各位媽媽，好偶然見到呢個topic. 因為太多頁，我都冇完全睇哂，但係好想同各位分享一下。
我個仔都係早產兒，差不多33週，因為我胎盤脫落而大出血. 要開刀。我個仔出世時有2.5kg. 都ok. 但係因為呼吸唔好，當晚醫科醫生將佢送咗去瑪麗醫院，入咗深切治療部。因為我開刀. 而我又住嘉諾撒醫院. 我都未見過個仔就送咗去瑪麗. 到我出院先可以去見佢第一面。見到佢喺氧氣箱. 滿身插住好多喉, 兩邊面頰又貼住膠布.根本睇唔清個樣，但係見到佢成日都會笑. 我個心都好開心。
當時我個仔食奶好少同好慢，醫生叫我留人奶去餵佢. 但係我冇奶.每日去餵佢. 同佢沖涼. 抱下佢. 滿身儀器感覺佢好脆弱咁。
唔知好彩定唔好彩. 因為入咗深切治療而可以得到較詳細檢查吧. 發現我個仔個心有個"洞". 住咗差不多一個月. 出院後醫生轉介去葛量洪醫生睇專科. 當時係梁平醫生睇我個仔. 與此同時瑪麗都叫我個仔睇早產嬰兒科. 直到我個仔若六個月左右. 佢話唔需要再去啦. 因為我個仔好健康. 成長好好.
跟住無耐我個仔又有哮喘. 仲入咗醫院幾次.
到四歲覆診心臟科時醫生話個洞已經生埋咗啦. 唔需要再覆診. 真係好開心。
之後真係好小心湊佢. 俾好多保健食品佢食. 好感恩佢而家哮喘斷咗尾. 仲好少病痛. 而家十一歲有160cm高. 仲有係佢做咗評估. 佢iq有144.
我只係想同各位分享一下. 早產兒都可以好健康. 唔需要太擔心. 只要用心照顧就可以啦.
應當一無罣慮，只要凡事藉著禱告、祈求，和感謝，將你們所要的告訴神。
神所賜、出人意外的平安必在基督耶穌裡保守你們的心懷意念。
係喎... 我 B 都係瑪麗出世.. 佢哋都好似無咩嘢 follow up,每次去覆診都係醫生問吓我有無問題.對上一次就有人睇吓佢座企有無問題.. 其它嘢都無點做過,有次問過醫生佢就答如果 bb 無咩大問題就無嘢會 follow up ... 
發表於 
返回列表
