evamama 寫道:
小虎媽,
你太謙, 同一時間湊兩個會辛苦好多, 心理同精神的壓力係雙倍, 有時會有脾氣係人之常情, 我都會有,不過無俾你見到啫
小虎係一個好聰明的小朋友, 佢會因應你對佢的態度, 而俾相應的反應, 你對佢嚴苛佢會同你鬥硬頸, 你惡時佢亦都識嘈. 你對佢溫柔, 佢就會親你多d.
小虎佢反應好快, 個腦都轉得好快, 但有時個口配合唔到, 就會發脾氣, 可能唔高興自己講唔到, 亦可能唔高興點解大人唔明.
至正成日都講埋外星話, 我又無即時反應佢, 而發皮四, 咁我有時就去估, 估唔到就索性叫至正自己做, 或者抱起佢去羅唔知咩野咁, 跟住教番佢講, 最緊要就係讚佢可以講到個樣野出黎. 試多兩次, 佢就會知下次點做. 有時兩次唔得就四次, 再唔得就八次.
我好鐘意「斅學相長」呢四個字, 無論係工作, 家庭, 同教小朋友, 教同學的人都係互相學習, 從經驗累積, 我地要學點做好媽媽, 阿仔都要學點做好孩子, 過程中難免會有「蝦碌」, 但一定會經一事長一智, 我地大家都要努力學習!
發表於 
:mrgreen:
返回列表
