在職全職 今日: 3|主題: 48034

Sally 寫道:
頭先真係睇唔到,但唔關我事,係唔知點解轉版時d位褪咗,有2個post都睇唔到,而家已經睇返啦

裝飾未諗到~
扮野其實都未諗到,但miss yung叫佢著聖誕小姐喎 (即係聖誕裙)著完學校party可以24號上台著,但我要出去睇睇先,大埔好似冇

MARS 寫道:
小一派位真係好講彩數, 完全唔睇成績, 唔睇操行! 我記得果日我同老公講衰咗時, 佢第一句就問我: 乜D人成績好勁架? 阿女都唔係好差啫~ 點解唔收佢呀?! 我只係答"呢D係命水問題"同成績冇關! 個下都覺個制度唔公平架 :-x

MARS 寫道:
旺角有聖誕裙買喎! 駛唔駛我幫你買呀?

另,今年昕昕表演乜嘢呀? 唱歌定跳舞呢?

VENUSSUM 寫道:
係, 呢點都係一個"謎" :mrgreen:
咁你而家係咪讚自己夠勇

Sally 寫道:
我都閃啦~886

MARS 寫道:
咁佢校舍咁吸引都係買點之一gei

我一向都夠勇架啦~

VENUSSUM 寫道:
咁我又反而無咁諗過, 因為咁細個, 點分叻唔叻, 在公平底下係應該有教無類, 計分, 的確有著有唔著(我係唔贊成宗教分), 但在無社會家庭背境影響下, 個個都係咁計分, 基本上係公平的.

VENUSSUM 寫道:
其實學校靚係事實, 但都未必係賣點, 以我果時聽得最多反而係話校長老師好好~~

MARS 寫道:
或者你咁講都啱! 但嘅然有教無類的話, 就唔應該用計分方式囉...將d學生嚟一個大抽奬, 咁就最公平啦! 咁大家都係睇彩數嘛! 同埋我好明白家家有求呢個道理, 但每個小朋友都有佢嘅特質, 大仔啱讀嘅學校並唔代表細仔啱讀嘛, 呢個情況反而會令做細仔嘅蝕底tim! 但依家個政策係咁, 我地唯有跟住行, 好無奈lor!

VENUSSUM 寫道:
其實唔計分都好架, 但一樣會有人出黎"反", 其實無論點做, 都有人歡喜有人愁, 我地可以做的, 咪就係跟住行囉, 一切隨緣, 善哉~~

MARS 寫道:
未讀過又點會知道校長老師好丫....在我嚟講, 第一吸引係校舍. 第二係成績雖然未係最top, 但都係中游位置. 第三係小姐佢鐘意

VENUSSUM 寫道:
係唔知事實架, 都係聽人講, 因為有家長的屋企人係果度做教員, 所以我果時都係俾佢游說同佢仔一齊抽咋(因為我一直怕學校多功課, 我會好辛苦---> 係我 ), 但偏偏我抽到佢抽唔到~~
成績, 我的心態係唔使多人得的, 自己得就ok, 計%呢d野無咩意思, 99%叻都唔代表剩下果1%無你份 :mrgreen:

MARS 寫道:
個個咪就係道聽途說囉 我有個fd個同學都係寶湖教,佢都話呢間唔錯喎, d老師又後生, 做起事上嚟比較有幹勁 & 無咁古板...唔知係咪真呢 不過佢話大埔最好嘅小學係阮鄭

如果間學校超多功課的話,我地呢d在職媽媽會c架,呢個我明喎....因為我都好怕>>>都係我

成績....只係計數咋! 若然成績好嘅比率係高的話,即係阿女成績好嘅機會又大咗啦~~~ 係咪好阿q呢

VENUSSUM 寫道:
其實無話邊間叫最好, 我相信就算唔出名的學校, 一樣可以好好, 阮鄭因為有間莫壽增back up, 所以上band 1 的學生有一定數目, 咁係有保証的大前提下, 以它作首選都唔出奇

果時選校係真係好怕揀間多功課的, 因為無時間幫到佢嘛, 如因為咁而拖低成績就唔好啦, 好在, 而家連佢自己都話唔係好多功課

你又真係幾阿q, 但晴晴你都唔使擔心啦; 我可能比較實際d, 因為怕果d數字上有取巧之嫌, 得唔得, 自己最清楚

MARS 寫道:
咁搵學校就好似搵工咁...鬼知D同事(老師)好唔好啫~ 最緊要係人工(成績)OK, 地點就自己啫

咁你飲得杯落啦 連當事人都唔覺自己多功課,你都唔駛點幫佢就掂啦 我都想晴晴可以咁樣呀

唉...呢個晴晴表面就好似好乖好叻咁,但佢其實係雙面人嚟架! 好似呢個學期咁....有幾次默書有錯(但唔係唔識喎 :evil: ) 我見佢咁...我都驚佢攪唔掂小一D課程呀

qq媽媽咪 寫道:
嘩...你地打好多字啦.

VENUSSUM 寫道:
都係架, 就算間學校十個有十個都話好, 但偏偏入到去就同個班主任唔夾, 就真係無得好講架!

我女.......ok啦, 希望細佬到時唔好俾咁多"驚喜"我就得喇

其實課程一路路深, 你唔可以再 expect 樣樣full mark架喇, 我地去睇, 點解咁易都會錯, 但, 在佢地的角度就唔係咁架啦, 我地要接受佢地犯錯呀, 等佢地自知不足! 既然你知佢唔係唔識, 咁咪得囉, 最重要係佢有無鬥心, 想下次再做好d之嘛, 如果佢覺得無所謂的話, 反而要著重態度上改善, 而唔係求100%答對