回覆樓主
談操作（一）-時間窗
相信大家應該都曾經聽過波浪理論，一個主浪入面有五個浪，而小浪入面亦再細分為五浪或三浪，換句話說，主浪雖然是升，但當中既小浪亦會出現跌，所以投資前需要搞清楚你現家投資既時間窗係邊個範圍，而時間窗愈長，目標應較遠，相反時間窗愈短，止蝕止賺位亦應較近。
假設係一個主跌浪入面，原本係短炒博反彈，但因貪心，冇跟紀律去做，最後由賺變蝕，由短炒變長渣，長渣變蟹貨，呢個係一般散戶既通病，所以投資前要搞清楚。
就以最近為例，周三指出只要恆指現貨今個月守得住27400，9月利反彈，同時指出日內支持27600，首先9月利反彈呢個時間窗一定唔會係呢個星期既事，而日內既時間窗只限當天，換句話說，如果日內27600見支持，for day trade或極短線黎講，呢個係一個買入點，而當日跌穿最低跌至27579維持了數分鐘後隨即反彈，最高反彈300多點，由於時間窗係for極短線，一般持倉都唔會耐，所以當日亦會平倉
又以周四為例子，初步仍然睇9月利反彈，但唔代表當時要即刻開好倉，周四指出阻力28050，支持27600，開市後最高升至28051隨後立即回落，for極短線黎講，呢個係一個做淡時機，而周四當日我自己亦做淡為主
時間窗小往往食既幅度唔大，亦可能會隨時走人，所以要簡番一個自己合適既時窗操作，唔一定每個時間窗都要參與，視乎個人進取度及目標，特別係極短線黎講，現時市況波動大，好易跟車太貼而撞板，最緊要簡番自己認為合適同舒適既時間窗。
而同一時間操作2個時間窗係冇問題，若操作3個以上就要考閣下功夫了，如上文提及一個主浪入面都細分為5個浪，若以食一個大浪為目標，假設2000點，當中去到某水平回番3-4百點係好正常既事，而呢個操作就涉及兩個時間窗，因此每次開倉前先要諗清楚今次開倉目標係d咩，亦需簡番適當既工具，而唔係憑感覺見升就追，見跌就沽。
下次再談支持與阻力真實應用。
呢個世界唔知幾時開始變得愈黎愈複雜,
公平呢兩個字已經漸漸唔再存在
埋沒良心既人愈黎愈多
騙子亦愈黎愈多
是我們變了,還是世界變了..
發表於 
返回列表
