親子 收藏於 2009-09-19
成日以為用沸水沖奶啲奶粉會易溶啲，有助BB吸收，點知錯晒錯晒！有個做護士嘅媽咪同我講，太熱嘅水溫會破壞奶粉中嘅蛋白質及維他命等，BB飲咗等如無飲，因為大部份嘅營養都已經變質，不可讓BB吃過熱的奶，會燙傷口腔及食道，開奶時凍熱水的比例大約是1/4熱水和3/4凍水。如果熱水沒有98度，便要再調節熱水和凍水的比例了。最好用40℃～60℃的水溫開奶，而開奶時應該先加水後加奶粉，這樣量度會較準確，不會因加咗奶粉後，影響水嘅容量，然後才加入適當分量嘅奶粉，奶粉便會完全溶解，不會結成一團團。調校好嘅奶奶應立即飲用，以避免受空氣細菌污染，如BB如不能一次飲完支奶，應用約六十度嘅暖水浸住，繼而在九十分鐘內飲完，超時就要立即倒掉，因為室溫貯放奶奶越長，養菌及破壞營養嘅機會越高，均對BB造成肚瀉危機。 講到用奶匙搯奶粉，可用奶粉罐邊刮平，避免奶粉過多。但要留意不應把裝滿奶粉的奶匙在罐邊敲，以為這可把多餘的奶粉拍下來，這動作會減少奶粉在奶匙含量，變相已開奶時已稀釋奶奶濃度。而搖奶時要用雙手向左右旋轉搖勻，不要太急太大力，避免產生太多泡沫。切忌把奶樽蓋擰太緊，因為空氣不能透過氣孔進入奶樽，形成氣壓不勻，BB係吮不出奶或者令奶咀壓扁。選擇奶樽應採用 PPSU 塑膠製造，不含雙酚Ａ(BPA)，不易碎裂，輕巧耐用，可用沸水、蒸氣煲、藥液或微波爐方式消毒嘅無害奶樽，就算用熱水沖、蒸、焗都不會釋放致癌物質，我首選牌子係Chu Chu，因為連日本皇室都用佢。 最後忠告，切忌自行增加奶粉濃度及添加輔助品。這樣會增加嬰兒腸道負擔，導致消化功能紊亂，引起便秘或腹瀉，嚴重會導致壞死性小腸結腸炎。 親子 收藏於 2009-07-20
以前天氣炎熱，狂飲水都覺口淡淡，有時兼飲果汁、汽水，又攪到一嘴甜「爺爺」，有朋友介紹飲唔太甜概蜜糖水，的確清潤無比，我在懷孕時更簡直當水飲，但啱啱生完BB時，正係春天，就無再飲飲蜜糖水解渴。 我是個母乳主義者，起初餵母乳都無事，但到咗BB三個月時，剛踏進炎夏，我開始飲番蜜糖水，連飲咗兩日，BB突然連續肚痾咗兩日，真係大人痾水嗰種，又唔肯飲奶，成塊面由白裡透紅，變到紫紫青青，即刻去睇醫生，到診所時，連啲姑娘都覺得奇怪，咁細個好少有肚瀉，見到醫生，佢就詳細問我嘅食物清單，跟住就話BB係腸胃炎，原來我飲咗蜜糖水，蜜糖中擁有大量抗體，透過母乳餵給BB，令腸道敏感，殺死大量協助消化奶類蛋白質的益菌，所以誘發肚瀉，依家仲嚴重缺水，要戒奶一星期，養番多啲益菌，現時只能飲啲加入少量鹽嘅稀釋米水充飢。 —返到屋企唯有照做，BB雖無再肚痾，但飲米水又點夠飽，好辛苦過咗一個星期，BB總算叫好番，眼見阿B足足瘦咗成個碼，真係好心痛，後來返診所覆診，醫生話餵母乳要比較小心，因為媽咪食嘅就等如BB食到，雖然要戒口嘅食物不多，例如含有咖啡因及大量色素的食物，但好似今次咁，一中招都幾麻煩。 除了BB辛苦，最慘就係我無餵人奶成個星期，啲奶水質素急劇下降，難擠出之餘亦感到無咁濃，以前每次餵半個鐘，可再隔兩個鐘先再餵，但BB好番後，每隔一小時就不斷哭泣要再食奶，希望我同BB都快啲回復番到真常狀態。
發表於 
...
mouth: 
返回列表
