呀四姐...哼,正一死蠢一個!(本人都想積d口德,不過真係唔多忍得倒佢!)
我都承認嚴b o向食奶方面非常之惡教,我都日日o向度摸索緊點樣令佢安靜地食多d奶、食得好d咁,次次有d新finding時我都即時叫四姐過o黎睇&解釋佢知點樣做會好d,佢次次都話:"係喎,明白..."但鑊鑊到放手俾佢餵時佢都攪唔掂,我一粒鐘餵上4-5安,佢攪粒幾鐘最多2安,有時睇見真係火都o黎埋,想一個奶樽車埋去....四姐度!老公叫我唔好咁燥,日頭時佢餵得唔好,咪唯有夜晚我放工番o黎時餵多d囉...我心諗:"不如叫個仔日頭唔好食,夜晚先食啦!"
又,佢成Q日都唔知自己做野o既先後次序,我同佢講明乜野都係次要,最緊要睇住d小朋友為先!呢樣野日日都同佢講,我都嫌自己口臭,但佢次次都做唔倒,好似有日出完街,入屋後o向門口佢幫大仔除鞋,正常有湊仔mind set o既人都知要照顧一個唔夠兩歲o既人仔有幾無定向風啦,佢幫呀仔除鞋後唔係先帶個仔入屋坐好,而係走去將呀仔對鞋仔襪仔執到整整齊齊先,而個仔就差d又走番出屋外...果日我終於丙左佢一鑊,重申聲明佢應該點樣將工作排列,點樣分清先後次序,佢又死狗咁樣...
呢條友仔,總之講果時佢就話明白,到做果時就半成都唔知有冇,又成鬼日冇記性,最簡單好似我叫佢記得bb訓o向床仔時要俾張被仔蓋住肚仔,提足佢一星期先做到!你話係咪想lin死佢丫!!
早幾日我先諗緊係咪要炒q左佢,我湊住兩隻仔仲要湊埋佢,真係好嘔血,但老公話佢第一次出城打工,又見佢開始有進步,要俾時間佢。但我仲有唔夠一個月就番工,真係好鬼擔心!!而家只係望呀嚴b生生性性,快d食得好d啦~!不過,我老豆會day day o黎幫手睇場o既。
發表於 
返回列表
