好耐冇留言，因為ＢＫ成日上唔到，而家update吓情況。乳腺炎基本上好番，不過，左邊依然唔係好通，耐唔耐又塞，好鬼死痛，為免又發炎，我會盡量用手搾清或者俾ＢＢ食，我估我左邊其實塞咗好耐，只係之前冇嚴重到發炎，我左邊乳頭又係有幾個白點，試過用針挑，挑唔穿仲流血，搞到我都唔敢再挑，囡囡又食唔清，而家唯有盡量俾囡囡食同泵清，由於囡囡已經食兩餐粥仔或米糊，我基本上唔需要太多奶，咁自從乳腺炎開始泵得少咗之後，而家每次泵都係得四五安，番工兩次加夜晚一次，大致上都可以應付囡囡食量，我諗住都應該減產，費時之後再塞。
上星期五豬扒妹９個月checkup，佢居然比兩個月前只係重咗６安士，長咗兩吋，佢而家坐得好穩，仲開始周圍抓嘢，個patpat郁下郁下可以去到好遠，佢仲好大力，一扭計就大力推開你，我阿媽都就嚟頂佢唔住。醫生話豬扒妹樣樣都正常，佢俾人連拮兩針都唔喊，仲同個醫生笑，個醫生仲話好impressed，居然有ＢＢ打針笑。不過，個醫生都想下個月再檢查一次，跟進佢的進度，仲叫我俾多Ｄ糊仔，唔好俾白粥佢食，因為只有澱粉質，唔夠米糊有加鐵質同維他命Ｄ等。
今個星期輪到囝囝唔舒服，星期五晚開始發燒，兩日後咀唇生瘡，囝囝拍俾我睇話Ｄ牙仔痛痛，我摸到好似出大牙，托兒所個主人話驚係手足口病，醫生話唔係，只係virus，一個星期至十日會好番，但今日情況仲好似嚴重咗，Ｄ病徵仲十足十手足口，聽日要再同佢見醫生，希望搞清楚係唔係，如果係就要隔開豬扒妹同唔返托兒所。囝囝而家食唔落嘢，因為個咀痛，擦牙又流牙血，仲影響佢Ｄ濕疹，睇見佢喊同唔舒服，真係寧願病果個係我。。。
花旗太太生活在花旗國，留意時差，你問我未必即時答到。
我想要9999呀...
發表於 
返回列表
