大仔大女媽媽會

收藏本版
發帖
返回列表
跳至頁

首頁
6061626364...101

尾頁
   0
VVbaby


男爵府

積分: 5505


1221#
發表於 06-4-6 11:01 |只看該作者

Re: 1103媽咪會-Chat Chat Room(Part 13) - Feb 06

[size=medium]Dear all
我都未病好, 又到希希豬病左啦, 星期日晚開始發燒, 斷斷續續到今朝都仲燒緊, 睇見佢就慘啦, 成日都話食奶奶, 但一食落口就咳, 跟住就話:[食唔到呀!], 然後就成支冇食過, 又冇晒心機, 希望佢今日好d啦! :-(
私人傳訊

cherrylung


男爵府

積分: 6150


1222#
發表於 06-4-6 11:02 |只看該作者

Re: 1103媽咪會-Chat Chat Room(Part 13) - Feb 06

11月媽媽 寫道:
算啦,全識係咁架.好易就 煲返d清補涼先得


[size=medium]11月媽媽

哈哈哈~~~,唔通容易扯火係全職媽咪o既通病

泳欣雖然生得細細粒粒,但係佢就好鬼老老積積,所以好多時我都會當佢好大個呢~~ Kelly仲慘,我直情當佢係大人添
有時我都覺得自己對佢哋要求高咗D,其實佢哋都仲係好細個,好多時都會做錯事,但係當屋企大把家務等住我去做,而佢哋又好唔生性咁過番兩招兼嘈住曬時,我就一定忍唔到會"醒"佢哋呢

[size=medium]VVbaby

而家呢D天氣好潮濕,真係好多菌
希希豬飲唔到奶,咁食唔食到飯呢?
細路有病,真係好肉赤兼煩呢
今日我都會同佢兩條友仔去睇family clinic,泳欣就好多眼膠,黃cam cam咁,朝早開唔到眼,因為D眼屎乾咗,好似膠水咁黏住對眼,一瞓醒就鬼殺咁嘈,因為開唔到眼,而Kelly就久咳未清,要去覆診~~ 香港D空氣真係越嚟越[size=large]"差"
屋企o岩o岩換咗部Rasonic空氣清新機,希望有D幫助啦!

[size=medium]ahpei

long time no see la~~

我屋企成日都有兩個帶菌者,佢哋成日對住我咳,攪到我有時都會覺得頭慶慶,有時會喉嚨痛,但我一發覺有少少唔妥,就會連飲幾日"維多C",都頂得住下o家,你有冇飲開維多C呢



[size=medium]wahcarol

講開好耐冇見,其實有好多1103舊會員都冇留腳毛,可能佢哋都會上嚟睇o下,但係就唔出聲呢~~,好多人我都好掛住呢~~

計有 : baby111,CriCri,菜菜子,babysing,妙兒,yuling,阿花,mimiip,veronica,萬樂珠,conniechung,包B,sin神,twinsma03,羊媽媽............

而serenacheung,nov03bb,貝貝,phoebe^^,ophelia,間中都見到佢哋留言,但係都少咗好多lu~~

你都係稀客一名呢
善熹張新相好靚囡呢 頂帽係唔係你織o家
私人傳訊

nov03bb


大宅

積分: 4095


1223#
發表於 06-4-6 12:05 |只看該作者

Re: 1103媽咪會-Chat Chat Room(Part 13) - Feb 06

[size=x-large]腳毛~~!!!

舊工人原本昨晚返, 點知甩底, 希望今晚會見到佢, 否則下次再來香港搵食, 我就咀咒佢撞飛機死




[size=xx-small] :
私人傳訊

VVbaby


男爵府

積分: 5505


1224#
發表於 06-4-6 12:56 |只看該作者

Re: 1103媽咪會-Chat Chat Room(Part 13) - Feb 06

[size=medium]cherrylung
唉, 希希豬今次病, 都唔知係咪俾我傳染到, 不過, 今次起得好快, 可能就係咁對住希希豬冇咩避忌, 所以佢又中招啦! :-(
咁當佢退左燒果陣, 佢都識玩下既, 都肯食下粉, 飯之類既食物, 雖然唔食得多, 但都好過咩都冇啦, 真係成個病貓咁樣, 一到入夜又再黎燒過, 食左退燒水同塞肛都唔會退晒, 要到半夜3,4點左右, 出一身汗, 咁就退左啦!
最嚴重都係星期二晚, 燒到104度呀! :-(

好彩希希豬雖然病, 但都仲識攪攪陣, 尋日同佢換衫出去返99到, 佢一見到條褲, 就話:[我要著裙裙呀!]
咁好啦, 就拎過條裙俾佢啦, 點知, 佢見到條裙之後, 又話:[我唔著短裙呀, 我要長裙呀!]
呢個靚妹真係玩野, 邊有長裙俾佢著, 條條都係短架啦, 不過係都要玩下我地之麻!:tongue:

點解泳欣咁多眼膠既? 咩原因呢?

近排個個都病, 連我99都病左, 好彩佢都好番好多, 就連我老公都話, 喉嚨都好似乾乾地, 有d唔妥呢! 等我都叫佢飲番d"維多c"先! :wink:

私人傳訊

cherrychung


大宅

積分: 3820

醒目開學勳章


1225#
發表於 06-4-6 13:09 |只看該作者

Re: 1103媽咪會-Chat Chat Room(Part 13) - Feb 06

mandymfl,

Matthew仔佢搭校車因為是頭站關係所以7:40分上車8:30到學校,你話佢幾可憐呀! :-( 而佢地k1是9月4號開學k2同k3就9月日日開學話方便照顧新生喎.

nov03bb,

你舊個工人尋晚無返的原因會否是你對新果個工人好好所以佢有d唔高興因此.......要嚇下你呀!

Dear all,

lee d天氣真係好麻煩呀,著多d又熱餐死著小d又會冷親,所以大家都要小心身體呀!
＊歡迎參觀Matthew　blog＊
私人傳訊

11月媽媽


大宅

積分: 1510


1226#
發表於 06-4-6 14:45 |只看該作者

Re: 1103媽咪會-Chat Chat Room(Part 13) - Feb 06

vvbaby,
輪到希希豬打敗仗 :-( 醫生話近期流感要燒幾日,放心一定會好.個過程真係好痛苦!)愷然上次燒5日.3日高燒.TOUCH WOOD佢冇咳.因為同cherrylung2件活寶貝同時病,見佢d女仲有咳,所以要加倍注意.希望希希豬快d好返晒啦!
我見愷然一病好(未清晒)我就開始煲水果湯.每日煲煲足一個星期.跟住就開始其他好似鮮百合/鮮准山之類.我唔敢停湯,因為我個護士朋友話湯水真係好有用.

cherrylung,
眼膠多係咪熱氣呀?!
一日24小時對住佢地唔嬲都難啦!所以扯佢地火係又直接有效既發洩途徑
私人傳訊

wahcarol


別墅

積分: 861


1227#
發表於 06-4-6 14:53 |只看該作者

Re: 1103媽咪會-Chat Chat Room(Part 13) - Feb 06

cherrylung

頂帽更係唔係我織啦，我都想，買左d冷，都未織過！
講起病，我同善熹前前後後都係咁病，來來去去都係傷風感冒，唔係就咳咳，自己病又怕傳染佢，唉！
私人傳訊

sandylam


大宅

積分: 2640


1228#
發表於 06-4-6 15:34 |只看該作者

Re: 1103媽咪會-Chat Chat Room(Part 13) - Feb 06

野兔,

Thanks!!
如果我去, 都係去到門口先買, 多人就去迪欣湖行下算, 不過怕湋圖去到門口唔放過我
有冇人都會星期六去, 睇下見唔見到?

CKBBQ
我都好似同野兔同一部 同model.

wahcarol,
善熹大個左好似你呀!!

cherrychung,
湋圖未又係..下午返1:35..上車時間係12:11 (1個鐘零20分鐘)..死未...我仲住咁近添. 點攪!
私人傳訊

wahcarol


別墅

積分: 861


1229#
發表於 06-4-6 15:49 |只看該作者

Re: 1103媽咪會-Chat Chat Room(Part 13) - Feb 06

善熹越來越野蠻，成日唔鍾意、唔喜歡就話"唔愛你，你走"，成日喊，激死人，好大脾氣，可以點？
私人傳訊

sandylam


大宅

積分: 2640


1230#
發表於 06-4-6 16:10 |只看該作者

Re: 1103媽咪會-Chat Chat Room(Part 13) - Feb 06

我都想知, 而家教小朋友, 好頭痛, 湋圖好有自己意思, 好硬頸, 我想知我應用乜態度教佢.

例子一
沖完涼, 例排扭計唔箸衫, 但佢冇野扭, 只係唔想箸, 我會先tum, 再引開佢注意, 但好多時都唔得, 要我我老公會用間尺 or 雞毛掃兇佢...雖然我覺得唔好, 加上我唔想比姐姐睇到, 怕佢照做, 但又好似得呢個方法得, 有冇計??
我老公又話我仲個仔...點呢?

例子二
我地好多時會tum湋圖做野, 例如, 執完玩具食餅餅, 但湋圖係d出左糧先做野既人...即食左先做..佢又唔會食左唔做, 但一定要我地比佢食左先~
又有一次, 要出街, 要箸鞋, 湋圖都想去既, 但又好想玩多陣藍球先出門口, 我地唔埋佢, 佢都要去入一次籃先走過黎我度箸鞋...同佢玩寶齡, 如我話一人一次, 佢一次去玩2次先比我...我覺得湋圖唔應該圖咁, 有冇方法可以指教下? 因我覺得唔可以乜都比佢控制, 但又唔對湋圖好...
私人傳訊

11月媽媽


大宅

積分: 1510


1231#
發表於 06-4-6 19:16 |只看該作者

Re: 1103媽咪會-Chat Chat Room(Part 13) - Feb 06

sandylam,
個人見解,希望同你分享0下.so far愷然都好乖好聽話.因為佢阿媽好硬凈好堅持,所以有時佢都幾慘!!
我覺得每個小朋友既硬頸程度都唔同.唔駛頭痛,過左過渡期就會好,放心!有d小朋友trouble 2在1.5,有d在2.更有d在2.5先出現<--睇書講--但我地抱既態度都要一致.唔好一時一樣.好似如果我地趕時間要出門口,一味催佢地.但佢地係冇時間觀念,唔知快慢既真正意義.每當佢發脾氣,你要分散佢注意力.有一招幾好,就係熄燈.燈一熄同佢講要乖先會開返.開返當然係馬上同佢著返衫,一邊著一邊唱歌或up3up4.你會發覺你愈惡鬧佢佢亦會愈惡.
先出糧後做事係人都想.不過真係要花少少時間比佢知你真係唔比佢.你可以試下同佢講做完野可以食多dd.比佢睇到平時幾多,今次佢合作有幾多去吸引佢.一開始佢一定會反抗.不過你企硬佢應該會知死.唔做就冇,睇你點.又或者做完食野+一樣小玩意i.e.chop or sticker之類.
對愷然我係好ok,因為我full time對佢,所以佢郁下條尾我都知佢想點.但你地要返工,教得黎又交比工人縱,係有d出入.努力加油啦!!

愷然例子1~~~慢吞吞出門口
有次同佢出去要坐shuttle bus.佢慢慢著鞋摸東摸西,終於miss左班車.去到車站我同佢講,因為佢唔乖乖合作所以車車走左唔等我地.跟住同佢等多半個鐘.佢好記得,之後每次出街就算坐daddy車都會好合作收好野,著好鞋,企定定等我地仲會邊著鞋邊講:"要快D喇,車車唔等我地架".

愷然例子2~~~喊要幫手做推抽濕機入房
有時唔記得佢要幫手就做左冇等佢.佢就喊到死死下.我會同佢講我已經做左,下次再請佢幫手.佢會喊但我唔會理佢.仲同佢講要喊要去某處,喊完我會同佢玩同kiss佢.佢真係好快就收聲死死地氣行埋黎要我錫返.下次再推時我一定會同佢講:"今次媽咪記得請你幫手喇.係咪?"
ps我老公會將部機推返入去比佢推出黎了事.我已經stop佢架喇.

sandylam 寫道:
我都想知, 而家教小朋友, 好頭痛, 湋圖好有自己意思, 好硬頸, 我想知我應用乜態度教佢.

例子一
沖完涼, 例排扭計唔箸衫, 但佢冇野扭, 只係唔想箸, 我會先tum, 再引開佢注意, 但好多時都唔得, 要我我老公會用間尺 or 雞毛掃兇佢...雖然我覺得唔好, 加上我唔想比姐姐睇到, 怕佢照做, 但又好似得呢個方法得, 有冇計??
我老公又話我仲個仔...點呢?

例子二
我地好多時會tum湋圖做野, 例如, 執完玩具食餅餅, 但湋圖係d出左糧先做野既人...即食左先做..佢又唔會食左唔做, 但一定要我地比佢食左先~
又有一次, 要出街, 要箸鞋, 湋圖都想去既, 但又好想玩多陣藍球先出門口, 我地唔埋佢, 佢都要去入一次籃先走過黎我度箸鞋...同佢玩寶齡, 如我話一人一次, 佢一次去玩2次先比我...我覺得湋圖唔應該圖咁, 有冇方法可以指教下? 因我覺得唔可以乜都比佢控制, 但又唔對湋圖好...
私人傳訊

VVbaby


男爵府

積分: 5505


1232#
發表於 06-4-6 23:50 |只看該作者

Re: 1103媽咪會-Chat Chat Room(Part 13) - Feb 06

[size=medium]11月媽媽
Thanks! 今日一早再同希希豬去睇郭e生, 開左d抗生素, 轉左d藥, 放工返去睇希希豬, 已經好左好多啦, 成個生晒, 計埋今日, 佢都足足燒左3日幾啦, 有兩晚高燒呀, 希望佢聽日冇晒事啦!

我好認同你教凱然既方法, 但好無奈地, 我真係冇辦法做到, 除非希希豬得我一個人湊, 得我一個人教, 咁就真係冇問題啦, 但可惜唔係呢, 我講10句, 都唔夠我99講一句, 雖則我99唔會當我地面前幫住希希豬, 不過, 當我地返工既時候都係就晒佢多, 所以好難實行你既方法呢!

不過, 分散注意力呢招, 就應該個個都做到, 真係好有用架, 我一初都忍唔到, 佢唔聽咪鬧佢囉, 但真係發覺越鬧情況就越差, 搵其他野引開佢注意力係一個好好方法, 當然啦, 個個小朋友都唔同, 好似希希豬咁, 如果用熄燈既方法就唔多掂, 因希希豬好鍾意, 仲會俾佢玩多幾玩添, 一時間我就諗唔到搵咩引開佢, 因為次次都係隨意, 求其同佢講樣野, 咁一路講就可以一路做佢要做既事啦!

[size=medium]sandylam
湋圖係出左糧先做野既人, 咁希希豬就係出左糧先食飯既人啦, 次次氹佢食飯, 都係要講數, 總之就食左佢鍾意食果d先, 又或飲左一啖汁汁先, 最初都同佢企硬, 佢唔食就咩都冇, 但佢又真係做得到, 情願唔食, 所以依家都屈服左, 俾左甜頭佢先, 好彩佢都肯聽, 跟住都會食飯既!
私人傳訊

ahpei


大宅

積分: 1109


1233#
發表於 06-4-7 01:01 |只看該作者

Re: 1103媽咪會-Chat Chat Room(Part 13) - Feb 06

Dear cherrylung,

我而家每日都有飲維多C, 費事個仔惹番比我, 我又惹番比佢 ~~飲左又真係好D喎...

Dear VVbaby,
祝希希豬早日康複∼

Dear Sandylam,
關於例子一
沖完涼, 例排扭計唔箸衫 ~
衍霆都會咁, 但情況唔嚴重, 佢通常都除左毛巾去黎走去唔肯比我著衫, 我會同佢講, 再唔著衫會凍親, 凍親會點呀咁問佢, 佢就會話要睇醫生, 睇醫生要食藥同埋無得去番學玩, 無得去街街, 一路講野等佢掛住聽你講野時就"笠"件衫落去,其實都係分散佢注意力, 都work架, 我個人覺得好過嚇佢, 等佢大d覺得你地未必下下都會打佢時, 佢唔再怕亦無用, 同埋我唔鐘意攪到哭哭啼啼, 你可以試一試, 如果唔得, 改為講故事都可以 ~

例子二 ~
我地都會用美食(如糖) tum衍霆做野, 但佢食左都唔會做, 講過唔萛數. 所以我會要佢做左先有得食, 例如果日無食晒D飯, 我一定唔會比生果佢食, 如扭計, 我話 "因為你唔食晒d飯, 我地全家人都無生果食" 佢第二日就會乖乖咁食晒D飯, 仲話"我食晒d飯啦, 有生果食" 但一定要應承佢做到.

另外出門口問題, 我地會同佢講" 你行得未呀? 你唔行我地出門口架啦" 要真係出門口咁, 佢以為我地真係走唔理佢, 佢又會乖乖咁出門口. 如果唔得, 可以同佢講你地將會去邊, 唔快d出去就會無得玩XX, 無得食XX, 比人食哂XX.

希望幫到你 ~

ahpei
阿皮日誌

衍霆豬囉檬之家
私人傳訊

szesze.betty


大宅

積分: 2245


1234#
發表於 06-4-7 10:25 |只看該作者

Re: 1103媽咪會-Chat Chat Room(Part 13) - Feb 06

Dear all:
我星期二去左照,不過BB唔想比我們知道佢係仔/囡,一直盤膝而坐,我地都照左成8分鐘,諗住照完頭仔再番去睇,點知佢仲未轉坐姿,醫生叫我們當她係囡,因為到時係仔係囡都會開心d.
另外,問左醫生都話可以係19/20週驗血check唐氏.
私人傳訊

野兔


大宅

積分: 1511


1235#
發表於 06-4-7 11:32 |只看該作者

Re: 1103媽咪會-Chat Chat Room(Part 13) - Feb 06

早晨,
我都是用ahpei 的方法.
私人傳訊

poonhui


大宅

積分: 2476


1236#
發表於 06-4-7 12:43 |只看該作者

Re: 1103媽咪會-Chat Chat Room(Part 13) - Feb 06

Dear all,
教細路真係一門好高學問, 除了要運用大人智慧, 仲要考埋我地技巧同EQ, 同佢地成長真係要鬥智鬥力, 哈哈.....
亨亨都一樣, 佢都鐘意沖完涼唔著衫, 會9秒9擺脫包裹佢的大毛巾, 然後4處走, 有時光脫脫走上窗台望街, 真係激C人! 不過我都好似你地咁, 同佢講東講西, 佢又忍唔住口咁搶住答你, 咁就乖乖就範架喇, 我都讚成用軟功始終work的!

szesze.betty,
唔緊要, 下次照到先話我地知, 仔女都無所謂喇, 至重要都係bb健康!

sandylam,
我早兩日去了disneyland 人唔多, 亨亨都扼了好多貼紙.
餐廳又唔迫, 平日去好好多!
私人傳訊

CKBBQ


大宅

積分: 1991


1237#
發表於 06-4-7 14:04 |只看該作者

Re: 1103媽咪會-Chat Chat Room(Part 13) - Feb 06

Dear all,
呢個階段真係又可愛又可怕.
翹翹so far 好彩都唔會沖完涼唔肯著衫, 最多都係唔肯上水, 但都係扭一陣, 佢亦大多數肯跟我地d指示做, 或許佢知我同daddy都幾堅持, 佢係扭唔到的. 但呀公同呀婆就慘囉, 俾佢食住上, 由其是公公, 扭到佢暈, 無計, 佢扭兩扭就俾. 所以翹翹係公公婆婆處係曳d架! :evil:
我諗到有一兩點係大家都要彼此學習同提醒:
1) 堅持, 要言行一致
2) 言教不如身教(咪誤會意思唔係打), 係以身作則, 細路的言行好多時都係copy 大人, 所以佢地做出/講出d異常行為同說話, 有時真係要諗諗佢係邊處學番黎聽番黎, 抖正佢地之餘, 亦都要提醒自己/日常湊佢地既人, 免得重蹈覆設.
一齊學習
私人傳訊

szesze.betty


大宅

積分: 2245


1238#
發表於 06-4-7 15:20 |只看該作者

Re: 1103媽咪會-Chat Chat Room(Part 13) - Feb 06

CKBBQ
我都好同意你話以身作則,所以我成日都提醒自己及家人要小心自己的言行,好多時小朋友睇睇下就會學架.
仲有我會教童童,唔係每個人做的每樣事情都係arm.而係要睇下件事係錯/對先得,雖然好似深左d,希望講多d等佢明白多d.

poonhui
遲d可能都會再照,知道再講比大家知啦!
私人傳訊

mandymfl


男爵府

積分: 7300


1239#
發表於 06-4-7 15:32 |只看該作者

Re: 1103媽咪會-Chat Chat Room(Part 13) - Feb 06

all,

你地講左咁多教仔方法, 我收左好多落袋啦!

係, 以身作則好重要, 有一次抱盈盈過馬路, 未轉燈就過, 盈盈即刻同我講:媽媽無綠色公仔! 於是立刻同佢講: 係喎, 媽媽傻豬豬, 無睇到有無綠色公仔添, 媽媽唔arm! 之後每次同盈盈過馬路一定會等到綠色公仔先過!

私人傳訊

ivybibi


男爵府

積分: 5570


1240#
發表於 06-4-7 15:49 |只看該作者

Re: 1103媽咪會-Chat Chat Room(Part 13) - Feb 06

All,
趁珈瑋仔瞓左，我又做晒的家務上黎留下言先得!﹝我未溫書﹞

珈瑋仔近日真係好乖，原來佢都幾愛我的，每日我接佢放學，佢都好開心咁見到我即刻要抱抱同kiss，不知羨慕幾多人，hahahahaha~~。佢仲要無飲夜奶，一覺瞓到天光，只不過真係好反瞓，好似打風咁，好多時仲會跌左落黎我張床度﹝子母床﹞，要我抱返佢上佢張床度。仲有仲有~~佢肯食我煮的野，仲餐餐都食晒添，工人唔係度，珈瑋仔唔會瘦左lu!﹝之前我老公成日串我，話珈瑋仔肯定係呢半個月會瘦晒，而且叫我買多幾tins奶粉添!

呢幾日我無變Panda，而且湊珈瑋仔同家務都暫可應付，全職媽咪生活，好鬼Enjoy!﹝不過我都係鐘意返工多的。﹞唔知過左呢16日之後，珈瑋仔會唔會唔捨得我呢??

p.s.近日發現原來我工人真係好勁，屋企真係好乾淨，所有地方都真係無塵，包括的sofa底牆角，床下底等。原來我真係請左一個好工人。﹝佢放完假返黎唔知會唔會覺得我呢個mum好污槽呢?hahahahhahaha~~﹞
私人傳訊


首頁
6061626364...101

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy