國家地區媽媽會 今日: 0 | 主題: 20265

積分: 29922

醒目開學勳章畀面勳章

1181^#

發表於 12-5-31 07:05 |只看該作者

本帖最後由 nikinokb 於 12-5-31 07:09 編輯

回覆 rose-mag 的帖子

其實你講得真係好岩!可以睇下咩課程!我好豬兜呀,我呀仔大伯車我去我拎本課程

啦點知拎完返到屋企先發現得Summer day camp...無我想報果d一星期一班果隻
我又唔想自己搭車去拎多次...好似好散呀d單張...我諗我都係上網睇算喇...

你話我湊呀仔上門去人地屋企學好丫,定去你話呢d琴行學好?
你仔學校有無鋼琴學?(其實學校有無呢d學都係一個問題..)
你講你朋友呢間,我聽日/後日會去睇睇!

你仔咪叻囉,叫成績平均,我仔係香港,係尾幾果d,希望黎到無甘難啦
我仔學術真係差...(專注問題)

哎也!岩呀!我搵唔倒長褲呀....呢度d小朋友係咪真係著短褲?如果係好勁呀...
其實係香港d衫定真係干衣機縮水呢...我係香港拎黎果d全部唔岩,
我尋晚轉妍一下,連雞仔麥d底底(仔仔果d)全部都真係細哂嫁.....
你仔係呢度大,你地d衫褲有無縮ga?我老公話可能買既地方問題?
但zara呢度都有姐,我係香港買果d都縮哂!!

我仔又係濕疹仔,唔係全棉我唔買嫁!但依家我就苦惱緊買褲問題點算好!
同埋諗緊點同佢減肥腰....

私人傳訊

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

1182^#

發表於 12-5-31 13:32 |只看該作者

nikinokb 發表於 12-5-30 15:05
回覆 rose-mag 的帖子

其實你講得真係好岩!可以睇下咩課程!我好豬兜呀,我呀仔大伯車我去我拎本課程啦點知 ...

我唔識呢邊上門學琴，應該搵下都會有。仔仔學校有琴學，不過我睇應該係理論同樂理，
唔係真係有個琴彈，我未知會唔會俾個仔真正去學琴，因為以佢咁一定要我跟住上至得，
唔知搵唔搵到呢種。

呢度D鬼仔真係好得架，我凍到死佢地都係短袖衫短褲，所以我見到大減價就要入定多D，
唔係到要著又買唔到。你洗衫係咪揀咗熱水呀？呢度D人洗衫好興用熱水，
我D冷衫俾我老公搞到縮晒水，件件縮咗兩個碼呀。呢邊D衫多數做過縮水先，
所以唔會點縮，利公民如果用熱水同機洗真係縮硬水，我要用手洗至得。
平平地仲可以去Ross睇下，果度專賣月下有牌子嘢，有時會執到筍貨，
Geary夾18定19有一間，樓下有間Domino Pizza，搭巴士到好方便，我同老公去果度買玩具，
又會買平底鑊買焗盤，我仲買埋梘液頭夾呢D，不過選擇唔一定多，
果度有衫褲鞋襪買架。

花旗太太生活在花旗國，留意時差，你問我未必即時答到。

私人傳訊

積分: 29922

醒目開學勳章畀面勳章

1183^#

發表於 12-6-1 02:02 |只看該作者

本帖最後由 nikinokb 於 12-6-1 02:04 編輯

回覆 rose-mag 的帖子

我老公有個女仔朋友以前上門/屋企教開琴,,不過依家返左香港做野,我諗住叫佢幫手問下,我想上門係因為起碼我知我仔上堂學左咩,,我都起碼可以同佢跟下
如果去鋪果D學我怕唔知佢學左咩...問我仔我怕佢答唔倒...

我已經係用凍水嫁喇,,不過都縮仲要好多下..........
係呢呢度D小朋友著咩牌子/邊D底衫褲ga?
我諗住要買過哂d野...會慢慢買睇下係咪真係地方買而縮水先...
Ross我有去過呀!!不過唔係去你講呢間,
唔知老公車左去邊頭,,好多平野!
買左床單,''window''(打唔倒個字..)廉,玩具先抵!
買左搖x車比呀仔,仲有焗爐盤!
我係慳家c9仔,最like睇平/減價野,
尋晚老公先同我講話我睇住d超市減價單係度格價好''精明''

私人傳訊

積分: 174325

1184^#

發表於 12-6-1 03:49 |只看該作者

nikinokb 發表於 12-5-31 10:02
回覆 rose-mag 的帖子

我老公有個女仔朋友以前上門/屋企教開琴,,不過依家返左香港做野,我諗住叫佢幫手問下 ...

呢邊一般去Target已經算平，Daly City果邊又有Kohl's、JC Penny、Sears，
好平但質地唔多好，我覺得Target、Gap、The Children Place比較好著。
我成日上網搵平嘢，Disney Store都成日有減價，我買睡衣俾對仔女著，
質地唔錯，上次買$20兩套，執咗唔少。

Ross喺Daly City同Downtown都有，Daly City果間大D添。
我老公一向都格價，而家有小朋友更甚，所以我地個個星期都刨D減價廣告，
呢邊買嘢一減價可以差好遠，例如正價買一包薯片$4.99，減價$6兩包，
呢D唔係必需品當然要等減價至食啦。就算係日日食嘅瓜菜雞肉，
我地都會留意減價，橫豎呢邊都係一買就差不多一星期，邊有人咁得閒日日去街市買喎。

花旗太太生活在花旗國，留意時差，你問我未必即時答到。

私人傳訊

積分: 29922

醒目開學勳章畀面勳章

1185^#

發表於 12-6-2 09:46 |只看該作者

本帖最後由 nikinokb 於 12-6-2 09:48 編輯

回覆 rose-mag 的帖子

我老公話呢邊得我同你兩個傾計.....係啦....依家好靜局呀....

我老公個同事,問我湊唔湊呀仔去唐人街果邊學中文.
百幾蚊,每星期一堂(好似星期六定日),每次三個鐘,
7月上到去12月!!話係學讀/睇中文,我諗左好耐,
老公同事果兩個女都係果度讀,
(佢地報左.不過兩個女都係細過我個仔一兩年有多.本身係abc)
諗緊去唔去好.....因為我覺得係咪應該另願比佢去學英文好d?

畫班果度,打左去問,,佢地不斷叫我湊左個仔黎睇左lv先知幾錢,
我同朋友都覺得唔係甘老實...說話方式唔係甘好...唔知佢係熱情定點..
但我個fd話感覺真係唔係甘好...佢講大約$85一個月,每堂75分鐘.
問佢佢唔講係咪一星期一堂...佢只係不斷叫我地湊左小朋友黎先...
同埋佢話有d人直頭+錢學個半鐘至兩個鐘...我地見佢d單張堂數係75分鐘一堂,
我地都唔明點解佢,甘咪阻住下一班咯?

我諗我暫時都係唔考慮呢一間....個feel好怪....所以都係繼續搵下有無其他...

依幾日好緊張,,日日睇信箱...我記得應該係6月4日之前收倒入學信
但今日6月1日都未收倒...好緊張好緊張...!!
我地仲未收倒工卡....下星期一又要多樣野搞...........嗯...真係激死人...

私人傳訊

積分: 174325

1186^#

發表於 12-6-2 13:13 |只看該作者

nikinokb 發表於 12-6-1 17:46
回覆 rose-mag 的帖子

我老公話呢邊得我同你兩個傾計.....係啦....依家好靜局呀....

係咁架，一輪輪多人傾，過一排有人問嘢又多番D人流架啦。
唐人街學中文，你個仔而家未必駛喎，如果想讀中文去St. Mary啦，
唔係貴又幾好，上午一班下午一班任揀，我都有諗過送個仔去，
不過而家老公想佢學游水同跆拳道多D。

間畫室咁嘅，我經過見佢有summer camp，唔知係咪想sell你summer camp呢，
我以前教畫架，小朋友專注力個個唔同，有人可以上75分鐘，
有人一個鐘都多，我仔女年紀我會只教最多一個鐘，大D可以耐D，
未必會阻住下一堂，我以前都有學生不同時間到，一個疊住一個上，
冇咩問題喎，當然一齊開始上會容易D。

唔駛緊張，因為信係一批批寄，就算一次過寄都會有人早一日收到，
因為郵差派信時間有唔同，星期六都會派信，應該最遲都係星期一收到。

花旗太太生活在花旗國，留意時差，你問我未必即時答到。

私人傳訊

積分: 29922

醒目開學勳章畀面勳章

1187^#

發表於 12-6-4 06:02 |只看該作者

本帖最後由 nikinokb 於 12-6-4 06:07 編輯

回覆 rose-mag 的帖子

呢家唔知係屋企問題定點..上親網都好~~慢~~係甘loading...

原來係甘!我仲以為間鋪有咩問題...聽日我老公終於放假,,
可以去睇下同報名,我老公就好似幾滿意,,話人地識中文,
起碼明呀仔講咩,價錢又ok,佢雖然唔知出應該咩價,
不過85蚊有4堂都ok啦,我仔專注超差,75分鐘應該極限...
原來你甘叻教畫ga!你有無諗過c人教呀?!(打你主意..haha)
平時有無教你仔仔/女女?自己接,可以教埋仔女,又可以搵錢,幾好丫!

我尋日睇左4次信箱.....不過都係無信,,即係聽日要去問工卡果度點解收唔倒..
學校就...應該夜dd先去,佢好似6點定唔知幾點close.甘我山之前去問問
如果聽日唔問,我老公又要等多六日先放..佢一星期先得一日假咋....
所以都係聽日問埋,但就會等到下午都無先去...

我地聽日會去唐人街果邊打針,我從來無去過唐人街,唔知係點既呢~?
學中文其實係無野做先學咋..仲係搵緊興趣班,
我諗最後多數會簡畫畫同音樂(都係訓練專注同耐性),如果興趣班
我只會比呀仔學兩樣野,,暫時唔會比佢學太多...

私人傳訊

積分: 174325

1188^#

發表於 12-6-5 05:21 |只看該作者

nikinokb 發表於 12-6-3 14:02
回覆 rose-mag 的帖子

呢家唔知係屋企問題定點..上親網都好~~慢~~係甘loading...

哈哈，我有諗過架，不過要考慮好多嘢，屋企太細冇地方做教室，
不可以叫學生坐地嘛，而且防火安全條例都要兼顧，住宅做商業用途要搞好多嘢，
初初老公都話將個車房改建成教室，但真係唔係講咁簡單，
又唔知收到幾多學生，有幾多收入，買材料都要唔少錢，
以前幫朋友做過都知有幾麻煩，所以暫時都係教自己兩個寶貝。

你收到信未呀，今日開始可以自己去校區度問，見到有位即時報讀，
唔駛waiting架，你派到啱嘅就OK，唔啱可以去校區查下其他有咩學校有位。
唐人街都冇咩特別，反而你會覺得好落後就真，最難係搵位泊車，
連D咪標都貴過其他區。

花旗太太生活在花旗國，留意時差，你問我未必即時答到。

私人傳訊

積分: 29922

醒目開學勳章畀面勳章

1189^#

發表於 12-6-6 03:02 |只看該作者

本帖最後由 nikinokb 於 12-6-6 03:18 編輯

回覆 rose-mag 的帖子

老實講,可唔可以自己私人接?做自己人生意?(同學仔果D)就好似係屋企教琴甘,,細細地開始做,,做做下先諗做唔做得過,,
做得過先發大黎做等,,我老公都諗緊可以再做倒D咩生意,,
佢想做下D網上生意,一黎想搵多個錢,二黎佢知我係屋企無野做,
我唔係甘好行街,都幾宅女下嫁...哈哈...佢之前有做過下,,不過生意就麻麻
唔知係咪D野唔係甘岩,做過賣科技野(電腦呢d),又做過下d運動野,
佢依家想諗運動鞋,,不過都諗緊咋...

尋日真係過山車上落心情,一早起身,仲係無信,心情已經緊張到暈
即時去教局問問,10點3去到,一百個哇~~竟然派飛仔,,我地第72號,
嚇到我呆左....洗唔洗甘激!我地見個個拎住份野,心知不妙
點解個個有野既!?唔通得我地未收倒~~?之後都無計要等,等左9個字,
到5x號喇,突然有個staff派左張單比我地,話呢d學校無位嫁喇,
我望一望,我填左7個志願,,7個都無哂位既!!哇哇哇,,我個面色沉爆....
心諗點算....會去左邊?....之後唔知係咪見我面色唔好..(甘岩m到...)
有個中國人既staff走黎問我地有無野可以幫倒我地....同佢講左我地既問題(收唔倒信)
唔知係咪見我地又係中國人?哈哈....佢即時好好人好溫柔地拎左我地份表走入去睇!
我知後面個女人唔係甘滿意..(佢地係唔滿意派位),我唔理啦..又唔係我叫人幫..
之後等左十分鐘,個staff出黎同我地講!放心啦,呢間(你仔仔果間)有位,入左呢間,係雙語!
你地可以唔洗等喇!可以走得嫁喇!!我好開心!(我老公無咩feel..男人真係...)
點知去完街返到屋企..........................見倒信箱有信.(5點左右)
一開.....派果間學校竟然係我地無填過既第6街果間雙語學校既雙語班..........

我同老公都呆左係度幾秒,諗左兩樣野出黎...
1.staff姐姐睇錯?無理由丫....個名完全地唔同,,點會睇錯?而且我地都無填過果間...
2.呢封信係一早派既位.之後有學生退學/唔要呢間學位.所以多左出黎!比左我地!!

但因為已經5點幾,我奶奶等緊我地去返去食飯,所以唯有等到今日早上再去教局問下其實係點?
我地尋晚開''爸媽大會''..哈哈哈...係甘上網查下呢間係咩學校,因為我地係完全地無睇過呢間
完全地失哂預算...我老公安慰我...甘無計嫁喎...一黎我地係報二年級,又遲報...報左半個月都無
無位真係無辦法...我地唯有打定輸數....睇下果間係咩學校....

今早我老公8點起身,即時飛出門口去教局問,唔係接受唔倒,而係好亂,甘即係入左邊間?
甘岩去到!又係果個中國人姐姐....!!佢見倒我老公好驚訝!問佢有咩事啦,
問完喇.....原來件事係,,我地報時(5月21日),係已經無哂位,7個志願都無!
甘就派左去最近我地既呢間(6街雙語),,星期4-5寄出信,,
但係尋日早上,有學生放棄呢間學校,唔要!所以我地就有位喇!!!!
仲要係雙語!!!我老公叫我同你仔仔講多多指教!!(雖然唔同級!!)
我放下心頭大石!!因為我好驚呀仔入左全英大校....我好擔心呀!!
雖然我知老公其實唔係甘like....佢想個仔讀大校,,佢覺得唔比佢試就唔得!
甘我唔理啦...因為你知啦..仔女都係我地呀媽湊多.講了解佢未夠我地黎!
所以我唔理喇~佢又唔係反對既,只係話~都唔明你擔心d咩~~甘!

安樂哂!黎緊下星期會去學校報導!到時再直接搵校長問佢想呀仔做評信既事!
希望一切會繼續順利!!!

圖書館原來可以借50樣野...嚇到我呆左,我仔借左一隻thomas DVD(好乖.唔貪心..haha)
佢好開心!不過係用我老公張id卡整證,我地仲未有工卡,所以無id整證,希望唔好比人發現..xD

MAGGIE..多多指教!

私人傳訊

積分: 174325

1190^#

發表於 12-6-6 04:20 |只看該作者

本帖最後由 rose-mag 於 12-6-5 12:46 編輯

nikinokb 發表於 12-6-5 11:02
回覆 rose-mag 的帖子

老實講,可唔可以自己私人接?做自己人生意?(同學仔果D)就好似係屋企教琴甘,,細細地開 ...

接自己人生意？都有得諗，不過都係要搞掂間屋至得，最少都要有間房坐至得，
唔想太多離物或其他嘢令小朋友分心，而家間屋太細呀。

一天光晒，有D擔心你地點，雖然間學校唔係100分咁好，但我自己接受到，
唔知你點睇，我只要個仔老師有心教，個仔讀得開心，我個仔一定唔識飛天，
俾佢讀到一等名校都冇用，到時問題仲多。我地學校最衰係個家長會太癈，
人地學校未開學就會聯絡下新家長，大家叫做有照應，開學要留意D咩嘢之類，
但我地呢間係冇人搞，我上年自己去上workshop，知道少少個心都好唔定，
好彩個仔開定學又OK，而且班主任同校長都好好，有問必答。

你地個case唔同，琴日去大部份都係K、6或9年級，派果個表係主要呢幾級架，
你地插中間果D班真係要收信或去問至知，不過你記得帶晒嘢去學校，
有張表要醫生填，係打針紀錄，冇就唔開得學，我個女果張都未交，
我都要去學校交番呢張表。校區D嘢有時都好亂，最緊要電腦裏面個紀錄啱，
有出入學校會打去校區度問架。其實我仔學校越高班越少人讀雙語，
因為有D父母唔識中文，小朋友大大吓又未必讀得到，所以或者係咁有位都唔定。

你記得同校長講之餘，開學都要同班主任再講，因為校長好多嘢做，
有時未必記得，我地果陣就係咁拖咗一個月，之後同班主任講起，
佢話校長冇提過，但去搵番仔仔個File，文件又齊晒，即刻跟進都要兩個月，
因為校區要派人去學校幫仔仔做Test，之後約我地傾報告，即刻有跟進，
個Speech Therapist又會寫Notes俾我地，佢地個個都好錫我個仔，
所以果D家長會嘅瑕疵我唔放喺心。

而家暑假圖書館有個閱讀計劃，上網登記就得，唔駛工咭號碼，
你可以幫仔仔登記，之後每睇一本書就上去寫低閱讀時間，
小朋友只要滿10個小時就可以去換禮物，我唔知會係咩，
今年我都同兩個登記咗，橫豎都去借書，玩下等佢地有D鼓勵都好，
大人都有架，不過要40個小時同埋要寫少少書評，夠40個小時就可以換個環保袋，
每間分館又有抽獎，我自己都報咗。俾條Link你去報嚟玩下啦。
http://www.sfpl.org/ click summer reading: sign-up

花旗太太生活在花旗國，留意時差，你問我未必即時答到。

私人傳訊

積分: 29922

醒目開學勳章畀面勳章

1191^#

發表於 12-6-6 04:56 |只看該作者

本帖最後由 nikinokb 於 12-6-6 05:00 編輯

回覆 rose-mag 的帖子
唔洗擔心,,

我簡你仔仔間學校,,唔係因為你話佢好
我地當然知道每一班每一級既老師都唔同,你仔仔果個好,
可能我仔仔果個好差,,呢點就係我老公話唔一定要簡呢間既原因,

我簡呢間,係因為佢係細校同有雙語,我個人外表好冷血,但我係緊張大師
一樣野都可以擔心一大餐,如果我要簡名校/叻校,我就唔會係香港簡左一間聽都無聽過既細校
我自己細時讀書好叻,我樓下有兩間小學,一間就係我仔讀果間,一間就係我細時讀既
我果間係一間出哂名既好學校,但我都比我仔讀唔出名果間.因為每級得兩班,每班十幾個
我仔讀書好差,因為佢專注唔倒,有時,唔一定勁校先會有叻學生..而且我唔係一D
要個仔好WAI好勁既媽咪,我比佢學野,都唔係學果D麥鬼雙黃管西班牙文果D.
只係好普通既野,,跳下舞(訓練上下身協調),畫下畫(訓練專注),我係香港.都比一D家長誤會過(BK家長黎)
我好唔開心嫁,佢仲要講,你''明知''個仔有問題,點解仲要比佢學甘多野?
我真係好無奈.不過我無嬲.佢地唔知,唔緊要,總有人明白我既苦心,我比既野係為左個仔既弱點
我地一直有補習.係一對一,又比人話,洗唔洗甘巴閉~去補習社一班就得啦
有時真係炆到爆,我仔就係專注唔倒,,仲成班人比佢佢只會搞搞震,,有苦自己知
有時比人話完,我真係呢埋自己喊,喊完半日又再企起身湊仔,,所以我訓練成自己冷血
理鬼得人諗咩,講咩,如果唔係我認識既好朋友.我真係可以幾多年都唔同佢講野....
傾傾下..又發洩埋一份...以前係香港有屋企人可以幫下我手,依家黎左美國
講真真係辛苦.咩都自己做,同埋我唔識既野都要硬住頭甘做,無計啦..唔係點喎...

家長會,其實我唔係甘明嫁,因為我係香港都無去過,不過叫做個個家長都好好人
會傾下有咩需要,希望到時會認識倒一兩個家長而係講中文啦,,如果識唔倒
我都無咩所謂果D,有咩早上問老師,我老公其實有諗,比佢讀定左先.OK既可能比佢轉校?
呢點我同老公未決定,因為都係果句,我老公希望個仔讀大校,因為始終到中學D學校都係大
我就話睇呀仔情況而定,我唔想講D未來野,如果覺得呢間學校唔好,
我地下年會租第二度,轉校又唔定,所以睇定D先講!

我想問,依家我地係同校長講左先,但係咪都要等開學先再跟進D問題?
洗唔洗填表呀甘果D嫁?因為我唔知係咪就甘話要做評信就比佢做嘛...

閱讀計劃,係咪一定係圖書?我仔多數睇碟...不過如果只係十個鐘,佢應該得!

*如果你真係搞畫班,真係唔係講笑,記得話比我知!!!

私人傳訊

積分: 174325

1192^#

發表於 12-6-6 05:45 |只看該作者

nikinokb 發表於 12-6-5 12:56
回覆 rose-mag 的帖子
唔洗擔心,,我簡你仔仔間學校,,唔係因為你話佢好
我地當然知道每一班每一級既 ...

仔女係做媽媽十月懷胎生出嚟，點會唔緊張？
我覺得人人教仔方法都唔同，我一定唔會批評人地點教（私底下同我老公講唔計），
點教都好，果個唔係我仔，有時見到有問題出聲，如果家長唔回應唔接受，
我就會算數，以後唔會出聲，我有時都多事同仔仔班主任講，
唔知係唔係我地兩個投緣，我地可以傾個幾兩個鐘，我個衰仔都試過令到我好尷尬，
果陣最想溶咗佢，不過其實最怕D大人喺小朋友面前係咁喺數D小朋友，
即係批評人地父母教仔，一家唔知一家事，小朋友百厭又好打交又好，
我覺得要老師處理，家長一介入就麻煩。

怪獸家長直升機家長呢度都好多，有時真係誇張到冇人有，
我只關心D小朋友，冇興趣理呢D家長，當然有家長好傾得埋，
但我仔呢班為數唔多囉。你唔駛擔心，雙語班好多家長都講中文，
我都識幾個二年級家長幾好人。

你老公都講得冇錯，去到中學同高中都係大學校，只係而家我個仔未ready，
所以細校係我首選，我都想去好嘅大學校，但暫時個仔唔適應，
遲D至算，我老公都有想轉個仔去讀私校，不過要好多錢，
而且私校都唔係間間好，得嘅過咗3年級至會諗。

呢度家長會主要係搞下活動，發起籌款，你去唔去開會都冇咩大問題，
但有時好似籌款活動呢D，如果家長會可以叫多D人幫手一定會更好，
不過果班女人就好似自己小圈子作業咁，所以都冇人指望佢地做到D咩。

你同校長講，佢會約老師同個Special Ed Specialist同你開會先，講晒小朋友嘅問題，
個Specialist會幫你填表去校區，之後安排小朋友做Test，報告出咗就約家長開會，
到時會有校長老師Special Ed Specialist同Therapists，會有plan點幫個小朋友，
我仔係每日有半小時一對一時間，由個Therapist帶佢做Project做功課，
有Update Therapist會寫紙仔或打電話俾我地，好似唔係太多時間，
但仔仔老師配合，呢一年都有好多進步。

可能都要等開學，因為老師或Special Ed Specialist唔知幾時會喺學校，不過問咗至算啦。

個閱讀計劃應該只係書，圖畫書冇問題，得架，因為個劃係由初生至12歲為一組，
冇理由BB可以讀好深嘅書，應該只係鼓勵小朋友多讀書，我仔都係讀緊好多公仔好少字果D。

畫班真係有，一定講你知，俾個Discount你又點話啫。

花旗太太生活在花旗國，留意時差，你問我未必即時答到。

私人傳訊

HYOMA

別墅

積分: 813

1193^#

發表於 12-6-6 17:47 |只看該作者

大家好!

我會明天上機, 心情好HAPPY, 又担心, 想問多一次大家... 如果過關時我只有US$1,000 會否太太少呢??
過關會否覺得有問題呢?

私人傳訊

meatballs

積分: 25657

2024年龍年勳章畀面勳章

1194^#

發表於 12-6-7 02:36 |只看該作者

HYOMA 發表於 12-6-6 17:47
大家好!

我會明天上機, 心情好HAPPY, 又担心, 想問多一次大家... 如果過關時我只有US$1,000 會否太太少呢? ...

點解會有問題呢？
fly safe

私人傳訊

積分: 174325

1195^#

發表於 12-6-7 03:34 |只看該作者

HYOMA 發表於 12-6-6 01:47
大家好!

我會明天上機, 心情好HAPPY, 又担心, 想問多一次大家... 如果過關時我只有US$1,000 會否太太少呢? ...

帶少過9999好似唔駛報添，你到時睇清楚張報關紙，落機前會派，
你話係移民，個機倉服務員會識得俾邊張你架啦。

花旗太太生活在花旗國，留意時差，你問我未必即時答到。

私人傳訊

積分: 29922

醒目開學勳章畀面勳章

1196^#

發表於 12-6-7 04:45 |只看該作者

回覆 rose-mag 的帖子

係!絕對係!我絕對覺得媽咪一定愛個仔多於爸爸...因為真係

十月懷胎生出黎點都係會緊張果個,我都係唔理人點教仔,但發覺呀仔真係大個仔喇
原來我地講既野佢係甘介懷..尋日我呀娘打黎,我仔好唔開心同婆婆講
:婆婆.我太肥.出面買唔倒褲著呀.試左好多條都唔岩著.(扁哂嘴既聲)
陰公豬...唉..我都唔知點搞好...佢已經唔係話食好多好多野,
只係比一般小朋友食多小小,但佢就係長肉,長哂落個肚,我都唔知點搞好...

黎緊你仔同你女都一齊返學,,呀仔開唔開心呀~?有無叫佢要照顧妹妹?
你仔好幸福,有細妹一齊返學,開心好多嫁!
我係我仔前都好小心講野,如果果個小朋友唔乖.我唔會講得甘衰
會話佢媽咪一定返去罰佢,佢甘樣係錯等,轉個頭我仔走開左,
我就會發脾氣向住老公開火,會頂...甘鬼跳皮有無搞錯...哈哈哈....
如果有小朋友打我仔仔,我都係絕對交比老師跟進,我地算好好彩
一直既老師都好好人!有咩都主動幫我地跟進哂!試過有次係學校
有個女仔想搶我仔玩具,但我仔唔比,佢就咬我個仔背部,仲要流哂血
我好嬲呀,但老師唔知,,我第二日同老師講返,我有出聲講,
叫佢同個家長講返有呢件事,因為真係咬到出哂血魚到不得了,
等佢媽咪可以了解下點解佢會咬人,係咪有其他原因(當然好友善甘講)
之後都無再發生,但果位家長有叫老師同我地講聲唔好意思
我地都無直接對話過,但大家都好明白事理.,最怕D家長,一見自己小朋友有傷
就投訴又話要同見家長各樣那樣,完全無諗過要了解件事,可能係人地出手先等等
唔理3721就話要鬧要嘈...真係好怪獸.,我好驚呢D家長....
係喎,依家雙語班,如果讀多幾年,係咪可以自己身請轉去全英班?(我只係問下咋..哈..)

其實好老實丫,我想做評估,多D資源就緊係好啦...但我主要目的係想知佢依家情況去到邊
香港太多唔同講法.而且我想老師可以多加注意佢...體諒佢成績問題..係咪好傻呀呢個諗法?

係呢,我想問,我尋日去圖書館借左一隻碟,如果我今日唔還先,係咪都可以照借其他?
只要唔超過50樣就得?定一定要一次過借,還左本身果D先可以再借?
我睇佢張單張無寫...

私人傳訊

積分: 29922

醒目開學勳章畀面勳章

1197^#

發表於 12-6-7 04:54 |只看該作者

回覆 HYOMA 的帖子

無問題嫁,我身上有大約萬幾蚊港幣,,佢都無叫我報

我果日咩都無填,唔知係咪人地派表時我訓左....
我以為落機去到先填,,去到過關時佢見我湊住個仔
佢好好人幫我填埋,佢只係問我身上有無超過一萬蚊美金,我答佢無就搞掂

好簡單,唔洗緊張!

私人傳訊

meatballs

積分: 25657

2024年龍年勳章畀面勳章

1198^#

發表於 12-6-7 05:28 |只看該作者

nikinokb 發表於 12-6-7 04:45
回覆 rose-mag 的帖子

係!絕對係!我絕對覺得媽咪一定愛個仔多於爸爸...因為真係十月懷胎生出黎點都係會緊 ...

答你圖書館個問題～
係得嘅，分開幾多次都ok,只要唔超過50樣就得
不過有啲圖書館DVD唔可以超過5只 ga

點評

nikinokb

唔該哂呀! 發表於 12-6-10 06:40

私人傳訊

積分: 174325

1199^#

發表於 12-6-7 05:33 |只看該作者

nikinokb 發表於 12-6-6 12:45
回覆 rose-mag 的帖子

係!絕對係!我絕對覺得媽咪一定愛個仔多於爸爸...因為真係十月懷胎生出黎點都係會緊 ...

同小朋友講嘢或者喺小朋友面前講嘢真係要好小心，原來佢地好上心，
我地呢D仔就更加，因為佢地會記一世，好似我話某D說話唔講得，
因為係bad words，咁我個仔聽到人地講，佢就會話人地講bad words。
琴日就係，搭巴士途中遇到一個暑期班同班小朋友，佢應該係中法混血，
佢講晒我叫個仔唔好講嘅，我仔就同我講媽咪佢講bad words，
我唯有放學後同老公一齊教佢人地講bad words做D唔乖嘅嘢，
叫佢唔好理人地，但唔好跟住講同做，個仔不停問我why。
佢就好似一部百股電腦咁，教佢1+2+3，佢就只會1+2+3，
如果3+2+1或1+3+2，佢就會唔識。

同妹妹一齊返學，我個仔暫時反應唔係好大，個女都係一時時，
佢地應該唔係好理解個分別，不過仔仔一年級個老師已經之前成日同仔仔講，
佢下年就去佢果班，我估老師係俾個心理準備佢，我個女見過kindergarten老師幾次，
老師好冧佢，我叫老師唔好俾佢個可愛樣呃到，佢都好百厭。

轉去全英係得架，基本每年都有兩次派紙俾家長填，有冇意願轉番去GE。

你個想法冇問題喎，點都要評估下至知去到邊度，醫生話如果你覺得佢已經OK，
可以申請再做評估，做完OK就可以唔駛再特別支援。呢個唔係免死金牌，
但如果有喺手，老師可以注意多D，起碼知個仔已經開始嚟料，
老師可以及時calm down佢，我仔老師俾佢帶隻公仔去學校，
如果佢開始忟開始想發脾氣，老師就俾佢攪下玩下隻公仔。

借書可以分好多次借，只要同一時間唔多過50樣就OK，可以續借3次，
又可以上網預約，由另一個圖書館送去你想要去借果個，
到咗會有email俾你，一日後就有得攞，好鬼方便，書同碟都可以預約。
我成日走去借D烹飪書同工藝書睇，又預約電影或劇集影碟。

花旗太太生活在花旗國，留意時差，你問我未必即時答到。

私人傳訊