DoDoMum 寫道:
我都想分享下我的所謂心得...
其實d 認圖card , 爹地都買o左成個月, 我都唔知, 一路放係
電視櫃頂封塵, 直至有一日, 我地發覺安穎睇書仔學既野, 今日學, 明天記得, (當然唔係樣樣都得啦, 如果係就變o左天材囉!) 所以試下比d 卡佢認下…初時佢都係”屈”同”玩”多d…我地都由得佢, 識就識, 唔識就算, 唔會迫佢, 只要佢有興趣, 佢就會學。
好似龍媽咁講, 用d 比較日常生活既習慣去教, “媽咪想食橙呀, 攞個橙比媽咪食啦” 因為平時我出街都一路比佢摸下不同既物件, 超級市場就最直接最多種類。
於是好多卡都唔駛特登教, 佢一望就有印象。
而家我全日湊住佢, 都係比佢玩同瞓多d, 我屋企玩具唔多, 佢而家鍾意玩書仔, 鍾意揭同問, 佢問我就教, 唔問由得佢。
尋日, 我煮野食, 見到有d雞蛋, 於是我攞o左隻真雞蛋比佢摸, 佢覺得好得意, 然後再搵張card比佢望下, 跟住放抵張卡, 將隻蛋煮熟, 係佢面前mook殼比佢食, 比佢知道係食得的。 再問佢蛋蛋係邊呀, 佢除了指住廚房擺雞蛋既位置之外, 還會係抬面攞埋張卡比我。希望我呢個經驗可以同大家分享下。
對我黎講, 我都係覺得小朋友應該玩多d, 無壓力去玩, 學野都係其次. 不過老老實實, 佢肯學, 我一定會教。
發表於 
返回列表
