shw 寫道:
maru, what is the name of your doctor? Thanks.[quote]
maru 寫道:
我係養和做左差唔多大半年, 唔知係咪我先天條件唔好 (近視成千度), 定係醫生的問題, 我依家的近視已回升至125度, 散光約100度. 其實以我之前的近視黎講, 依家都唔算好差. 不過, 我就發覺雙眼好乾, 尤其係半夜醒左的時候, 眼球係"猛"得好緊要 (以前都係眼乾, 但無咁嚴重), 夜晚尤其係光線不足, 視野會比較矇.
之前散光多過未做同近視回升, 醫生無講詳細原因, 係度睇到話有d穩定視力的藥水, 同佢講佢千話"可以試試". :-(
最唔明的係未做之前我額外比左錢做wavefront 檢查, 呢個係特別針對深近視同角膜薄的人用, 點知, 我做完手術後, 咪佢係咪幫我用左呢個wavefront, 佢要睇番記錄, 然後竟然話無, 話我深近視, 唔想做得太盡, 驚以後無位再做. 依家要重做, 佢就話用wavefront可以做得徹底d, 不過要再檢查.
依家有d擔心, 我要下個禮拜覆診, 先決定咩時候再重做. 上次我做好驚, 驚到互渣雙手, 點知第二日又話角膜"起摺", 又黎多次....依家又要再做....如果唔係睇野矇, 我係好大機會唔做的....
講左咁多, 想問下各位有無人可以分享重做的經驗? 另外, 之前應該做d咩令雙眼係最好狀態做手術, 如不斷滴人造淚水? 我呢排成日要ot, 雙眼好攰同乾, 如無意外, 可能復活節前夕做.
唔該
發表於 
返回列表
