本帖最後由 moonlight9198 於 12-9-5 13:19 編輯
今日新話題: 神婆
神婆通常分3類 :
1. 問米,
2. 問事,
3, 驅邪病,
1. 問米既人, 佢地係請已故既先人上黎陽間,
再上個問米婆身, 借問米婆把口說話,
通常都係3月,7月,9月, 呢D陰月,
會比較準, 點解呢D通常係女人做多,
因女人屬陰, 易上身D, 佢地通常就會唱下D好似山歌咁,
又會同米同雞蛋, 紅繩黎問米既,
呢D通常係要黎問米既事主買黎既,
咁先至有用, 好似用黎開陰路既,
但現時響HK既有料問米婆, 真係唔係好多,
因好多有料既已經先遊, 而家好多係準D唔準D既,
呃呃下, 掠水, 搵 $$既多, 但亦可能真係仲有D有料既,
只係緣到唔到, 大家遇唔遇到咁啦,
佢地多數係有D遺傳因子, 亦有師傅收徒弟既,
或有呢個叫做仙緣啦.
2. 問事既人, 呢D同以上既問米婆不同之處,
佢地大多數, 自細就對靈界有D感應,
自少就會同靈界打交道,
或前生帶左呢D感應黎今世,
聽到或見到靈界既,
所以當有人問事既時候,
佢地就會借助靈界既 ( 非人),
查下係乜野事, 再轉告番比個問事既人知,
佢地唔會比先人上身, 只會用心靈感應,
或眼或耳去同靈界溝通.
3.驅邪病既人, 通常有D人比靈界既 ( 非人)攪,
去求助佢地, 佢地就會借另一種法門去幫人驅邪,
但如果佢地既力量低於受害人, 咁未必可以幫到,
反而仲令受害人更辛苦, 所以如果真係有呢D事發生,
都係搵番正宗既教派既人去幫手,
佛教, 道教, 天主教, 基督教等都可以,
我可以話比大家知, 神仙又好, 佛菩薩都好,
唔會男神落女身, 亦唔會女神落男身既,
以上3種既神婆, 佢地係請神定請靈界既,
我唔響度評論喇, 因呢3種人,
我之前因某件事, 真係見唔少,
有好既, 真係幫人既,
亦有唔好既, 掠水, 呃人既,
所以當大家要搵以上呢D人既時候,
要小心聽清楚佢地所講既野,
再分析下先, 唔好佢地話比 $$做事, 或做法事,
你地就做, 要做超渡法事, 可以搵正料既佛教, 道教,
如果個神婆真係出心幫你地就好, 如果唔係,
$$就用左, 又幫唔到既, 就得不償失架喇.
P.S. 以上係我多年來所知, 所見既情況,
或者仲有其他因素, 呢個我就唔知喇.
我都想搵個有料既問米婆, 搵兩個親人上黎,
想知佢地現時既情況係點, 生活得好唔好,
但我未遇到個有料既問米婆,
所以好耐都未去問過.
一切有為法 如夢幻泡影 如露亦如電 應作如是觀
欲知前世因 今生受的是 欲知來世果 今生作的是
大千世界 無罣無礙 自去自來 自由自在 要生便生 莫找替代
發表於 
, 比我真係做唔掂 
mouth:
返回列表
