吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› ㊣第九十屆自由講場國際學校校友會㊣

自由講場今日: 478|主題: 1361546

收藏本版

發帖

返回列表

跳至頁

樓主: lypoon

㊣第九十屆自由講場國際學校校友會㊣ [複製鏈接]

60 616263 64...151

wendykaka

翡翠宮

積分: 91289

好媽媽勳章畀面勳章

1221^#

發表於 09-8-5 22:31 |只看該作者

原帖由月希於 09-8-5 22:29 發表
我都未去過九龍站mouth: 要搭邊條線架?

香港站

私人傳訊

lypoon

水晶宮

積分: 60205

2018復活節勳章 hashtag影視迷勳章好媽媽勳章畀面勳章環保接龍勳章

1222^#

發表於 09-8-5 22:31 |只看該作者

原帖由月希於 09-8-5 22:29 發表

我都未去過九龍站mouth:mouth:" /> 要搭邊條線架?

東涌條線

私人傳訊

CICISASA

侯爵府

積分: 24890

1223^#

發表於 09-8-5 22:33 |只看該作者

原帖由月希於 09-8-5 22:29 發表

我都未去過九龍站mouth:mouth:" /> 要搭邊條線架?

月希去妳個Blog找不到資料...只見到相

私人傳訊

月希

珊瑚宮

積分: 119853

2024年龍年勳章好媽媽勳章畀面勳章

1224^#

發表於 09-8-5 22:34 |只看該作者

原帖由 jjwmkk 於 09-8-5 22:26 發表
o甘多位我瞓喇!!

諗起聽日大啫第一日返學又開心又緊張

我都好懷念...駿駿第一日返托兒所...好鬼開心..又緊張..worry佢會喊..點知佢鬼咁開心同我byebye

私人傳訊

月希

珊瑚宮

積分: 119853

2024年龍年勳章好媽媽勳章畀面勳章

1225^#

發表於 09-8-5 22:35 |只看該作者

原帖由 CICISASA 於 09-8-5 22:33 發表

月希去妳個Blog找不到資料...只見到相

你去左邊個blog?

私人傳訊

katherine612

公爵府

積分: 27320

1226^#

發表於 09-8-5 22:36 |只看該作者

無工人的日子,都幾忙呀

私人傳訊

月希

珊瑚宮

積分: 119853

2024年龍年勳章好媽媽勳章畀面勳章

1227^#

發表於 09-8-5 22:36 |只看該作者

台灣遊第一天
9am 出發去澳門機場
10.40am 起飛囉
12.30pm 到達台灣桃園機場
1.45pm 搭巴士去台北凱撒
3pm 搭捷運去淡水
7pm 搭捷運去士林夜士
10.20pm 返酒店囉

係澳門機場搭澳門航空既客機，連上機都要坐接駁巴士呢．

去到台灣機場啦，睇下出面果架就係我地坐既機啦．
其實班機12點半就到左台灣架啦，我地又唔係行得好慢，不過我地買好巴士飛後，重要等成個鐘先上到車呢太太太多人啦

大有巴士，由桃園去台北，成人只需要90玩（圖為上月去X-Japan演唱會時影的），小童45玩，另有一張貼紙，用黎認領行李的，沒有貼紙，就沒有行李．
比上次花多一倍時間，終於係2點45分左右去到酒店...不過未有酒店房丫最後唯有check in左之後放低行李係大堂，到晚上先返去拎房啦
搞掂d行李，我地就去搭捷運去淡水行街啦．因為我同婆婆有悠遊卡，所以只有仔仔一個要買飛姐．

台灣捷運既單程票係好得意既電子Coin，入閘用"DO"的，出閘投入閘口機內．

一去到淡水，仔仔同我地就開始不停咁食食食，食完東甩，又食腸仔，又食公仔蛋糕，又食炸蝦卷真係好多野食丫

經過一條勁多小食既街之後，就黎到shopping為主既大街啦．大家望到Sanrio嗎？我地係入面抽到件好靚既Hello Kitty衫呢

行下行下，我地就行左去小巷轉出去海邊啦，沿途有好多遊戲檔，最後不敵駿駿煩功，終於比佢玩左一個射槍遊戲．店主見仔仔細個，我地又係遊客，所以特別搵左支有紅外線既槍比仔仔容易描準，重幫手扶住仔仔等佢可以射中，最後，重送左個安慰獎比仔仔添

終於行到去海邊啦，後邊有船去八里果邊的，雖然我地好想去，不過今日唔夠時間呢

海邊既店舖，除左小量精品，就係大量既小食店同雪糕店呢...我地買左朱古力既雪糕之後先發現有香芋的，早知唔好咁急買啦不過我同婆婆都覺得，依D雪糕雖然好高好抵食，不過味道都比較淡．

回程去士林夜市前，婆婆指定要走上幾層樓梯，就係為左睇依間已經變成餐廳既紅樓
到7點左右，因為約左婷婷（老公的親戚），所以我地要快步去搭捷運到劍潭站呢．其實原本我們是約了6點半左右係劍潭站等的，不過後來我們覺得時間不夠就改到7點半左右
行完士林，10點鬆ｄ就返酒店囉．拎好房卡，就上房了．今次的房間比上一次的好呢

台灣遊第二天
10.15am 搭台鐵去瑞芳
11.24am 再轉台鐵去平溪
12.00pm 到達平溪
1.54pm 搭台鐵回程返瑞芳
2.30pm 轉台鐵回程返台北車站
3.30pm 到達台北車站,行陣街再買下午茶返酒店食
4.45pm 係台北車站一帶行街,一邊行去西門
7.30pm 係西門食晚飯
10.45pm 返酒店

一早去平溪觀光，放天燈...又要婆婆的意思呢．大約2,3個星期前，她就帶走了所有的旅遊書，說要計劃行程的...結果到起程前一天，她都只要告訴我要去這去那，問她怎樣去...她什麼都不知道呢結果要我上網盡可能的找找資料...最後發現去溪的火車班次有限，而且車程要好耐呢．又要轉火車，真係十分之麻煩，不過婆婆堅持要去....咪去囉．

一早9點幾就去到台北火車站，排隊買台鐵的車票，發現原來都沒有座位的，有座位的車票要等到12點幾．無辨法唯有買無座位的車票，希望上火車時會找到空座位．

買完車票，因為還有不少時間，我們就係台鐵本舖度睇下野先啦，婆婆重係度買左張木明信片寄番香港添．

準備上火車囉，依班火車係去瑞芳的，去到瑞芳，我地重要轉平溪線的火車去平溪．

搭火車時沿途經過的半間屋點解間屋拆左一半唔拆架呢？重岩岩好係火車度可以睇到入面既間格...我見重有唔少人會影相喎，唔通係一個影點？
大約11點鬆D就去到瑞芳囉，再買平溪線既一日週遊券，係11點26分就登上平溪線既火車囉

可以一日內無限次任搭的平溪線一週遊券，背面還有簡單的地圖介紹呢．不過講真，任搭都唔可能搭到好多次，因為班次有限，每班都要隔個多小時...

到達平溪站，有仔仔最鍾意既火車軌就係路邊，當然要影番張相先得啦

係火車站附近有一個小地圖

搵到放天燈既店啦（其實周街都係），揀好一間，揀好要放既天燈顏色，就可以係上面寫上自己既願望啦

準備放天燈囉
放完天燈，當然係搵野食同周圍行啦，係放天燈旁見到有條水道，又見到好多人釣魚，所以我地就落去睇下魚啦．

落到去先發現，其實條水道有好多油呢，不過又真係好多魚係度喎．
離開前我地係一齊手信店見到有木明信片喎，所以仔仔又做左一張呢．店員說只要附加郵費，她們就會代寄．

寫好左既明信片，唔...其實唔係寫好，係印好先岩，因為成張明信片都比我地印滿當地既特色印章．
趕上1點54分既火車返瑞芳，點知去到瑞芳前一個站就要落車啦...重唔夠時間買火車票返台北，搞到我地要去到台北車站先補票補票要比多50%架，搶錢丫我地跑得去第二邊月台上車，都唔夠時間買票...點解唔set多少少時間，咁人地先買到票架
返到台北，我地先係中山地下街行左一陣，就去左旅遊紹既Berry Milk買蛋糕買酒店休息同食下午茶啦．

依間就係Berry Milk啦，睇係幾靚既，不過...蛋糕真係好一般，沒必要試囉
食完下午茶，休息完，我地就出發由台北車站一直行到去西門啦，途中都好多野睇，未行到去西門都買左唔少野架啦

跟經中山堂，果度有個大廣場，好多人係度玩單車，滑板咁架，重要大家都好勁，單車單輪行又可以不停咁轉圈，滑板又跳下跳下咁

行到去西門町囉，先去左只有假日先會有既市雜，係正西門紅樓前的，都幾多特色野睇．

離開西門町前，婆婆買左一串雞屁屁食呢

依隻會開口既怪獸熊，係仔仔今個假期最鍾意既收獲呢

台灣遊第三天
9.30am 出發去 Baby Boss
10.15am 到達 Baby Boss
7.00pm 離開 Baby Boss
7.15pm 係京華城度食晚飯
8.10pm 出發去士林夜士
11.20pm 返酒店

今日一整天，我計劃左同仔仔去Baby Boss度玩足全場，晚上再去士林最後Shopping呢．不過因為未有接駁巴士，我地搭巴士又Miss左個車站，所以最後遲左去到BabyBoss呢

仔仔選既第一個job係太空人丫，玩完遊戲重有得戴住花圈出黎同父母影相

第二個Job係休全公司呢，哈，因為佢係第二個大既小朋友，有得負責拎錢箱丫，話時話，佢身邊果班鴨仔真係好過癮

第三個Job係交通警，本來以為好無聊架，因為有好多時間都係係警局入面唔知做乜，不過原來最後係會走出大街玩架，好搞笑的．
第四個Job係真係十分之悶既可口可樂，入到去完全只係聽過職員講野，不過玩完就有支飲品囉．
第五個Job係冇得影相既礦工，家長只能睇電視望到佢地做乜咋，不過仔仔話幾好玩架喎，佢搵到5種色既寶石丫．

第六個Job就係渣牛奶啦，依個仔仔睇網頁時就話要玩架啦，不過玩完後佢話我知，渣出黎果ｄ都唔係奶黎既，水黎架咋哈，哈，唔通真係比隻真牛佢地渣咩....

第七個Job就係急救員啦，其實本來佢係排外科醫生條隊架，不過之後佢同我講話係要玩有得坐車架喎，好彩當時急救員重未係好多人排隊，佢就即時轉隊囉

第八個Job就係消防員啦，又係有得坐車去到一個地方先救火

第九個Job，最後一個Job就係機司啦，仔仔著起套衫又幾有型喎，重有個手提包拎架

係Baby Boss入面，每做一個job都會有10蚊Baby Buck的，玩完後可以去百貨公司度用Baby Buck黎買禮物架，仔仔就用佢地買左Baby Boss既地圖一張，同一個小小熊貓公仔啦
玩完Baby Boss，我地食埋Dinner後就出發去士林夜市囉，仔仔玩左成日眼瞓到暈，一上火車就扭瞓啦，最後我抱左佢幾個站去到劍潭先叫醒佢呢真係抱完佢，對手同條腰都叫救命丫．不過晚上係士林買左好多野，又真係好鬼開心喎

台灣遊第四天
11.30am 係Hello Kitty Sweet Café食午飯
12.30pm 由忠孝復興站既地下街行去忠孝敦化站
1.30pm 防空演習到2點正
2.00pm 行去糖村買牛奶糖
3.00pm 搭捷運返台北車站行街
4.30pm 返酒店拎行李
5.10pm 上巴士去桃園機場
6.00pm 到達桃園機場
今日係最後一日啦，我地一早10點幾先係台北車站既捷運精品店度買左紀念品先，之後就搭捷運去忠孝復興站既Hello Kitty Sweet 度食午飯啦．

行過便當舖見到有可愛既蝦壽司妹妹係門口呢．

Hello Kitty Sweet內外都咁靚，食品都OK，不過可惜，我食過2次，之後都肚痾有機會想再試一次，如果都係肚痾...就唔會再去囉

食完lunch，我地就沿住忠孝復興到忠孝敦化既地下街度行街啦

行到尾段（近忠孝敦化站）見到有段街叫做幸福什麼的，前面還有2隻幸福小雞．

正當我地想上路面行去糖村買手信時，突然就響起警號防空演習丫，真係麻煩啦，唯有係地下街逛多半小時，到2點先可以上地面去買野呢．

買完野返到台北都係3點左右，我地當然唔放過時間，繼續係台北車站附近shopping啦，一直到4點半左右先返去酒店拎行李，再執好今日既收獲入行李．先慢慢行過去巴士站搭巴士去機場呢．

由台北到機場，我地係搭國光客運的，需時大約50分鐘，真係快呢成人每位125，小童65

去到機場，拎埋Boarding Pass重有大把時間，仔仔見到有個遊樂場就沖入去，入到去先知120CM以上唔玩得，不過冇乜人，就由仔仔玩一齊啦，反正佢都唔係高好多之嘛