11月媽媽 寫道:
nov03bb,
我尋日都想打比你,不過換左手機同?冇晒d no.
講返interview,我諗靈糧堂應該ok.見完老師問佢既野全部岩晒.老師同愷然既對話:
老師:"你有冇返學架?"
愷然:"冇架"
老師:"你冇返學,點解你咁叻咩都識晒既?"
愷然:"唔"好cool咁唔左一聲(真係大小姐)
跟住就等見校長.期間另一位老師帶小朋友唱歌同做手勢佢都ok.到校長時佢都算投入,其實係要我提佢要望住,唔係佢就東張西望.到校長同大家玩完就一個個小朋友同家長去同校長say goodbye.愷然就好淡定.我就問校長我想出年2月插k1.坐隔離既主任話佢細個,校長話ok呀,03年11月1可以比佢試"細班".仲叫主任聯絡我添我諗咁既對話我應該冇會錯意卦!!
至於維記就失敗囉~~~冇諗過愷然會有咁既表現.一開始仲ok,玩下玩具,跟住去另一間房,普通話老師問野,當然冇問題.跟住到鬼佬,問左佢幾樣野就出事喇.佢識答,不過唔想答.因為好累,前一晚半夜起身自己玩左2個鐘,in維記時係下午亦係佢nap time.跟住就喊晒.我哄佢,佢諗諗下又喊.我咪唔鬼in帶佢走囉.give up左喇!個普通話老師叫我唔好走
其實講真,我對2間學校既感覺差好遠.
靈糧堂:環境一流,老師nice,校長又有趣.連d嬸嬸都鬼咁好人.
維記:成個商業大廈咁,唔夠幼稚園feel.老師多過家長,好似去飲咁,行來行去都係工作人員.又人又鬼,得罪講句,普遍d家長都扮野d.我係草根,咁既feel唔多岩我.
都多謝關心,依家係等靈糧堂既消息囉!
veronica,
你真係冇選錯,我同家姐都好鍾意靈糧堂.希望得左就著手搵港島區樓.thank you!
好似太后想明傑考入甘桔園, 傑仔唔鐘意聽中文, 結果自然唔收佢, 反而他喜歡見鬼, 無厘頭, 當明傑見完, 輪到爹地回答女鬼的問題時, 已經嚇到我口疾疾, 亂講一通, in得咁差, 怕且都唔掂, 點知又比佢考到St.Cat. 所以, 隨緣是最好的. ... 講到去飲, 她們每有重要活動, 例如開放日, 一定會著她們的制服飲衫, 我認為是她們重視該活動而已, 我自己對重視的場合都會著好的... 而工作人員多, 是她們一貫作風, 不單止可以調動其他分校的老師, 我見過甚至會安排小學的老師幫手, ... 正如我之前講過, 在小組聽女鬼講鬼故時, 同時有好幾位老師正在觀察你怎樣與小朋友互動, 小朋友是否專注等等, 以作評分, 如果只有一位老師,又怎樣同時評核咁多個families? 至於普遍d家長都扮野d, 呢方面都同意, 我們是少數非常家長, 雖是草根, 仍硬著面要走入去讀, 因為, 我兩公婆英文都唔掂, 只希望明傑唔好再走我們以前的路, 甚麼老師有沒有愛心, 只要不是黑心, 都已經足夠. 而且, 人夾人緣, 是否遇上好老師, 都要看彩數, 及緣份, so far, 我在門口CCTV及玻璃門外的觀察, 都沒有發覺有問題, 可能, 她們對自己的學生會比較友善的, 因為已經是自己的米飯班主, 而校外的人士, 太多人, 做唔到咁耐戲 ... 亦可能是個別分校的差異 
呢幾日好忙呢, 入左樂園同希希豬慶祝生日, 食埋buffet添, 但發覺全場有8成人都係生日, 差不多張張枱都叫Mickey/Minnie拎蛋糕出黎, 真利害呢! 
發表於 
返回列表
