吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 影視娛樂› "Apple關仁隱事"一齊諗

影視娛樂今日: 1|主題: 16126

收藏本版

發帖

返回列表

跳至頁

樓主: 22May

"Apple關仁隱事"一齊諗

[複製鏈接]

63 646566 67...84

144

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1281^#

發表於 14-4-14 12:51 |只看該作者

關仁隱事：「熱辣辣」陰毒搶「大口妹」戲

能夠喺娛圈成為一線阿姐，肯定有佢本事之處，「熱辣辣」就係一個好例子，佢嗰種積極簡直嚇親人，最近「乜太」公司要開拍大片，請咗一班老友大明星嚟演出，乜太人緣咁好，大把明星答應嚟幫手，其中女主角定咗畀「大口妹」演，點知熱辣辣知道後打畀乜太，話可唔可以畀佢演女主角，叫大口妹演另一個角色，但因為乜太一早同大口妹傾咗，所以冇答應佢嘅要求。

爛戲照接
其實早兩年熱辣辣傾緊部新戲時，睇完劇本唔多喜歡，但佢冇推，仲去說服已推咗部戲嘅「蠟燭」做男主角，蠟燭話：「你明知劇本唔好，點解要接，仲要我一齊演出？」熱辣辣話：「劇本係唔好，但我哋唔接就將機會讓咗畀人，點解要增加自己嘅競爭者呢，接啦！」佢嘅諗法都幾奇怪，關仁都要向佢寫過服字！

「熱辣辣」= 飯冰冰

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1282^#

發表於 14-4-14 12:54 |只看該作者

關仁隱事：「Pizza」冇人搵唔夠騷

公仔箱好多藝人做唔夠騷，到上頭同佢傾約時，就會話冇人願意搵佢哋做嘢，續約時就會俾人壓價，又或者簽新約時要你還清晒啲舊騷先至開始份新約，極唔公平。咪以為唔夠騷嗰啲通常係三、四線藝人，原來江湖地位超然嘅「Pizza」，最近都一樣做唔夠騷，唔知乜原因冇乜人搵佢做嘢。由於Pizza非一般藝員，藝員部冇可能喺佢約滿時要Pizza還完騷先至開始新約，Pizza一定會鬧到反枱，所以近日內部惟有急急開個飲食節目畀佢做嚟補鑊。

「Pizza」= Liza姐

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1283^#

發表於 14-4-15 09:41 |只看該作者

關仁隱事：「阿蟲」告枕頭狀

「遲到」近日佛都有火，開咪勁鬧同公司嘅「口水佬」，有指原因係口水佬背住遲到笑佢男友「阿蟲」冇鬼用，單睇牌面，阿蟲同遲到嘅關係真係女尊男卑，男嘅又唔係咁爭氣，做極都係咁霉。
關仁聽聞口水佬係冇唱過阿蟲，早前仲益阿蟲客串拍戲，當時嘅戲份都有少少笑阿蟲同遲到嘅關係，不過阿蟲為咗賺錢又冇出聲，估唔到最小器係佢，結果走去向女朋友詐嬌告枕頭狀，關仁都估唔到遲到咁愛男朋友，願為佢發火。

「阿蟲」= 流浩膿
「遲到」= 溶早2
「口水佬」= 杜聞窄

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1284^#

發表於 14-4-16 10:04 |只看該作者

關仁隱事：「多多」拖小三出埠斷正

「大聲妹」俾「多多」飛甩之後，不停喺背後唱衰多多，狂鬧佢係花心鬼，雖然多多否認劈腿，不過關仁聽聞佢真係搭上小三「噹噹」，早排兩個仲拍拖去日本旅行，兩人分開出發以為神不知鬼不覺，點知去到日本，偏偏俾個幕後人撞到，當時佢哋戴晒帽遮掩，由於多多唔係高大威猛型，企喺人堆中真係唔易發覺，以為可以瞞天過海，可惜百密一疏，俾大聲妹知道，梗係激到紮紮跳，事關大聲妹份人好鬼要面，自恃有樣有身材，估唔到俾仔飛，梗係有咁衰唱到舊愛咁衰啦。

「大聲妹」= GEM
「多多」= 淋又加
「噹噹」= 丁聞奇

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1285^#

發表於 14-4-17 09:09 |只看該作者

關仁隱事：「雨粉」夾新聞晒命

俗語都有話幸福並唔係必然，即使𠵱家好幸福都唔需要四圍晒，之不過唔少人就真係好鍾意晒命，就好似「雨粉」，近年返內地搵到少少人仔，加上又咁好彩識親嘅男朋友都非富則貴，難怪成日俾記者影到去行名店同睇樓，全部都係啲千億阿太嘅生活節目。你話咁啱俾記者撞到就冇得好講，但原來雨粉好鍾意同少部份傳媒朋友夾影佢呢啲生活片段，唔怪得早期接住都咁啱有佢呢啲報道，原來全部都係雨粉精心安排。

「雨粉」= 你啋嘩

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1286^#

發表於 14-4-22 09:27 |只看該作者

本帖最後由 22May 於 14-4-22 10:08 編輯

關仁隱事：「小雲」飛上枝頭即變臉

「小雲」出道幾年都撈唔起，接親都係啲二打六角色，為咗維生仲要出去兼職賺錢。不過小雲最近真係轉運，俾「大嚿」老細睇中話肯捧佢，有機會飛上枝頭；關仁聽講小雲對人嘅面口即時唔同晒，以前為咗求人畀機會拍戲，講嘢會陰聲細氣兼好客氣，𠵱家有人搵佢客串角色，佢就連電話都唔接，只係傳短訊叫人搵自己助手，而且不停喺大嚿身邊學是學非，希望將身邊有機會上位嘅敵人一一鏟除，呢啲上位手法好多同行都睇唔過眼，等睇佢幾時俾大嚿玩厭打回原形。

「小雲」= 9姑娘

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1287^#

發表於 14-4-22 09:28 |只看該作者

關仁隱事：「錦鯉」赤腳怪癖
老婆匿埋喊

關仁聽聞「錦鯉」份人我行我素，一向唔理世俗眼光，做自己鍾意做嘅事。平時拍劇開工，錦鯉最鍾意捉住身邊人吹水，閒閒哋講幾個鐘，雖然佢老婆「草草」都成日同佢鬧交，叫佢講少句，不過錦鯉一於少理。

被笑騎呢
最近錦鯉竟然有所頓悟，事緣佢有個好奇怪嘅習慣，就係好鍾意唔着鞋落街跑步，其實無傷大雅。草草身邊朋友、親戚不停笑佢老公好古怪，某日錦鯉見到老婆匿埋喊，覺得好心痛，所以決定戒咗唔着鞋嘅習慣，所以話男人真係敵唔過女人嘅眼淚！

「錦鯉」= 塵錦紅

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1288^#

發表於 14-4-22 09:29 |只看該作者

關仁隱事：帶30幾個跟班
「白兔」奄尖難服侍

𠵱家有幾個泡菜仔明星喺內地都好紅，所以內地唔少機構都好肯使錢請佢哋去做騷，好似早排有個泡菜仔「白兔」就去咗內地做活動，咁就袋咗成千萬人仔，不過關仁聽某五星酒店高層講，白兔此行搞到天怒人怨。

即搭羽毛球場
話說白兔入住某間五星酒店，帶咗成30幾人嚟，佢班隨從喺酒店使人唔使本，而白兔入住酒店第一日，就忽然興起話要打羽毛球，但又唔想出去打，結果就叫酒店即刻搭個臨時羽毛球場畀佢打波。
酒店知道佢係貴賓，當然會滿足佢嘅要求，點知用咗幾粒鐘搭咗個羽毛球場畀佢後，仲要俾佢投訴話啲線畫錯晒，叫佢哋再搞過，雖然佢係貴賓，但咁樣使人唔使本，搞到酒店啲職員滿肚怨氣。

「白兔」= 金瘦鹽

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1289^#

發表於 14-4-22 09:30 |只看該作者

關仁隱事：「脆鱔」嫌棄三線女星

「脆鱔」表面上又靚又溫順，所以好得宅男歡心，加上佢好識冧高層，所以就算佢做戲麻麻，都成日有機會擔正做女主角。
雖然脆鱔𠵱家仲係上緊位階段，但已經當正自己係一姐，話說早排有個客戶諗住搵脆鱔同另一個三線女藝人去歐洲拍特輯，因為budget唔大，所以同脆鱔講要兩個女藝人一間房，點知脆鱔嫌嗰位三線女藝人，覺得自己級數應該自己一間房，堅拒跟人同房，客戶計過條數之後覺得唔化算，咪索性放棄脆鱔搵過第二個，今次真係倒自己米！

「脆鱔」= 黃脆魚

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1290^#

發表於 14-4-22 09:31 |只看該作者

關仁隱事：「笑臉虎」雙面人

「笑臉虎」成日苦口婆心導人向善，但其實都係人前人後兩個樣。有次笑臉虎搞咗個大型慈善活動，專登叫電視台幫手採訪做宣傳，鏡頭後不停呼喝啲採訪隊影呢樣、影嗰樣，人哋又唔係幫佢打工，但笑臉虎一副老細格，已令人覺得佢好討厭。估唔到一開機，笑臉虎即刻好恭敬，又擺出一副好慈祥嘅樣對住鏡頭叫人多做慈事，同場嘅人見到都覺得好惡心。

「笑臉虎」= 真至矮

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1291^#

發表於 14-4-23 09:27 |只看該作者

關仁隱事：「嬸嬸」輸獎發爛渣

鬥好戲頒獎禮已經塵埃落定，最後由大熱「大鼻星」擊敗咗「老爺」同「撩交打」，好多人都好想知道，佢哋到底差幾多票，不過呢個都係個謎，因為唔會公開。曾幾何時，鬥戲大會都試過開票，但最後都要取消呢個制度，原因要多得早幾屆輸咗嘅「嬸嬸」，話說佢同「海鮮」都係嗰年大熱，最後海鮮成為影后，嬸嬸條氣唔順嘈到去鬥戲大會，話要公開得票率，為咗息事寧人，大會惟有開估，唔開猶自可，一開搞到嬸嬸好冇面，原來佢被大幅拋離，搞到嬸嬸嘈生晒，最後大會話事人嬲到話以後唔公開票數。

「大鼻星」= 將+揮
「老爺」= 涼潮偉
「撩交打」= 王抽生
「嬸嬸」= 唔君魚
「海鮮」= 將PG

點評

simple430 我覺得「嬸嬸」不知所謂 , 佢 d 演技............

發表於 14-4-23 10:17

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1292^#

發表於 14-4-23 10:46 |只看該作者

simple430 : 我覺得「嬸嬸」不知所謂 , 佢 d 演技..........

100% agree!!

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1293^#

發表於 14-4-24 11:10 |只看該作者

關仁隱事：「書枱」樣樣都投訴

女星「書枱」今時今日梗係威，個個名牌都爭住搵佢合作做商演，但佢嘅合作條件出名好辣，之前要簽定合約，講明要檢閱記者問乜問題，唔可以問私人感情嘢，又要求只可以畀大會攝影到場內拍攝，唔可以亂影佢相。書枱有次出席內地活動，忽然通知所有香港傳媒話唔做訪問，搞到啲公關左右做人難。佢對近身衣物都好有要求，試衫要有裁縫在場，又要試晒所有大半號、細半號嘅鞋，住一兩晚酒店又嫌人哋張床太軟，乜都要投訴，好多公關都話唔少內地女星難相處，但講到最難頂都係書枱咯。

「書枱」= 將紙2

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1294^#

發表於 14-4-25 09:07 |只看該作者

關仁隱事：「多嘴」睇生仔聖手

今次又再講到「多嘴」同「蜜蜂仔」呢一pair，之前關仁爆咗話女方媽咪去拜神，希望個乖女可以順利嫁入男家，點解？咪又係因為男方有錢，佢仲話如果唔係蜜蜂仔有錢，絕對唔會畀個女同個老嘢拍拖，咁又係，雖然外表多嘴同蜜蜂仔好合襯，但其實佢哋相差成十幾年。但係關仁近日又聽到多嘴為咗嫁畀蜜蜂仔真係無所不用其極，有人話見到女方秘密去睇圈中生仔聖手，唔使講都係想為男方一擊即中，睇唔出原來多嘴真係咁恨嫁。

「多嘴」= 唔千乳
「蜜蜂仔」= 淋瘋

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1295^#

發表於 14-4-28 09:25 |只看該作者

關仁隱事：「爛仔」爆粗鬧茶水阿姐

出名唔鍾意去卡拉OK嘅「爛仔」，之前俾人爆佢對幕後人員好差，成日粗口問候，當事人即刻對號入坐出嚟否認。不過，話明係爛仔，行內嘅人都知道佢爛口冇品，雖然俾人踢爆咗對幕後人員態度好差，但佢竟然冇檢討同收斂。

亂發爛渣
話說關仁有位將軍澳嘅街坊朋友報料，指日前爛仔喺某個商場拍嘢，雖然四圍有街坊睇熱鬧，但佢都公然爆粗問候茶水阿姐，先係話人手腳慢，再加一連串粗口問候人哋，轉頭爛仔仲怒睥埋關仁位朋友㖭，嚇到位朋友即刻閃人。

「爛仔」= 唔唱K

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1296^#

發表於 14-4-28 09:26 |只看該作者

關仁隱事：粉絲上機偷拍「白兔」𤷪𤺧

泡菜仔喺中港台咁受歡迎，內地唔少廣告同商演都搵晒泡菜仔女嚟做，趕絕晒中港台明星搵銀機會，而且每次佢哋嚟都要包機同私人保安，要求多多。關仁呢兩日去咗泡菜國，約咗某大經理人公司要員飲咖啡，同佢講起泡菜明星架子越嚟越大，佢解釋話佢哋去內地要求包機同保安係事出有因㗎！

網上公開相片
好似「白兔」有次去北京拍廣告，當時以為冇人知，佢只係坐商務艙，點知內地粉絲搭飛機去泡菜國，然後同佢同班機，仲坐埋商務艙，然後係咁偷影佢，當時佢啱啱拍完套劇去內地做嘢，仲係好攰，所以上到機唔理咁多，大字形咁瞓，但班內地粉絲係咁偷影，然後放晒上網，瞓覺咁私隱嘅事俾人公開晒，搞到佢鬼咁唔開心，所以以後去內地，經理人公司就有呢啲要求。
我哋香港嘅「勤力王」每次返內地都要求包機，聽講因為有同樣遭遇，不過勤力王瞓覺前已發現有粉絲監視，所以唔敢瞓，但就周身唔舒服，覺得好受騷擾。

「白兔」= 金瘦言
「勤力王」= 牛華

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1297^#

發表於 14-4-28 10:53 |只看該作者

關仁隱事：「陽光仔」背正印𠝹女

「陽光仔」同「大咪咪」拍拖多年，大家都催佢哋快啲拉埋天窗，尤其佢哋信咗教後，唔可以有婚前性行為，陽光仔成日都同人講話忍得好辛苦。關仁以為佢真係對女友一條心，但有二五話陽光仔其實好花弗，離唔開男人鍾意滾嘅天性，早排佢喺內地拍劇，一拍就逗留幾個月，二五話陽光仔搭上咗內地奀星，成日偷偷哋密會以為神不知鬼不覺。點知呢位奀星將兩人合照擺上微信晒命，朋友睇到問佢哋係咪拍拖，奀星支支吾吾故弄玄虛，好在仲未傳到大咪咪耳邊，陽光仔已經收到風速撇奀星，做番形象討好嘅男友。

「陽光仔」= ??
「大咪咪」= ??

點評

Imel 「陽光仔」= 孫耀威「大咪咪」= 陳美C 發表於 14-4-28 12:22

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1298^#

發表於 14-4-29 10:14 |只看該作者

回覆 22May 的帖子

RE: Imel 「陽光仔」= 孫耀威「大咪咪」= 陳美C 發表於昨天 12:22

兩個偽人

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1299^#

發表於 14-4-29 11:53 |只看該作者

本帖最後由 22May 於 14-4-29 14:03 編輯

關仁隱事：「小黃花」被倒米劈炮

公仔箱對藝人太嚴格，近年搞到有才華嘅藝人都離開，寧願北上賺人仔。關仁聽聞有演技又有觀眾緣嘅「小黃花」，本來同公仔箱嘅賓主關係非常好，但早排都突然離開，唔係小黃花唔飲水思源，而係公仔箱高層「快活」倒佢米，令小黃花冇癮劈炮。
關仁聽聞有個廣告商想用七位數字請小黃花做代言人，好多細節都傾到七七八八，但快活最後唔放人搞亂檔，結果令小黃花拍唔成廣告，佢一氣之下約滿即刻鬆人。

「小黃花」= ? 有演技又有觀眾緣 ?
「快活」= ?