋去, and then電鬼死佢果d呢? 有冇試過用呀? 我屋企有個, 不過好似冇乜用..... 都吸唔到埋去既!! 可能係我地放係屋入面, 燈開住所以吸引唔到d蚊掛?

私人傳訊

積分: 6329

112^#

發表於 07-2-6 02:03 |只看該作者

Re: 我唔想再同99住,我好想搬,但會不孝嗎

小寶貝兒
我老公昨晚上網見到有間村屋係洪水橋,佢話都好,雖然唔係市區,但有街市,行大約5mins就有巴士搭,我都唔知好唔好

你以前份工都好咩姐,真係 ?-( ,好彩你走得快,如果唔係可能變左人乾
我屋企有好多電筒嫁,最慘就係夜晚如果停電既話,要係咁起身出廳開返個電箱,真係唔洗訓

,雖然多數係99起身,但我都要起身關左部冷氣機先,等一陣又起身開機,如果唔開熱死都似

我都知有d燈機殺蚊,但死左之後又要清理,我最怕就係昆蟲,生死都一樣怕,冇法,我都唔知點解

私人傳訊

積分: 30295

113^#

發表於 07-2-6 11:52 |只看該作者

Re: 我唔想再同99住,我好想搬,但會不孝嗎

小麵麵,

洪水橋都ok, 不過就真係靜d囉~~ 唔近大路就會超靜架啦~~
同埋果頭有惠康有7仔, 大路有小巴可以出去佐敦道(經小欖), 有輕鐵可以去屯門元朗, 交通都算ok架~ 而且附近有間崇德英文中學, band 1好學校黎架~ 我老公都係讀呢間!!

不過唔使咁快決定, 去睇睇個環境先~~ 我諗至少方便過妳而家住果度~~~

半夜開返電箱? 係咪跳左制? 我呢度個電箱都好敏感, 前排買左個放濕機, 唔知係咪d水滲左入去機裡面, 一開就跳制!! 睇黎要拎去整下佢啦~~ 不過買左個零月就搞成咁, 真唔抵!!

我之前買左盞, 好平, 十幾廿蚊, 扭開個底蓋就可以倒晒d虫虫出黎架啦~~
我ok架, 由細到大, 因為我係大家姐, 有時媽咪老豆返左工, 屋企有咩小強呀, 4腳爬爬呀, 都係我搞掂!! 一隻飛拖鞋就瓜左架啦!!!
我老公仲冇膽過我!! 叫佢幫隻小強收屍都好似驚佢會翻生咬佢一啖咁!!!

私人傳訊

積分: 6329

114^#

發表於 07-2-6 22:23 |只看該作者

Re: 我唔想再同99住,我好想搬,但會不孝嗎

小寶貝兒
等我老公過年後再入去睇下先,e...我好似未買利是封!我幾年來都出深水埗買,今年好似唔記得左叫老公出去買,我諗下星期要買lo,明日放假但好忙呢,首先約左成班fr飲茶,之後好似唱k,因為有fr生日,班fr都就快識左成10年lo,我同老公都同佢地好熟,so好好玩嫁,成班之中我最細,但唯一已結婚生左b

明天由朝玩到晚了,一定好攰,所以我今晚會好早訓呢

我都係最大呀,有一妹一細佬,可能媽咪當時湊我地3個冇返工,所以有乜昆蟲都唔怕冇人搞啦,其實我媽咪都好驚嫁,不過見到我地3個叫晒救命,佢為有頂硬上啦

好彩我老公乜都唔怕,如果唔係我一定唔嫁比佢 :tongue:
我都幾似你老公,死左都怕嫁,真係好似驚佢會翻生咁,反而我唔怕老鼠,死左既另計

你買左放濕機,我得抽濕機咋,我果樹濕既時間好長嫁,明明天氣話乾燥,但拖左個地成大半個鐘先乾,so人乾地唔乾,濕都濕死,由其春天,真係濕死人嫁

私人傳訊

積分: 30295

115^#

發表於 07-2-7 03:15 |只看該作者

Re: 我唔想再同99住,我好想搬,但會不孝嗎

小麵麵,
岩岩先幫老公改完d notes, 由10點幾改到而家呀~~~ 超攰.....

哈~ 咁岩既, 我呢幾日都想去唱k呀~ 不過自己一條冷去唱又好無引, 老公又唔得閒, 好彩佢下星期開始放假啦~~ yeah~~

搵日捉佢去唱返夠本先!!!

我冇買利是封架, 一黎99好多, 都係佢供應比我地多, 二黎老公話有就唔好買啦, side埋d錢咁話~~
乜深水步好平架咩???
我細個時有一半時間住係深水步架, 一放假就去同公公婆婆住架啦, 暑假直頭成個月都住係婆婆度!! 梗係啦, 公公婆婆超鍚我, 唔住多d對唔住自己呀!!!

其實我下星期都幾多野做, 要大掃除啦, 又要洗窗簾啦, 又要刷地板啦, 又要洗抽油煙機啦, 洗廁所啦, 執好晒d立雜野啦~~ 睇黎我都係要plan一plan好d.... 唔係又會好似上年咁, 執到年初一4,5點架啦!!!

我細個時媽咪都冇返工, 不過到左我中一佢就開始返半日啦, 有時佢唔係屋企, 得我同細妹細佬, 佢地咁細, 真係唔好指意佢地打小強, 佢地只會企係床或椅上面尖叫"家姐, 係呢度呀!!!!!!!!!!!"
跟住我就會一手拿住拖鞋, 一野拍落去!! 死左!!!

跟手仲要唔怕核突用紙巾包好掉落廁所沖走佢!!
而細佬妹就會當冇事發生過, 繼續做自己野!!!

我試過一次打死識飛既小強添呀!!! 我都覺得近!!!

妳果度點解會咁濕既??? 係咪低地?
呢, 記唔記得有一次全香港都好濕, 個個都話d衫掠極都唔多乾, 個地又好濕果次呀? 我果度就係果次先會成日濕, 濕到我幾次差d撻底!! 因為我屋企係po瓷磚既!! 其實我個人比較鐘意木地板多d, 瓷磚太硬啦!! 行得多隻腳會好痺同痛!!

呢, 我book左家計會睇不育科呀~~ 不過booking去到8月尾呀~~ 希望係之前就已經有左唔使煩啦~~~

玩得開心d啦~~

私人傳訊

積分: 6329

116^#

發表於 07-2-8 18:41 |只看該作者

Re: 我唔想再同99住,我好想搬,但會不孝嗎

小寶貝兒
琴晚玩到好夜呀,如果唔係囝囝話要飲奶訓覺既話可能玩到零晨lo,不過都成12點幾先返到屋企,之後囝囝又發夢係到哭鬧,成晚叫媽媽,唔肯訓,之後自己係床跳來跳去,我諗佢今朝先訓番

所以呢,日頭同我d fr玩得太癲真係唔係太好,但我個囝又唔肯唔玩,重要玩到我d fr都怕左佢

去深水埗買利是封只不過係因為果樹多野睇,順便睇下其他有趣東西,食下麵咁

不過平時都好多人行,而且乜人都有,車又多,so夏天我係唔會行既 :tongue: 我唔想熱死又焗死

我真係未試過大掃除,你知喇,99做開既我係唔會做,我只會執下自己間房,我諗第時搬左之後我就會感受到大掃除係點忙法嫁喇,(真係好忙?)

我住既地方係森林呀

真係濕死,而且我皮膚唔太好,如果太濕我就會好辛苦,果次最濕日子我真係好慘,99原本有部抽濕機,但之前佢比左佢爸爸,而且佢又冇諗過要買返部,但當最濕果次之後佢就買返部機喇,其實當時佢有第一時間出去買,但唔知點解佢話全部有抽濕機買既shop都sold out,哈哈你話係未好好笑,當時好彩囝囝未識行,如果唔係...好似滑水咁lo, 木地板好咩

,係未好難打理嫁?如果潮濕會唔會有問題呢?木板喎?如果ok既話第時我都想po喎

嘩!睇家計會睇不育科要等咁耐

咁真係要好有耐性lo,你地努力d 啦,其實係未努力得濟唔太好呢

你食多d有營養既食物先得嫁,唔好太操勞(你好似唔洗做 :mrgreen: )又可能你老公返工好大壓力而影響生bb喎,不過你都係到時睇下點講先啦
祝你早日成功有b

私人傳訊

積分: 30295

117^#

發表於 07-2-9 00:05 |只看該作者

Re: 我唔想再同99住,我好想搬,但會不孝嗎

小麵麵,

多謝妳既祝福呀~~

係呀, 我聽人講話日頭唔好比d小朋友玩得太癲呀, 會發惡夢架~~ 比個米袋責下會唔會好d呢??

icic, 深水步有檔"公和"食豆腐花好正架喎~~ 我細個住係婆婆度果時成日當下午茶架, 一到3點就拉住公公去high tea!!

基本上果時訓醒就食早餐, 玩一陣就食lunch, 做一陣功課就食tea, 再睇埋電視就食dinner, 然後就睇埋劇集, 再拉公公落街去7仔買雪糕雪條~~~
好似每日既生活唔係食就係玩~ 勁正!!!
而且細個時一到暑假幾乎個個孫都黎住返幾個禮拜, 所以成日有伴玩架!!! 個個都住到唔捨得走呀!!!
婆婆就話見到咁多孫陪住自己, 辛苦d都抵呀!!!

大掃除都幾忙架, 而且我唔想集中晒係一日做晒(會死人架!!), 所以今年會分好多日做~~ 前排已經省靚左個廁所啦~~ 到過年前係咁e清潔一下就ok啦~~
不過其他野就多囉.....
尋日我99又無啦啦話d窗簾污糟到樓下都見到!! 我今日特登兜去望, 跟本就一d都見唔到有污糟到!! 本來我已經好唔like呢d顏色既窗簾架啦!! 黃甘甘, d花又老土, 布又cheap!! 睇下幾時我頂唔順就返大陸整返張靚靚地既!!! 哼!!
成日係度亂up!!!

係真架, 果次我都想去買返部抽濕機, 同老公行勻元朗, 全元朗d機都賣晒呀!!! 其實香港本來唔算太濕, 買左部機大大部阻住晒, 不過果次忽然之間d濕氣走唔到, 所以人人都走去買返部抽濕機, 結果去遲左咪冇晒囉.....

我鐘意木地板架, 我娘家都係po木地板, 不過係深色果d, 我屋企果d用左廿幾年lu~~ 係後尾有幾塊甩甩地, 但之後磨平返個底, 再搵d野痴返就ok架啦~~
我覺得木地板行落去個人舒服d囉, 隻腳板冇咁痛, 而家我屋企用瓷磚, 我點都唔肯除拖鞋架!!
不過木地板每隔1,2年就要打一打蠟, 唔係冇keep得咁靚架~

我而家改左排荃灣(之前排灣仔), 排到4月, 都好d.... 不過係男醫生囉. 唔知老公果時會唔會得閒陪我呢~~ 點都好啦, 都要習慣下, 第時生仔去政府都冇可能要求女醫生接生架啦.....

我地其實唔算好努力架咋....

一個月最多都係2,3次, 所以好難撞得中..... 但老公工作辛苦, 又好難要求佢做多d.... 唉~~

我估我都係要做iui或ivf多架啦... 因為我經期唔穩定, 老公又唔多合作, 咁就唯有用人工方法啦~~
希望唔好洗太多錢啦~~ 我地而家都儲唔到幾多咋.....

私人傳訊

積分: 6329

118^#

發表於 07-2-13 00:36 |只看該作者

Re: 我唔想再同99住,我好想搬,但會不孝嗎

小寶貝兒
幾日冇見lo,我實在太忙,但又唔知忙左d乜

,你話我係未有少少 ?-( ,我琴晚等我老公收工,成12:00呀,我好眼訓,但冇計,諗住返到home囝囝食完支奶訓左,老公同隻dog沖完涼,我幫dog吹毛,老公沖涼......都成個半鐘啦,我99重坐係廳睇tv,我想同老公撐下枱腳,談下心都唔得,真係激死我喇,我有好耐冇真真正正同我老公見,除左等收工呢晚,搭巴士時傾下計,之後就有個99坐係廳,我食野時真係好唔開心,好似真係好想 :-( ,點解呀,我想同老公happy下都......

你話啦,我點等2年呀,我有諗過囝囝返學,我做p.t.,但一定要就到我囝囝放假,我囝囝可能會返救世軍幼兒園呀,返全日幾好嫁,其實間學校我係囝囝兩三個月大時已經報左名,我重以為今年未排到囝囝要下年先讀n3(k2),好彩今年可以讀n2(k1),不過有d唔開心,就係我已經比晒校服,書簿,茶點$之前間學校,so破財 :-( :-( ,但都有dd$退比我,好過乜都冇

我今日個頭都好痛,我已經係下午同囝囝一齊訓左一陣,都係痛,so我今日都要早訓lo,我老公最快都要2:00收工,我唔等lo,我會死嫁,good night

私人傳訊

積分: 30295

119^#

發表於 07-2-13 03:06 |只看該作者

Re: 我唔想再同99住,我好想搬,但會不孝嗎

小麵麵,
我都估到妳好忙架啦~~ 因為我都係丫麻~~
而家上bk, 唔可以好似以前咁浦成日lu~~
要執屋呀, 買輝春呀, 我仲前日用左成12個鐘整左3底蘿蔔糕呀~~ 正到暈!!!

真係好好食, 自己整果然唔同街買~~ 睇落去賣相都幾好架, 可以賣到百零蚊底架~~ 哈哈~~ 聽日影張相比妳睇下丫~~

妳老公做乜咁晏先放工既?? 佢返幾點架??

以前我未結婚時同老公同居, 當時佢d細佬同佢地d女友都一齊住, 其中一pair成日霸住個廳, 搞到我地成日要呢埋係房, 我直頭可以除左去廁所之外完全唔出房架!! 果時真係好down下.... 好彩有得上下網, 同人chat下咋...

早d返學都好, 不過要小心d, 好多人都話bb 2歲返n1都幾容易病~ 妳要小心睇住囝囝啊~~

救世軍好好架?? 唔知呢度附近有冇呢?? 前幾日三育幼稚園搞open day, 幾得意, 好多家長帶埋小朋友去參觀呢~~

頭痛呢, 可以試下用2隻手掌(手心位置, 好多肉果度)按2邊耳仔對上, 大力一齊按, hold 2秒, 放手, 重覆幾次, 會好d架~~
我老公成日都頭痛, 我都有幫佢咁樣按架~~ 不過小朋友一定唔適用, 因為腦筍未生埋, 好易整親!!
仲有幾招架, 不過唔知妳咩位痛, 下次話我聽妳多數咩位痛, 睇下我有冇計~~
ps, 因為我老公成日都周身骨痛, 所以我都有少少研究點樣按會好d~~

早d抖~~ 唔好諗太多~~ ok?

私人傳訊