終於可以上嚟報告下情況，因為之前真係頂唔順咁辛苦，好多謝各位的關心同問候，今日係乳腺炎的第六日，終始叫做通番七八成，只係乳頭俾豬扒妹食到甩皮起水泡，仲係一啜就痛到入心。想番起最難捱係最初四日，頭兩日持續發燒，成個人好似完全虚脫，頭痛頸痛胸痛，總之就任何一度都痛，我幾乎起唔到床，最衰係第二日有份工要見，因為安排一日見六七個人，唔去等於放棄，硬住頭皮去，個房好侷，果Ｄ人全部着好少衫，淨係我又褸又頸巾，見得普普通通，應該都係唔得。結果我由星期二早退到星期五，總共三日幾冇返工，明日返工一定做死。
豬扒妹一向細食，我仲好擔心佢唔知夠唔夠力食通番Ｄ乳腺，一早同老公講咗如果豬扒妹搞唔掂，佢就要出口，佢話如果真係要佢一定會幫我，結果因為請假全埋身，一日六次加夜晚泵一次，慢慢真係通返。其實今次特别辛苦係因為Ｍ剛剛產後第一次嚟，個背部真至個hip痛到我彎唔到身，瞓唔到覺，仲要左手臂至左邊身郁親都痛，簡直渡日如年，我知要餵多Ｄ先可以通，但每次食都痛到不得了，唯有叫醫生開隻強Ｄ止痛藥。最慘係冇幾耐乳頭俾豬扒妹食到損咗，因為佢大咗好貪玩，一有聲就即刻轉個頭去望，個咀啜住我個乳頭一甩，想唔死都難，呢幾日就係損咗等結焦，結咗焦一餵或泵又損番，有次夜晚泵仲有幾滴血，搞到枝奶變咗粉紅色，我估豬扒妹都食咗唔少我Ｄ血同焦，而家我個乳頭唔只損，仲有兩個細水泡，想用針整穿，但因為太細，同醫生唔主張，我都唯有死頂住痛餵。醫生話我去得早，情況唔嚴重，叫我放心，佢仲俾個乳房專家的名我，話如果情況變差就即刻轉去。
我諗我都要觀察情況，睇下好唔好減產，做到收支平衡就算，真係唔想有多次乳腺炎，真正體會痛不欲生的感覺。
花旗太太生活在花旗國，留意時差，你問我未必即時答到。
我想要9999呀...
發表於 
返回列表
