James&Simon 寫道:
請問那裡有無咖啡因的咖啡?因我每天一定要飲一杯.
另外請問可否食以下東西~
1. 提子乾 (想加落沙津)
2. kfc
3. 麥樂雞
4. 牛仔骨
唔好意思! 請各位幫幫忙??
ERICBB 寫道:
朗軒媽媽
西抽係咪一定好酸呢?
我想問下點樣揀西抽先甜架.
ondiet57 寫道:
hi 咁多位,
我好有誠意咁睇晒80幾頁,真係好多料要分幾日先睇得晒.
我同我家姐尋日開始左跟呢個餐單,我地2個今朝都輕左2磅.好
尋日食完午餐3個鐘後就開始有d餓,不過都頂到去食晚飯先食野.食完晚飯唔夠3個鐘又餓又累,就咩都唔理走去訓覺.到今朝起身重有d頭暈暈,有d驚架,不過一過磅就唔理啦(因為有輕到嘛).食完早餐就好番lu,應該係血糖低一時未適應卦.我會注意亦唔會勉強,唔得就算,一切以健康為重.至於大大,我2日都有2次喎,仲幾順添.小便就好多,加上我飲幾多茶,我鍾意飲茶所以幾乎都係茶代水.
我本身163cm57kg.睇落唔係好肥,之前去body check係算標準喎,因為佢做好多野,又測脂又剩.不過營養師都話數字係參考,可以減d會好d :-(
我個女2歲啦,自從佢既出現就搞到我成隻豬婆咁.大肚時重左20kg,生完到依家就多左7kg.好想將呢7kg送走啊!!
大家一齊努力啦!
rikaG 寫道:
Doris, Bigbigcat 講個d 溥公英茶係唔係植物個隻"蒲公英"ar? 我驚買錯ar, 同埋你用幾多來沖水? 咩味架?:-P
晴B媽 寫道:
我搵到資料:
根據阿特金斯理論，節食者應該完全禁絕麵包和飯等高碳水化合物食物，並從不同地方攝取脂肪，因為碳水化合物被人體消化後會轉化成葡萄糖，葡萄糖過多會成為脂肪儲存體內。如停止攝取碳水化合物，身體便會將脂肪燃燒。換言之，這方法是避免進食含澱粉質及含糖份的食物，但並沒有限制食肉的份量，而且烹調方法亦可隨意。
然而，這減肥餐單的營養極不均衡。一個低碳水化合物的飲食通常缺乏纖維質及一些礦物質，容易導致便秘及營養不良。而且，高蛋白質飲食通常亦含過多脂肪及膽固醇，對心臟健康有不良影響。
阿特金斯醫生2003年底去世，生前體重達117公斤，《華爾街日報》引述紐約市立醫院驗屍報告說，在他去世前曾心臟病發作，並有充血性心臟衰竭以及高血壓。阿特金斯的太太柏蓉妮加強調，主治醫生肯定她丈夫的死因與節食絕對無關。不過，阿特金斯創立的營養公司，突然一百八十度轉變，警告奉行此法的人士節制食肉，免攝取過量脂肪影響健康。阿特金斯營養公司提供的最新減肥指引是：碳水化合物仍然要戒，但主要食物由肉類轉移至蔬菜的不飽和脂肪。
CanKan 寫道:
各位媽咪,
我12日共減去5磅, 過程係第4日磅的時候, 好似輕左一兩磅, 但唔肯定; 第五日食完午餐後, 跟手要去廁所, 食完晚餐一樣, 到磅的時候好肯定輕左5磅. 個感覺好似食左肉後開始幫手分解脂肪感, 唔知有冇其他媽咪有lee個情況? 因之前冇聽到其他媽咪提過.
今日係完成第一階段後的第7天, 係7天裹面, 我有食飯, 米粉, 雪糕等, 但我儘量控制飯只係食半碗, 肉同菜照食, 到今朝起身返工前磅都冇反彈, 仍然輕左5磅.
之前見到d媽咪提到長期食lee個餐可能唔ok, 我都覺得係, 待減到理事磅數便應停止, 或久唔久食黎keep住下, 應該唔會有大問題.
我打算等身體適應左而家個磅數之後再開始round 2, 初步訂10月24日再戰江湖, 如果第2round 都有成績, 我會買個電子磅, 等磅時唔使估估下, 況且正如其他媽咪所講, 減肥係長期戰鬥, 我地大家一齊努力, 互相鼓勵, 預祝我地減肥成功, 個個達到理想磅數, 做個靚靚媽咪.
cankan
發表於 
返回列表
