少年成長 今日: 0 | 主題: 16124

積分: 33215

1224^#

發表於 08-5-2 22:51 |只看該作者

原文章由 shankybb 於 08-5-2 17:37 發表
睇完10頁這個topic，都未知自己做唔做到，但我都會嘗試，因為現在的情況再這樣下去，我怕我真的control唔到自己，而且我好受唔住哭泣聲的。但我會堅持的，因為我唔想日後才後悔，我已經後悔好多，做出每件事，令到我、我老公、同我個囡 ...

shankybb :

你小朋友多大？

私人傳訊

積分: 33215

1225^#

發表於 08-5-2 23:25 |只看該作者

原文章由 lok^^b 於 08-5-2 16:38 發表
Sandralo
您好
未黑面時讚佢個樣好甜。唔執房時話佢如果你好似上次咁執得咁整齊就好啦。我表達錯誤，唔好意思。
女中意吃嘢，跳舞，唱歌，畫畫，扮靚...表演慾好強。我地會圍繞呢d話題同討論女想講的事。有時女會將學校發生的 ...

lok^^b :

起初以為你同囡囡的關係不好, 但睇落並唔算差……
個剪報對你都應該有幫助.....
你講的「火」, 我非常明白, 因我家小姐都會令我有那種火, 我可沒讓它燒下去…...
有沒有看星爺的唐伯虎點秋香？就是「不給他機會發爛渣」那種心態！
今晚其實8時才放工, 累得很….., 明天先試試分析你的問題, 再告訴你我覺得有空間改善的地方！

私人傳訊

積分: 4810

1226^#

發表於 08-5-3 11:12 |只看該作者

原文章由 SandraLo 於 08-4-30 12:34 發表

mamacpy :

佢唔扭, 又點令你煩呢？你唔煩, 又點會就範？就係咁簡單....
温咗書未？未就快d 啦, 佢知道呢招有效, 就唔會淨係呢樣先扭架啦：
http://forum.baby-kingdom.com/viewthread.php?tid=951856&page=9#pid22428867
...

睇左條LINK, 不過我都唔係好明. 係咪即係我只要對囡囡講一次點解唔玩, 咁就算呀? 之後無論囡囡點扭我都當聽唔到, 完全唔比反應呀? 不過如果係咁, 會唔會久而久之, 囡囡以為人地同自己講野, 鍾意唔應人就可以唔應人, 咁會唔會好易令到佢變得無禮貌架? (我自己覺得如果對方同自己講野, 喺聽到既情況下唔應人, 係無禮貌既表現)

私人傳訊

積分: 4810

1227^#

發表於 08-5-3 12:03 |只看該作者

Sandralo,
唔好意思, 我仲有另一個問題.
話說星期四, 我帶囡囡返嫲嫲屋企同堂妹玩. 期間囡囡喺我個袋自己拎左盒糖出黎話想食 .... 之後我叫囡囡幫我放返去袋, 同埋提醒囡囡唔可以自己開媽咪個袋拎野出黎. 囡囡聽後好乖張盒糖放返去我放喺房個袋入面. 當期時堂妹(1歲8個月)跟住我囡囡入房. 我見咁, 我咪靜靜企喺出面望下佢地做咩. 我見堂妹想攪我個袋, 囡囡就即刻同堂妹講"唔得架, 唔可以攪媽媽個袋架", 因為堂妹仲細, 仲有好多野都唔識, 所以堂妹緊係無理我囡囡講咩照攪可野啦, 點知囡囡見到堂妹仲係攪, 於是起手打左堂妹側面一下(好細力). 我見到, 即刻好大聲問囡囡"你做咩呀?", 當時囡囡好似比我嚇親咁大喊, 猛問佢做咩, 佢都話唔知. 問佢係咪打妹妹, 佢都係要講大話話無. 其實有D咁既情形(有其他人在場), 我應該點處理會好D呢? 有時我好驚喺其他人面前鬧囡囡, 會傷左囡囡自專心, 但又唔可以因為咁, 明知囡囡做錯事都唔理, 真苦惱.

私人傳訊

積分: 33215

1228^#

發表於 08-5-3 18:23 |只看該作者

原文章由 mamacpy 於 08-5-3 11:12 發表
睇左條LINK, 不過我都唔係好明. 係咪即係我只要對囡囡講一次點解唔玩, 咁就算呀? 之後無論囡囡點扭我都當聽唔到, 完全唔比反應呀? 不過如果係咁, 會唔會久而久之, 囡囡以為人地同自己講野, 鍾意唔應人就可以唔應 ...

mamacpy :

你第一個post係問「點樣可以令囡囡學習等待」, 小朋友耐性雖然有限, 但如佢每次連一分鐘都唔肯等, 而同時間, 你係容許佢話唔等就唔駛等的, 咁佢(對住你)就係幾短時間都唔會等！即係話, 佢唔須要等待的話, 係學唔到等待的！再簡單d, 有個阿媽想阿仔慳d 洗錢, 但每次阿仔問佢攞幾多佢就俾幾多, 咁任由阿媽講幾多個原因, 個仔都會繼續咁攞繼續咁洗！

我成日都講：行為矯正唔係ignore個小朋友, 而係ignore佢嘅bad behaviour！而依家佢嘅不當行為就係「唔理你答佢乜嘢同有冇道理, 佢都不停咁, 務求達到目的」！

你所講嘅「久而久之, 囡囡以為人地同自己講野, 鍾意唔應人就可以唔應人」, 基本上係唔會發生, 除非你乜都唔啋佢；ignore係加埋讚一齊用, 即係當佢冇事冇幹冇扭冇喊冇特別要求時, 你必須讚佢：「囡囡好乖喎, 冇扭媽咪即刻同你玩XX, 識得等媽咪！」每日起碼讚三次, 爸爸都要, 加埋ignore一齊用, 三日就已經見效, 快過打針！

私人傳訊

helloapril

積分: 4816

1229^#

發表於 08-5-4 15:50 |只看該作者

HI Sandralo,

我囡囡現在3歲3個月,還未開始讀k1,因為唔想他在家只是睇vcd,希望可以接觸其他小朋友,半年之前開始返playgrounp,跳舞班,由開始要我陪伴,到自己漸漸可以獨立到課室上堂,跳舞班是最喜歡的,但是近兩星期,入課室5-10分鐘後,開始喊,要找媽媽,不願入課室,後來每次都唯有帶他回家,一路回家的過程的他約無其事的,近幾次上堂前,我都會解釋,但是都無用,我想請教你,應該點做

私人傳訊

積分: 33215

1230^#

發表於 08-5-4 22:34 |只看該作者

原文章由 SandraLo 於 08-5-2 23:25 發表
lok^^b :
起初以為你同囡囡的關係不好, 但睇落並唔算差……
個剪報對你都應該有幫助.....
你講的「火」, 我非常明白, 因我家小姐都會令我有那種火, 我可沒讓它燒下去…...
有沒有看星爺的唐伯虎點秋香？就是「不給 ...

lok^^b :

太長....
Part I

情况唔係咁差喎, 只係佢唔鍾意你話佢！先留意下面幾點：
1/ 如佢未黑面時你讚佢個樣好甜, ok冇問題, 但若佢唔(未)執房, 你同佢講如果你好似上次咁執得咁整齊就好, 佢就可能覺得你窒佢; 你只能等佢真係執咗先讚, 但點至算執咗, 你就要執生, 有improvement就要「見好即收」, 咁先可以讚得到。
2/ 我女都係唔中意叫人, 我由得佢, 只係要求佢見到人一定要打招呼, 因我自己同我老公見到長輩都係打個招呼而冇逐個叫哂d 稱呼！如你又係自己都冇叫, 就唔好嚴格要求佢做, 尤其是唔好响親友前先叫佢叫人, 咁會好瘀, 佢會好抗拒！
3/ 至於話「不能提要遵守的約定」, 呢個約定係雙方同訂, 定係一廂情願你要佢做的？如果呢個「約定」又係禮貌嗰d, 我勸你要「放寬」, 你囡囡的反叛暫時未算嚴重, 佢明顯係用黑面嚟「反抗」你話同鬧佢, 如繼續咁落去, 關係會愈來愈差！

你會問, 咁完全對佢冇要求唔得喎！咁點教佢？我會反問, 咁你依家又算唔算教到佢？如唔得, 都要求變啦！
細d 嘅小朋友, 我前兩日剛答完qkhui 點樣透過遊戲去令佢地明白多些道理, 但對你囡囡來說, 透過一齊睇故事/小說再傾/討論番嚟教佢就會適合啲；另一樣好好嘅免費教材就係報紙, 有好多新聞都是很富趣味性和教育意義的, 拿來討論, 絕對可以教埋佢點做人！

to be cont'd

[ 本文章最後由 SandraLo 於 08-5-4 22:37 編輯 ]

私人傳訊

積分: 33215

1231^#

發表於 08-5-4 22:36 |只看該作者

lok^^b :

Part II

順道同你分享一下我同我家小姐(16歲多)嘅關係, 其實好多時, 响你講嘅執嘢, 讀書, 禮貌上面, 我條氣一樣係頂住, 但當我想到我嬲或者話佢係冇用時, 我就good聲吞咗佢算！但响做人處事嘅大方向上, 我地是有溝通的, 要話佢知嘅嘢, 响佢小學時已講過, 依家有乜嘢, 只會提一兩次。而我發現响教會, 所有13至18歲嘅青少年人遠遠見到阿媽, 都會雞飛狗走, 但佢地好多都唔介意見到我, 重會走埋嚟同我傾計, 甚至MSN揾我, send u-tube d link甚至我女xanga俾我睇！教會如BBQ等活動, 就算我話去, 阿女都唔會反對, 亦唔駛特別通知d fd/同學, 因佢d fd 唔會因此而唔去, 我同佢地都可以「有計傾」！(註：唱K就唔得啦, d 歌真係唔啱!), 我相信係因為我同阿女關係ok, 佢地至唔抗拒我, 而要保持良好關係, 就唔可以成日鬧同話！

我俾你嘅剪報, 話香港的父母透過「話」來「迫自己子女跟隨己意, 但又未能以身作則」, 加上「心理控制」, 令關係變差甚至破裂; 父母在這個位最容易中招, 因對子女有要求本身是「正路」的, 教子女亦是有需要的！但點先算心理控制, 點先係行為控制, 點至算過咗位, 用傳统中國家長式管教的父母是較難明白的, 這也是我不會send這個剪報給年幼子女的媽咪的原因, 事情未發生時, 她們是不會明白的！

好啦, 講番你個case, 禮貌我覺得唔駛搞啦, 佢應該知, 功課同執房嗰度, 可以用獎勵同timetable幫一幫, 目標係 ~ 减少話佢！你可以睇番呢個topic (由舊開始)以下嘅post, 先暸解timetable同獎點用：
Jan 11, 2008 page 53 HIMMAMA3 問 post #1062
Jan 14, 2008 page 54 jpkp313問 post #1067 / #1070 / #1071
你似乎冇跟開囡囡功課, 加上佢係大個啲, timetable可叫佢自己set, 亦唔須要將功課拆咁細, 時間表只係等佢自己都睇到每日嘅時間係點分配, 用咗响邊, 而執行得到若干次(如一星期)就可獎佢鍾意嘅嘢或去嘅地方, 記住只係有獎同攞唔到就冇獎, 而唔係獎同罸！
有唔明再上嚟！

[ 本文章最後由 SandraLo 於 08-5-4 22:39 編輯 ]

私人傳訊

lok^^b

子爵府

積分: 11879

1232^#

發表於 08-5-5 13:12 |只看該作者

回覆 #1231 SandraLo 的文章

你似乎冇跟開囡囡功課, 加上佢係大個啲, timetable可叫佢自己set, 亦唔須要將功課拆咁細, 時間表只係等佢自己都睇到每日嘅時間係點分配, 用咗响邊, 而執行得到若干次(如一星期)就可獎佢鍾意嘅嘢或去嘅地方, 記住只係有獎同攞唔到就冇獎, 而唔係獎同罸！
1）我由細仔出世之後無再點跟女的功課，最多距有吾識問，我才會教。是否咁會令距覺得我唔再重視距呢？
2）女對性比較有興趣，例如個排不雅照。報紙書刊太多的報道，同學校的討論令女回家不斷咁問我，以及偷偷將刊登的報紙，雜誌攞入房睇。咁我講你使乜咁偷偷摸摸呢？你要睇問我攞一定會比你睇的。咁一邊睇一邊同女講返：呢幾個女主角同男主角拍拖好開心，想影低期間的甜蜜。不過個男人無好好保存呢d咁私人同私隱的相，令全世界都見到，而受到傷害。咁無論開吾開心，女子都要好好保護自己的身體。女好似明白。跟住之後發生妓女兇殺案，女見我之前比距睇，就自己成日翻報紙，我亦有同距講返。不過個心就有d不滿，點解女的好奇心會咁大，睇完一次又一次。
我想請教:到底遇到咁的情況我應該要點做?
吾好意思，之前的未解決，現又有新的問題。
好多謝你的回應

得意事來，處之以淡。失意事來，處之以忍！

私人傳訊

積分: 33215

1233^#

發表於 08-5-5 22:25 |只看該作者

原文章由 mamacpy 於 08-5-3 12:03 發表
Sandralo,
唔好意思, 我仲有另一個問題.
話說星期四, 我帶囡囡返嫲嫲屋企同堂妹玩. 期間囡囡喺我個袋自己拎左盒糖出黎話想食 .... 之後我叫囡囡幫我放返去袋, 同埋提醒囡囡唔可以自己開媽咪個袋拎野出黎. 囡囡聽後 ...

mamacpy :

呢樣真係唔駛咁担心…….
你囡囡一定係之前有試過做錯一啲嘢俾你地打過(好細力都係), 或者「話」打佢, 所以當佢見到堂妹做錯(攪你個袋)時, 佢就覺得自己應該「出手」！若然這只是她第一次出手, 你的反應就過大了, 的確嚇到她, 下次再有這些情況, 只須serious的望著她的眼晴告訴她「不能打人」便可；如她已頗「習慣」出手, 不是第一次, 你可用naughty chair來罸她, 因這次係你親眼見的, 也不用和她糾纏要她認才可以罸, 而無論有冇其他人响度, 都盡量唔好鬧, 否則佢亦會好快咁學識鬧人！
而所有你不想她做的(錯)事, 都可以透過讚, 同故事/遊戲方式(睇番之前答qkhui 個post)教她！

私人傳訊

積分: 33215

1234^#

發表於 08-5-5 22:30 |只看該作者

原文章由 helloapril 於 08-5-4 15:50 發表
HI Sandralo,

我囡囡現在3歲3個月,還未開始讀k1,因為唔想他在家只是睇vcd,希望可以接觸其他小朋友,半年之前開始返playgrounp,跳舞班,由開始要我陪伴,到自己漸漸可以獨立到課室上堂,跳舞班是最喜歡的,但是近兩 ...

helloapril :

如她最喜歡上跳舞班的, 我不明白她為何突然會這樣.....
你有看她上堂嗎？會不會有些不開心或覺得自己不夠好而退縮？回家後又有什麼說話？

私人傳訊

積分: 4810

1235^#

發表於 08-5-6 11:55 |只看該作者

原文章由 SandraLo 於 08-5-3 18:23 發表

mamacpy :

你第一個post係問「點樣可以令囡囡學習等待」, 小朋友耐性雖然有限, 但如佢每次連一分鐘都唔肯等, 而同時間, 你係容許佢話唔等就唔駛等的, 咁佢(對住你)就係幾短時間都唔會等！即係話, 佢唔須要等待的話, ...

咁我明白哂喇, 只要我只係喺囡囡不當既行為上ignore佢, 我就唔會有我所擔心既問題出現. thanks~

私人傳訊

積分: 4810

1236^#

發表於 08-5-6 12:03 |只看該作者

原文章由 SandraLo 於 08-5-5 22:25 發表

mamacpy :

呢樣真係唔駛咁担心…….
你囡囡一定係之前有試過做錯一啲嘢俾你地打過(好細力都係), 或者「話」打佢, 所以當佢見到堂妹做錯(攪你個袋)時, 佢就覺得自己應該「出手」！若然這只是她第一次出手, 你的反應 ...

我諗囡囡咁大個, 我都只係打過佢一至兩次手仔, 仲肯定唔係最近e年既事. 至於面仔, 我一定無打過囡囡. 因為我記得我中學時比爸爸摑過一巴, 我個心係難受到不得了, 所以我肯定我一定唔會打面仔.

聽完你所教既方法, 我一定會緊記, 明白如果再有同樣事情發生, 我應該要點做. 謝謝~

私人傳訊

積分: 4810

1237^#

發表於 08-5-6 12:14 |只看該作者

SandraLo,

我又想問多一個問題....
每次我同囡囡玩, 我都會好投入, 比好多反應囡囡, 所以囡囡好喜歡同我玩. 好似剛剛星期日, 我同囡囡去公園玩, 入面有條獨木橋, 囡囡第一次行. 初初好驚, 不過行多幾次已經唔驚. 咁我同囡囡玩時, 我扮驚, 我扮到一定要囡囡拖住我行我先敢行. 期間, 我同囡囡講：「媽媽好驚架, 你唔好整古媽媽呀, 你一定要拖實媽媽行架。」如是者, 我講左幾次, 囡囡就開始整古我, 拖我行出一兩步就放手, 當然我緊係扮到好驚啦. 正因為我比到好好既反應囡囡, 我地兩個不停用咁既方式去玩, 囡囡亦玩得好開心. 不過, 琴朝我突然諗, 我用咁既方式同囡囡玩, 會唔會因而令到囡囡有個錯覺, 就係"整古"人原來係咁開心!!!! 其實, 囡囡再細D既時間, 已經好鍾意"整古"我, 當然只係玩, 亦只會淨係同我先會咁玩.

私人傳訊

DougMa1220

複式洋房

積分: 170

1238^#

發表於 08-5-6 13:23 |只看該作者

原文章由 SandraLo 於 06-12-14 19:38 發表
twg：

不明白他因何發脾氣...... 會不會是 attention seeking ? 因為你在傾電話不理他？

其實都係用番行為矯正法 (behavioral modification)，今晚再講，依家重未放工！
...

我個仔二歲三個月大.
佢發脾氣時會"掉"手上的東西或會關掉電視 (因為大人睇緊).
我嘗試在佢冇掉野時讚佢話, bb真乖, 冇掉野.
怎知, 佢好似比我提醒咗咁, 即係在地上執件野來掉.
我當刻好shock, 冇反應比到佢.
只係淡淡的叫佢執番起件野放回原處.
佢照做, 咁我就算了.

請問, 是否我選的 timing 有問題, 還是做漏了什麼呢 ?

私人傳訊

小ice

積分: 45484

2024年龍年勳章

1239^#

發表於 08-5-6 15:57 |只看該作者

SandraLo:
個仔(2歲半)好頑皮..好固執...我真的失控了..打他..好心痛..
今日放學返屋企路上,唔肯跟我行,唔肯返屋企吃飯,我話你唔走咁媽咪返屋企啦..佢哭住跟住,見我等埋佢,佢又企係度哭鬧唔肯返,一直鬧到回家門口仍然要我陪佢出街,帶左佢返屋企仍係度狂喊,失晒控,要開門走,好啦,自己平心靜氣同佢講道理,佢唔理,攪左成粒鐘終於算係平靜左,跟住又為一d小事又係度發睥氣..好啦,一陣又無事..一陣又係度鬧情緒,到三點幾要訓覺了,初時肯,跟住又鬧情緒,要我起身同佢玩唔肯訓..一直喊喊喊...由他放學三個鐘裡一直係度發脾氣同喊!係我太就他嗎??終於忍無可忍..拿支筷子打他,仲斷左,我唔想..但可以點做?真係好心痛,以前會要他企門口..但佢仍然係咁唔聽人講,似乎要出動打先可平息到佢..
聽得好多人講打係唔work唔好,呢d我都知..一路我都有睇呢度,所以好早我已經叫自己千萬唔好用打去教仔..但..原來我做唔到...用過好多方法去教佢都唔得,佢實在太..頑皮了,不停試我地底線, 可以喊足兩個鐘都唔收聲!你教我點教好?

坐車人多見佢一停郁來郁去,叫他小心隻腳撞到人,他聽完仲即時用腳踢人..又用手摸人,搞到比人話我無家教....帶佢出街成日比人指指點點.....出街對人又無禮貌...我地兩公婆都唔係咁..見人都會叫人..做個好榜樣..但...見到佢咁..好啦,佢唔鐘意叫人,叫自己唔過介意,放鬆d,教佢唔想出聲或者向人家點點頭或揮揮手都可以,如果連動作都唔想做,都唔好向人"起飛腳"或不雅動作...但佢都係咁.....
經常會做d古怪動作去引人注意佢..我地忽視佢d唔好行為,佢又做多d..再唔係又係度發脾氣...不停試我..係佢乖既時候讚佢,佢又特登做唔好既行為,好反判!好啦,昨日打完佢,乖左..但自己氣又未消,又嬲佢又嬲自己打佢(好內疚),無理佢,即使佢乖我都無理佢,佢反而無咁頑皮,可能佢知我嬲左佢,今日對佢好d,佢又來了,當我生氣時,佢又變乖...好像我用讚呢個方法唔work咁既??我老公話我以前讚佢太多,讚壞晒....
呢兩日心情跌到谷底...我好後悔打他,好怕自己會越來越失控...發覺好多野自己控制唔到(他唔好的行為)讚又讚過,企又企過,忽視又忽視過...自己不停反省...但個仔越大越..有時懷疑佢係咪有"病"..如過度活躍症果d...
好煩...

私人傳訊

helloapril