吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 0905 媽咪吹水分享站 - 4

大仔大女媽媽會今日: 0|主題: 177861

收藏本版

發帖

返回列表

跳至頁

樓主: AYMK

[2009年] 0905 媽咪吹水分享站 - 4

[複製鏈接]

63 646566 67...130

獅子bb

禁止訪問

積分: 3272

好媽媽勳章

1281^#

發表於 11-6-20 16:56 |只看該作者

提示: 作者被禁止或刪除內容自動屏蔽

私人傳訊

AYMK

大宅

積分: 3620

畀面勳章

1282^#

發表於 11-6-20 17:10 |只看該作者

獅子bb 發表於 11-6-20 16:56
我上網CHECK 過，原來叫 "木刷草" !

買嚟刷我3隻狗D牙都好喎...HAHAHA

但係我真係好想知D 木刷草係咩嚟, 唔通係中葯? 有無中醫師可以幫下我哋呀...

私人傳訊

crystalnkp

大宅

積分: 1627

好媽媽勳章

1283^#

發表於 11-6-21 04:50 |只看該作者

大家好!
好耐無上來大家都講緊介片,我都分享下先!係幾個星期前我同個囡介片,開頭都驚好難,我又唔知佢幾時呵VV,呵大大果陣個囡又好驚人知,要自己走埋一角,只要嗌佢一聲,佢就已經喊哂口咁話無呀無呀無呀!

mouth:
之前唔知睇到邊個媽咪話番健康院姑娘教唔好同佢著片,瀨得幾次佢就會識得叫您去呵,咁我係無辦法下就試下!
第一日我同佢除片時同佢講去VV要講俾媽咪聽,佢瀨咗4次之後就識同我講去VV,我同佢洗褲時我特登同佢講,睇下全部衫衫都係BB架,去VV要話俾媽咪知,跟住個囡好大聲咁話'算啦,唔好咁啦' 我鍔咗一鍔,我話您講咩話, 跟住個囡,連跑帶跳好大聲咁講' 唔好咁啦,媽咪' 跟住就走咗,真係俾佢激死!

之後2日因為要出街關係,暫停介片,第四日諗住再來過,點知唔駛,一除片佢就知去VV要去厠所,去大大開頭佢都想自己走埋一角,當時佢無著片,嚇得我即刻唔理佢反對即刻要佢坐POTTY! 不過而家無次去大大佢都會好驚,一呵咗少少就好想走,我唔俾佢走,有時以為佢呵完清理哂所有野,佢又話要呵嗅嗅,又真係有得呵架喎,我諗佢真係好驚同D嗅嗅咁近既感覺!

而家個囡就算著咗片都唔會係片呵,一定要去厠所呵,所以去街我會帶定個BB厠板俾佢,又帶多樣野,真係煩,最緊要係佢都呵得好密下!
而家夜晚著片瞓覺佢都唔會呵係片度啦,佢一起身就會叫去厠所!
所以我都覺得好成功!

私人傳訊

AYMK

大宅

積分: 3620

畀面勳章

1284^#

發表於 11-6-21 10:12 |只看該作者

crystalnkp 發表於 11-6-21 04:50
大家好!
好耐無上來大家都講緊介片,我都分享下先!係幾個星期前我同個囡介片,開頭都驚好難,我又唔知佢幾時呵 ...

嘩, 咁真係好成功喎, 曈曈就唔係啦, 無著片, 佢就識講, 一著咗片, 佢就唔肯講, 我又唔敢出街唔著片, 因為怕搵唔到厠所, 就算有我都唔係好敢比佢去, 因為香港厠所實在太DIRTY啦, 就算我沬乾淨放厠板紙,再放BB 板, 我自己都覺得好DIRTY, 唔敢比佢坐落去, 但係曈曈又唔肯比我兜佢去厠所, 成日就話要自己自己...所以我而家真係好頭痕, 唔知點做。

私人傳訊

AYMK

大宅

積分: 3620

畀面勳章

1285^#

發表於 11-6-21 12:11 |只看該作者

有樣野想問下你哋, 唔知你哋識唔識呢:

自從hayden出世後, 我家的水就好弱 (以前唔係的), 直到而家c6先肯搵人嚟睇, 先知原來有野塞住咗條水管, 而家通咗, d水力好勁, 沖涼超爽, 但問題就來了; 因為上年水務處話我哋水錶壞咗 (咁啱佢哋剛剛換新水錶), 原因係因為睇到我哋突然用水量好多, 要追討返前幾年的水費, 但c6已經解釋因為以前係兩人用水, 而家係4個大人 + 1個bb, 但係水務處解釋都唔會差咁遠, anyway, 都係要交返前幾年的額外水費 , 但而家我先知原來當時水管已經塞咗, 咁樣又會唔會影響咗水錶既流量呢, 因為水管塞咗, 咁泵力自然就會大咗先可以泵到水成屋用, 咁樣又會唔會影響咗水錶既走動, 相反如果唔關泵力事, 而家通返條管, 水力勁返, 又會唔會令水錶行得快d, 如果係, 咁d水費咪好"金"...

私人傳訊

cacathepanda

男爵府

積分: 5926

好媽媽勳章

1286^#

發表於 11-6-21 13:11 |只看該作者

crystalnkp 發表於 11-6-21 04:50
大家好!
好耐無上來大家都講緊介片,我都分享下先!係幾個星期前我同個囡介片,開頭都驚好難,我又唔知佢幾時呵 ...

煒煒仲努力中!

私人傳訊

cacathepanda

男爵府

積分: 5926

好媽媽勳章

1287^#

發表於 11-6-21 13:13 |只看該作者

AYMK 發表於 11-6-21 12:11
有樣野想問下你哋, 唔知你哋識唔識呢:

自從hayden出世後, 我家的水就好弱 (以前唔係的), 直到而家c6先肯搵 ...

真係只得有佢講,冇你講?

私人傳訊

cacathepanda

男爵府

積分: 5926

好媽媽勳章

1288^#

發表於 11-6-21 13:25 |只看該作者

講樣煒煒好笑野你聽:-

話說端午節果日晏晝去cwb食飯做節,煒煒哩個鄉下仔都係第2,3次出cwb,係sogo門口果條巴士龍睇到佢目瞪口呆! 佢望住一架又一架巴士,只係識得吖大個口,連野都唔識得講,唔知道可以表達d咩! 媽媽把口就同佢講: d巴士排緊隊 law~ 但個心就諗: c啦!十足一個鄉下仔出城,第日要帶吓佢出多d街至得!

私人傳訊

ShingYan1

大宅

積分: 4442

1289^#

發表於 11-6-21 13:40 |只看該作者

你地點睇???

姐姐睇VCD???
尋晚發現姐姐張床有四隻VCD，懷疑佢係阿仔瞓咗覺時睇? 都唔知話唔話佢好(因為話佢，佢就知我地睇佢d野)? 其實佢一路表現都唔錯，湊阿仔湊得幾好，家頭細務都做得幾好，我地都幾滿意佢。我尋晚問我老公好冇話佢，我老公話驚破壞咗個良好關係，而且如果佢係阿仔瞓咗覺而又做好家務時睇VCD，係咪冇嘜影響呢? 只不過佢唔係睇書、雜誌而係睇VCD姐。其實我地都覺得係唔係幾好，但又覺得佢好似好慘，朝六晚十。但最主要都係佢各方面都ok。其實我今個月尾出糧比佢時都諗住加$160比佢，始終而家出面都好渴市，很難請到個好工人，我同老公講，諗住婉轉d話佢，諗住出糧時同佢講「我諗你都知而家新簽約個d有得加人工，你地舊個批係冇得加，但太太見你湊阿仔湊得幾好，就照加比你啦，你要比心機做呀，不過，太太想再提一提你，就係番工時間唔可以做私人野，例如，講電話、send message、睇VCD等等。」你地話咁樣好冇呢?

私人傳訊

AYMK

大宅

積分: 3620

畀面勳章

1290^#

發表於 11-6-21 13:50 |只看該作者

cacathepanda 發表於 11-6-21 13:25
講樣煒煒好笑野你聽:-

話說端午節果日晏晝去cwb食飯做節,煒煒哩個鄉下仔都係第2,3次出cwb,係sogo門口果條 ...

煒煒叻仔, 有出城經驗, 曈曈只係得一次去灣仔會展經驗咋...真係名副其實既鄉下妹呀...

私人傳訊

leung-baby

男爵府

積分: 6654

好媽媽勳章畀面勳章

1291^#

發表於 11-6-21 13:59 |只看該作者

AYMK 發表於 11-6-20 11:37
謙ma, 上次唔知係咪你提過, 葯房有樣野叫"木刷", 係可以刷走d 黑色架...請問叫咩名呀, 我想買呀, 因為曈曈 ...

獅子bb 發表於 11-6-20 14:18
hayden ma, 我同事介紹用"木刷", 嚮藥材鋪買，好似草水一枝枝一條條咁O既野，我同事個囡用左好得，刷走左D ...

Hayden媽, 謙謙試過用木刷嘞. 初初都ok, 不過之後d漬都係會出番黎. 尤其你話牙肉同牙個d位真係用唔到, 因為會整痛佢. 反而如果佢肯比你用手伸入去, 就用條紗巾慢慢刷.....不過謙謙唔比我整, 成日咬我!!!
無計, 唯有等佢大d自己退, or要等換牙!! Hayden食邊隻奶粉架??

私人傳訊

AYMK

大宅

積分: 3620

畀面勳章

1292^#

發表於 11-6-21 14:12 |只看該作者

ShingYan1 發表於 11-6-21 13:40
你地點睇???

姐姐睇VCD???

唉, 真係唔好以為做"事頭"咁易, 你睇下, 又要諗呢樣又要諗個樣...真係唔簡單呀....
如果係我, 我會考慮埋睇VCD係要用電費, 睇書係唔駛用電費喎, 不過睇VCD又會有幾貴電費呢, 反而係驚佢整壞咗部VCD機囉, 因為佢D VCD實係 "香皂"啦....BTW, 你C6又講得好啱, 佢又無影響到工作, 佢只係休息下啫....

我橕你既決定, 但係唔好講明VCD喇, 費時佢估到你摷佢D野, 你可唔可惋轉D講, 如果有D咩電器 (當然係要比佢覺得VCD機係舊野, 好易壞, 成日食碟) 比你發現係比佢用到壞咗的話, 你會係佢份糧度扣錢, 你估佢又會唔會醒水呢, 仲有, 你可以講, 有D野唔好以為我唔出聲就代表我唔知, 其實我係知的, 只係我比緊機會你, 但係你既機會唔會一直到永遠. (咁講會唔會好似太嚴重呀)..

私人傳訊

leung-baby

男爵府

積分: 6654

好媽媽勳章畀面勳章

1293^#

發表於 11-6-21 14:16 |只看該作者

ShingYan1 發表於 11-6-21 13:40
你地點睇???

姐姐睇VCD???

我家姐姐連magazine都無得睇（係無時間睇）, 做咗2年幾都唔識開我個電視(因為我由day1開始無教佢, 只係比佢開CD比謙謙聽音樂). 開電視睇bb dvd就等我返屋企親子時間先做．
bb訓咗教, 屋企大把野做, 又點會仲有時間可以睇vcd?? 呢d野當然係佢自己放假時出面做啦. 佢嘅娛樂無理由要我提供(電視/dvd機)!
如果你唔想咁hurt佢, 可能要靜雞雞轉過d setting, 唔比佢自己開到，佢就可能知你發覺. 不過可能連家僖日頭都無碟睇lu~~唔好諗住比咗＄＄佢就唔做私人野，兩樣野黎架．不過最緊要睇下你想要咩啦，人始終無十全十美！

私人傳訊

AYMK

大宅

積分: 3620

畀面勳章

1294^#

發表於 11-6-21 14:16 |只看該作者

本帖最後由 AYMK 於 11-6-21 14:31 編輯

leung-baby 發表於 11-6-21 13:59
Hayden媽, 謙謙試過用木刷嘞. 初初都ok, 不過之後d漬都係會出番黎. 尤其你話牙肉同牙個d位真係用唔到, 因為 ...

食明治囉, 但係佢之前無架, d牙仲好白好靚添, d黑漬係呢幾個月開始先有...
Hayden都唔肯比我用手, 最多幾下咋, 之後就咬我啦...我係怕越積越厚變蛀牙喎, 會唔會架?

其實你知唔知"木刷草" 係咩嚟架? 有無葯性?

私人傳訊

獅子bb

禁止訪問

積分: 3272

好媽媽勳章

1295^#

發表於 11-6-21 14:57 |只看該作者

提示: 作者被禁止或刪除內容自動屏蔽

私人傳訊

leung-baby

男爵府

積分: 6654

好媽媽勳章畀面勳章

1296^#

發表於 11-6-21 15:00 |只看該作者

AYMK 發表於 11-6-21 14:16
食明治囉, 但係佢之前無架, d牙仲好白好靚添, d黑漬係呢幾個月開始先有...
Hayden都唔肯比我用手, 最多幾 ...

我都唔知係咩, 不過應該係中藥一種, 因為要去藥材店先有得買.
係睇下呢條link, 有個nurse講話呢d唔係蛀牙, 亦無害, 只係外觀問題.

http://www.discuss.com.hk/archiver/?tid-10628517.html

所以都係唔好太在意. 我一日同佢刷2次牙做咗本份就算. 遲d先帶佢去洗牙.