尋晚睇到王老太攻心計搞到明蘭心緒不寧，好彩顧二同長柏返到嚟，顧二句句駁斥王老太大快人心，長柏大義滅親非常正直，王家老太實在好離譜，一個咁心地嘅老人實在壞事，連王大哥王大嫂都知道唔可以包庇呢個妹，王老太就一心只求佢安全，全家上下都要搭上。
預告見到雪娘去搵墨蘭，跟住去盛家放火，再乘機放康姨媽走，呢度實在太唔合理，雪娘被打拐腳送去田庄做苦工，無拿拿點解又再出現於盛家，而又冇人見冇人知，盛家雖非侯府，但都係大戶人家，冇可能會似無掩雞籠，俾人自出自入。
無端又俾多餘戲墨蘭，佢去旁敲側擊有關盛老太嘅病書中都有，長楓都唔搭理佢，叫佢管好自己家中事，盛紘都官腔打發個女，不竟盛紘而家都知墨蘭係咩人，但去到要害明蘭害顧府，佢嘅仇未去到咁深，而且得罪顧二，佢家六郎以後唔駛出嚟行咩，東窗事發唔休佢都難，墨蘭嫁入梁府已係自食苦果，編劇搞咩又要佢出嚟踩多兩腳？
康姨媽入內獄就好，搞到要殺佢，應該都係為咗戲劇性，不過呢樣顧二點脫身？殺官眷唔係一句了事，康姨媽已經受到教訓，知明蘭顧二非善類，殺咗明蘭佢自己可以全身而退？留得青山在，佢要出嚟總有辦法，但殺人填命呢樣嘢，即使佢幾巴閉都好難推脫，咁多對眼見到佢入顧府殺人。再者侯府咁嚴密保安，至少顧二交待奢家兩兄弟點樣保護明蘭，一個女人可以衝過咁多人入去明蘭住處，真係唔係咁簡單囉。
花旗太太生活在花旗國，留意時差，你問我未必即時答到。
[/smiley。我一直在mytvSuper 睇，集數分法同千尋唔一樣，64集等如大陸網站69集的頭一半了，但千尋每集開頭又重覆好幾分鐘，mytvSuper 應沒有刪減。沒有看過原著沒有包袱，就是睇著喜歡才一路追來。第一次定定的完整地看趙麗穎嘅劇，人地話趙麗穎演技好，我看這劇看了50集，仍好難認同，到後來女主發作唔再裝賢扮啞之後（為英國公女兒出頭、在盛家揸旗捉、審康姨媽），戲味才是散發出來。男、女主婚後才來的感情發展戲，我覺得真係好好睇，別的戲沒有的淡淡的、自然的、但又幾好笑，固然他們是真couple 關係，但咁樣拍法咁嘅對白就是編導的關係吧
發表於 
返回列表
