Fion_Chan 發表於 19-2-7 11:47 
終於追貼套劇第一次在這舖留言 [/smiley。我一直在mytvSuper 睇，集數分法同千尋唔一樣，64集等如大 ...
趙麗穎我第一次睇係花千骨，之後楚喬傳，再睇你和我的傾城時光，而家知否知否同杉杉來了，我可以話佢嘅演技係唔錯嘅，不至於非常好，因為佢好識接戲，角色都係好切合佢演，花千骨、楚喬、杉杉都個好可愛嘅，再慢慢有成長，傾城係比較有少少唔同，佢係一個有才氣嘅時裝設計師（呢套戲原著小說好好，可惜拍劇改到一塌糊塗，變成女二戲份咁），而知否嘅明蘭係要扮乖扮傻扮蠢，所以前期佢好演嘅好呆好木獨又遲鈍，網上好多黑粉黑佢，話套劇唔係佢撐起，佢同馮紹峰演技九流。。。到劇後部份嫁咗人，要喺侯府同小秦氏鬥，又要擠身京城名媛界，仲因為顧侯關係，佢去勸張氏勸小鄒氏，後來勸沈將軍小沈氏，甚至獻計皇后罪己，呢D一點一滴就見到明蘭骨子中嘅力量。顧侯曾經叫佢唔駛應酬小秦氏同四五房果邊嘅人，明蘭話唔驚，佢可以扮蠢扮懵，蒙騙過去，呢個就係明蘭一直明哲保身嘅技倆。
書粉點解對改編有意見？明蘭唔會對小公爺咁深愛，因為以明蘭嘅聰明，佢唔會俾自己有一絲奢想，佢明知係唔適合，亦都唔可能發生，所以根本未去長到苗已經將種子殺死。跟住仲要話明蘭設計令墨蘭嫁入梁家，呢度將明蘭黑化咗，佢係唔會主動去算計人，除非人家算計佢在先，而佢所謂嘅算計都係以防衛為先，最後一著至係反攻。結局係一場叛變，澄園好大件事，明蘭指揮一干人去擋賊，後來事完之後，佢身邊原來有叛徒、有黑心想佢死、有陰謀殺佢嘅。
趙馮兩人既係情侶，劇中好多攬攬抱抱錫錫鏡頭特別自然，我覺得可能兩公婆平時都係咁sweet。
花旗太太生活在花旗國，留意時差，你問我未必即時答到。
發表於 
我都係暫時唔睇住，等佢播完大結局先算。
返回列表
