自由講場 今日: 2576|主題: 1360686

新人類BB 寫道:
我覺得最緊要唔好飲過量, 有時見到朋友, 成日說個仔一唔食飯就比支奶佢飲, 結果佢個仔未好唔鐘意食飯, 剩係叫佢阿媽沖奶比佢飲, 所以個仔好瘦..

des1971 寫道:
唉.......都唔知食乜好, 菜有農藥, 魚有雪卜毒, 豬有哮喘藥, 牛有瘋牛症, 雞有禽流感, 蛋有蘇丹紅...............

小孩子的天空 寫道:
好地地一隻母牛，無la la點會成日有奶?無理由成日有仔生ma.........

咪有係d"人"打d "chi"激素比隻牛。

ki媽 寫道:
我阿仔飲左14個月人飲,但我喂人奶比佢時自己都飲左好多牛奶,個陣時佢唔想飲人奶,跟住介左人奶,就開始比日本奶粉佢飲,食左半年奶粉,食人奶時無病過,食日本奶粉後就經常病,但食奶粉重得好好,佢一路以黎都唔係梗鍾意飲奶,成日要迫佢飲,一日三餐,又用針筒又用spoon喂佢,喂到我死下死下,只怕他無營養,依家睇完鏗鏘集,我決定同佢戒奶

BillieBug 寫道:
其實，近年來每一項公布出來的所謂醫學研究，大家都不妨用一種聽過就算的態度面對．
首先，你可以留意個研究係由邊個機構及院校做的，通常有ｄ院校，如ｘ大醫學院，為左爭取資源及知名度，會作出語不驚人誓不休的言論，務求要做到嚇你一跳的效果，咁先會引起人談論．
另外，有ｄ研究係由某ｄ商家sponsor而做的，佢地當然唔會做蝕本生意，目的係想點，你要以批判的態度看研究結果及佢地想引導你做既消費．
呢ｄ研究，聽下就算，無需認真！

alkyng 寫道:
其實早兩年及上年分別有兩位朋友同我講過, bb出世後飲人奶當然就最好啦, 咁到左6個月大就最好戒奶, 因為到左6個月後小朋友已經可以食粥仔飯仔, 咁奶已經係副食品, 所以食唔食都得, 而且仲話依家d牛點解會有咁多奶, 就係會打激素, 而個d牛奶再拎來做奶粉, 咁小朋友飲得多自然就會提早發育, 所以依家我已經將小朋友d沖奶份量減少, 無論開幾多安水都好, 都只會比一匙奶粉. 另外我亦聽過有位小朋友經常咳的, 食藥都好難好得番晒, 最後聽人講戒奶, 點知個小朋友就無再咳, 到左今日自己睇到呢個節目, 我相信人類真係最好飲人奶, 如無人奶就最好飲豆奶, 至於牛奶...我會少飲為妙.

另外我仲可以同你地分享, 本身我大女係一個超級鍾意飲奶的人, 自從歲半戒左人奶後, 就轉飲奶粉, 一日五六支, 到左依家6歲, 半夜都會call我地起身沖比佢飲, 而事實上佢5歲前已經換恆齒, 個一刻我第一個想法就係奶粉問題, 所以依家沖奶會落少d, 至於細女(2歲)係好鍾意食野, 所以我已經轉比佢飲維他奶, 無比飲奶粉, 但佢仲可以keep住中大碼wor, 所以我相信小朋友只要食固體食物食得好, 唔揀飲擇食的話, 唔飲奶跟本就無問題.