Re: ※麗聲遊輪※豬屎精號
話說兆尊哥有個friend , 年約50歲(簡稱A君), 老婆年約28歲 (簡稱C嫂), 一個仔5歲(簡稱小新)。
約係9年前 , A君叫做有D 水, 成日返大6玩, 識左C嫂, 由於A君有水, C嫂覺得年齡唔係問題, 就下嫁左A君。後尾C嫂就用雙程証黎左香港, 生左小新。C 嫂黎左香港之後, 發覺A君原來唔係想像中咁有水, 加上A君失業好耐, 依靠D親友借貸渡日, C嫂就開始日哦夜哦, 小生受母親唆擺+縱容, 成個"蠟筆小新"。A君由細到大都叫做生活係一個小康家庭, 從未為生活煩惱過, 點知呢幾年, 真係人又老, 錢又冇, 佢既兄弟見佢有個仔咁細, 就9唔9都比錢幫下佢, C 嫂見將個仔當搖錢樹, 一冇錢就打電話比大伯、大嫂, 話個老公點衰點衰, 又問佢地拎錢。A君知道之後, 好嬲, 覺得好冇面。
C 嫂終於拎左居留權, 就出去做野, 但仍然要A君每個月比幾千蚊佢, 如果唔比就係屋企大吵大鬧, 拎把刀出黎, 要湯要殺。仲9唔9對A君拳打腳踢。A君最怕比人哦, 想盡辦法每個月搵D錢塞住C嫂把口, 心想C嫂快D搵過第2個男人, 佢就可以甩難。
話返個小新, 成日周圍吐口水, 佢知道佢老豆既弱點, (怕比人煩。), 佢成日要玩冒險樂園, 係日日都要去, 每次都要玩幾十蚊, 如果唔比佢玩, 佢就剷地, 係咁喊, 煩到你比佢玩為止。
A君成日打比兆尊哥話好煩, 問點先可以趕走C嫂?個仔每日都洗幾十蚊, 長始下去, 真係好唔掂!
兆尊哥答佢："跟本你就係逃避, 成日話煩, 用錢去攪掂D煩, 你老婆拎刀出黎, 你咪報警囉, 又話家醜不出外傳, 跟本係你自己都唔知想點。你個仔就擺明比你縱壞左, 你都冇野做, 日日仲要搵幾十蚊比佢去玩, 佢扭計咪打巴佢嘆囉!"
我叫兆尊哥咪咁勞氣, 佢身為當事人, 佢自己都唔去面對現實。
謀事在人，成事在天，個天先係最終揸"fit"人！！
你恨的人，來生不會再見，所以別在他身上浪費時間；你愛的人，來生也不會再見，所以今生要好好對他。
發表於 
返回列表
