Re: 將軍澳年輕媽媽聊天空間
hi hi everybody, 我出場啦.
開始放假之後都無乜時間online.
我家細佬係8/23出咗世啦, 7磅3.
等我講下生仔過程. 真係好感謝神, 我整個生產過程真係好順利, 又好快. 我個日結果4點落樓搭車入院, 個時晞晞午睡緊, 其實我好想等佢起身同佢講聲, 不過又驚近放工時間會塞車, 所以都係出門口, 個時都唔係好痛. 去到醫院, 攪完手續, 姑娘幫我check, 話我已經開咗3度, 比我即刻入產房, 佢仲問我打唔打止痛針, 我見都唔係好痛, 咪話唔打住, 跟住過咗15-20分鐘, 我覺得痛咗好多, 就同姑娘講想打針, 點知佢check完話, 而家已經6度, 好快生得, 醫生話唔好打啦. 我即刻呱呱叫, 點解唔早d話我知, 過咗無得打, 好唔抵. 我上次生晞晞係打咗止痛針個零鐘就生, 今次無打, 真係痛好多. 我真係開得好快, 細佬6:29pm出世, 醫生都估唔到, 如果佢早d到, 我諗可以早d生添呀.
係醫院第1次抱細佬, 個感覺好親切, 好似當日抱晞晞一樣. 細佬我都覺得有小小似晞晞, 不過skin黑好多, 成個朱古力BB.
我地27號出院返home, 晞晞見到細佬好開心, 成日摸佢, 又攞d玩具擺佢隔離, 話同佢玩. 初步佢looks like好接受細佬.
今次始終第2胎, 樣樣都叫做有經驗, 所以暫時都唔係好混亂, 我精神狀態仲好正常
過咗12朝, 歡迎你地黎睇細佬, 你地到時話我知.
你和我是天父愛的創造 每個人有最美的夢想
一路上彼此照亮 扶持擁抱 我們的愛讓世界不一樣
我們愛 因神先愛我們
雖你我不一樣 我們一路唱 走往祝福的方向
我們愛 因神先愛我們 心再堅強也不要獨自飛翔
只要微笑 只要原諒 有袮愛的地方就是天堂
發表於 
返回列表
