吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 有冇靈異事件發生係你地或朋友身上!? (Part 2) ...

自由講場今日: 789|主題: 1360559

收藏本版

發帖

返回列表

跳至頁

樓主: jennifer_bc

有冇靈異事件發生係你地或朋友身上!? (Part 2) [複製鏈接]

65 666768 69...101

ww?

大宅

積分: 2146

1321^#

發表於 07-9-9 10:47 |只看該作者

嘩!你好大膽呀～

原文章由 062004 於 07-9-8 17:07 發表
同1酒店同1層樓唔同房.

如常工作, 如常休息, 第1晚,訓到半夜聽到自己浴缸個水喉突然大開, 我本人好容易醒既人, 我就算醒咗唔會即刻打開隻眼, 咁我仍然咪埋對眼,但好留心係咪真係d水聲來自自己浴缸個水喉, 問案:係. ...

私人傳訊

gusi

大宅

積分: 1325

1322^#

發表於 07-9-9 13:34 |只看該作者

咕b

, 我都係咁話

Ruby

, 快 d 返黎講故仔, 重有冇jack

原文章由咕b 於 2007/9/8 10:55 PM 發表
咁快又咁多頁喇追到斷咗氣........

私人傳訊

katherine612

公爵府

積分: 27320

1323^#

發表於 07-9-9 14:19 |只看該作者

原文章由 062004 於 07-9-8 17:07 發表
同1酒店同1層樓唔同房.

如常工作, 如常休息, 第1晚,訓到半夜聽到自己浴缸個水喉突然大開, 我本人好容易醒既人, 我就算醒咗唔會即刻打開隻眼, 咁我仍然咪埋對眼,但好留心係咪真係d水聲來自自己浴缸個水喉, 問案:係. ...

酒店通常都好多XX

私人傳訊

819mimi

洋房

積分: 305

1324^#

發表於 07-9-9 14:53 |只看該作者

原文章由 jennifer_bc 於 07-7-17 01:32 AM 發表
我都信阿曾經一屋村閉路電視長期有個男人企咗係lift入面不過佢係面向lift角架 ............有無人知尼個故事阿 ...

應該係部閉路電視壞咗,仲留住最後個影像,
我都見過,應該無野

私人傳訊

rubytang

子爵府

積分: 12706

1325^#

發表於 07-9-9 20:22 |只看該作者

原文章由 bebee0526 於 07-9-8 23:15 發表
我晚晚追
今晚ruby唔知去左邊呢
等到頸都長埋

hi, bebee~
唔好意思, 要你地等我咁耐,
不過, 我諗或者聽日先至會出新post ,
因我呢兩日都俾亞印印玩死了~~

尋日晏晝我同亞媽lunch去飲完茶,
咁諗住一邊行下街咁順路返屋企啦~
點知我細仔行行下就眼訓, 扭我抱住佢行,
咁行到差5多到我媽屋企時,
我媽就打電話叫亞印印落黎幫手抱佢上樓,
點知好耐先見佢柺柺下咁行落黎, 問佢做乜,
佢話頭先係樓梯度跌親,
我咪同佢講你小心d行先得架~ 你有無事呀~ 佢話扭親隻腳,
我就叫佢上去坐下唔好行黎行去啦~
咁返到媽屋企, 印印就係度喊, 話隻腳好痛,
我就攞左d藥酒出黎, 我細佬個兩個工人就幫佢捽囉~
我問佢洗唔洗去睇e生, 佢又話唔去, 話捽下就得,
點知到左夜晚, 佢隻腳好腫, 又行唔到,
好彩我爸有個朋友係跌打e生, 就漏夜過黎幫佢睇下,
原來佢拗柴, 成隻腳踭都腫到好似豬蹄咁,
初初死都仲話唔要睇e生, 後來我嚇佢唔睇會行唔到路,
佢先死死地氣話睇咋~

爸個朋友黎到話佢真正既拗柴, 佢甩左胶喎,
嘩~ 俾著係我都痛死啦~ 仲要咁鬼硬頸話唔睇~
真係俾佢激到彈起呀~
跟住幫佢整完之後, 佢夜晚就話"太太, 我好痛呀, 又點又點咁~"
我咪又成晚走出走入去攞藥俾佢食囉~
好彩我有d幾正既止痛藥, 佢訓覺前就食左兩粒,
我又俾定d藥佢今朝食, 依家叫做好d啦~
但我叫左佢成晚唔好行來行去, 佢梗係唔聽,俾佢激死~
叫佢坐係度唔好行, 搵張櫈仔浪起隻腳, 佢都唔聽既,
又要係度嗌痛, 後來我真係話到發火,
佢先至死死地氣搵張櫈黎咋~
都唔知點解d人咁鬼死硬頸既~ 自己隻腳痛架嘛~

私人傳訊

katherine612

公爵府

積分: 27320

1326^#

發表於 07-9-9 22:58 |只看該作者

原文章由 rubytang 於 07-9-9 20:22 發表

hi, bebee~
唔好意思, 要你地等我咁耐,
不過, 我諗或者聽日先至會出新post ,
因我呢兩日都俾亞印印玩死了~~
尋日晏晝我同亞媽lunch去飲完茶,
咁諗住一邊行下街咁順路返屋企啦~
點知我細仔行行下就眼訓 ...

你個印印咁硬頸

咁邊個幫你睇仔

私人傳訊

rubytang

子爵府

積分: 12706

1327^#

發表於 07-9-9 23:21 |只看該作者

原文章由 katherine612 於 07-9-9 22:58 發表

你個印印咁硬頸
咁邊個幫你睇仔

Hi, kat~

唏~ 有邊個幫我睇仔丫~咪我自己囉~
好衰唔衰,尋日我老公要返工, 咁就得我一個睇兩個,
仲要睇埋個工人添~
我做野都算快趣架啦~ 一返去就同D仔沖涼先,
跟住就去廚房洗埋D野, 咁楊楊話想食啫喱,
咁我咪整好晒放左入雪柜就去沖涼啦~
都唔知個印印係咪諗住乜都唔洗做就唔理,
見佢兩個走入廚房都唔叫住佢地,
吼我沖緊涼就想攞D啫喱黎食, 咁o岩o岩先擺入去,
邊有咁快整好啫, 咁又打潟晒係雪柜入面,
我沖完涼出黎, 皋皋話細佬整到通雪柜都係啫喱水呀~
咁我又要馬上去整理清潔, 都唔知點鬼樣整既,
倒到成個雪柜都係, 我又要將入面d野全部攞晒出黎,
成個雪柜由頭抹一次, 抹到我死死下~

搞到又成身大汗, 又要去沖多次涼~
好啦~ 搞點晒, 又到亞印姐係度呻, 又話點又點,
我又要好似亞四咁, 滕出滕入去攞藥俾佢,
仲要斟埋水俾佢食藥呀~
最衰亞楊尋日又好似有d傷風鼻塞塞咁款,
我又要餵佢食藥, 點知佢又嘔, 搞到通地都係,
我又要去抹一餐死~
總之尋晚搞完佢地去晒訓覺, 我都成兩點, 有乜辦法上黎傾丫~
今朝未夠9點又俾亞楊嘈醒, 又要去搞佢地食藥,
好彩老公10點零返左黎, 跟住教完皋皋做功課就一齊去食lunch,
晏晝頂唔順係亞媽度訓左個零鐘, 依家叫做無咁攰囉~
o岩o岩先至pan左佢地入房訓,
我都好攰, 所以, 諗住聽日先至出新post 囉~

私人傳訊

kayingivy

伯爵府

積分: 18129

好媽媽勳章醒目開學勳章

1328^#

發表於 07-9-10 13:09 |只看該作者

原文章由 rubytang 於 07-9-9 23:21 發表

Hi, kat~

唏~ 有邊個幫我睇仔丫~咪我自己囉~
好衰唔衰,尋日我老公要返工, 咁就得我一個睇兩個,
仲要睇埋個工人添~
我做野都算快趣架啦~ 一返去就同D仔沖涼先,
跟住就去廚房洗埋D野, 咁楊楊話想食啫喱,
咁我咪整好 ...

真係辛苦晒，等你出新post

私人傳訊

rosayiu

別墅

積分: 600

1329^#

發表於 07-9-10 13:12 |只看該作者

rubytang,
可唔可以俾我大叫一聲"你係我偶像"

原文章由 rubytang 於 07-9-9 23:21 發表

Hi, kat~

唏~ 有邊個幫我睇仔丫~咪我自己囉~
好衰唔衰,尋日我老公要返工, 咁就得我一個睇兩個,
仲要睇埋個工人添~
我做野都算快趣架啦~ 一返去就同D仔沖涼先,
跟住就去廚房洗埋D野, 咁楊楊話想食啫喱,
咁我咪整好 ...

私人傳訊

nganc9

公爵府

積分: 27262

hashtag影視迷勳章

1330^#

發表於 07-9-10 14:29 |只看該作者

終於都睇晒啦

Ruby, 等你新的02故事

私人傳訊

rubytang

子爵府

積分: 12706

1331^#

發表於 07-9-10 15:38 |只看該作者

原文章由 kayingivy 於 07-9-10 13:09 發表

真係辛苦晒，等你出新post

hi, kayingivy~

唔好意思, 要你等添~

私人傳訊

rubytang

子爵府

積分: 12706

1332^#

發表於 07-9-10 15:39 |只看該作者

原文章由 rosayiu 於 07-9-10 13:12 發表
rubytang,
可唔可以俾我大叫一聲"你係我偶像"

hi, rosa~
唔好咁啦~ 我會怕羞架嘛~

私人傳訊

rubytang

子爵府

積分: 12706

1333^#

發表於 07-9-10 15:40 |只看該作者

原文章由 nganc9 於 07-9-10 14:29 發表
終於都睇晒啦

Ruby, 等你新的02故事

hi, nagnc9,
你用左幾多時間去睇晒d 02事呢~
咁捧場, 我再唔出黎, 就太對唔住d fd 啦~

私人傳訊

rubytang

子爵府

積分: 12706

1334^#

發表於 07-9-10 15:45 |只看該作者

我過左兩日好辛苦既禮拜六 & 日之後,
依家先叫做安樂d咋~

好啦~ 係時候又要黎開工寫下野啦~
大家擔好櫈仔未呀~
咁我地一齊出發架啦~
02事件之山中遇險~

私人傳訊

YongXin

伯爵府

積分: 15203

好媽媽勳章醒目開學勳章

1335^#

發表於 07-9-10 15:46 |只看該作者

ruby,

唔只凳仔, 我擔0左張梳化等妳, 捧妳場.

原文章由 rubytang 於 07-9-10 15:40 發表

hi, nagnc9,
你用左幾多時間去睇晒d 02事呢~
咁捧場, 我再唔出黎, 就太對唔住d fd 啦~

私人傳訊

rubytang

子爵府

積分: 12706

1336^#

發表於 07-9-10 16:09 |只看該作者

大家假期時有無話想去行下山咁既呢~
我就無啦~ 因為我太懶又唔願行~

但係我有個台灣朋友亞j 佢係台灣係登山既導遊,
佢周不時都帶隊去行下山咁架,
而一般佢地果種登山團, 係長既就行幾日既, 短既都兩日架~
以下就係佢1 d 佢行山時既 02 事件啦~

幾年前亞j 就組團去登山啦~
一般愛好野外活動既台灣人, 都知道窿路去邊度搵團架~
亞J 係當地係相當出名既登山導遊, 今次佢就帶個2天團啦~
佢地一行都成十幾人架, 一大早各人都揹住背囊,
係佢既office 集合之後就一齊浩浩蕩蕩咁出發啦~
佢地包左架旅遊車, 途中都少不免要互相介紹認識下啦~
去到山底下, 放低左d人,亞j 就點齊人數,
又再簡單咁講解一下一陣既行程之後, 就開始登山既行程啦~

緣路上, 大家都有講有笑, 因為佢地今次既行程都係比較簡單,
唔係咁難行既路線, 所以, 都行得好輕鬆下啦~
佢地行下又停下, 影下相, 睇下風景咁,
行到中午時, 亞j 就話係前面既涼亭抖下先,
食d簡單既午餐先再繼續上路~
咁各人就係涼亭果度停低坐下啦~
係呢個時候, 有個團友亞y 佢就係一名每事問既女仔,
佢就同亞j 傾計啦~ 大概都係問下d路徑係點呀, 有咩特別咁啦~
而同亞y 一齊黎既另一個女仔亞k , 就都好好奇下既,
佢係大家抖抖時, 就行到山邊果度睇下野啦~
係呢個時候, 亞k 就叫亞j 過黎啦~
亞k 話: 亞j 呀~ 點解下面果度有d 好似係佛公仔咁既野係度既~
亞j 就話, 係咩, 你係邊度見到呀~
亞k 就順勢指住離開佢地無幾遠既地方囉~
亞j 就話, 咦, 係喎, 點解之前唔覺有d咁既佛像係度既~
亞k 就話, 你都唔知咩, 我以為係d咩野古時遺留既古蹟添~
亞j 就話, 唔好意思, 可能係我以前無留意過啦~
亞j 個心就諗, 蝦, 我帶呢段路都有一段時間架啦~
點解我真係未見過架呢~
但係個心諗下, 算啦, 有時d樹會長高遮住or之後d 樹被燒左,
咁可能之前自己無留意啫~
跟住無幾耐, 亞j 就話, 要開始繼續既行程啦
因為佢地都重要行多4個鐘頭先至會去到營地架~
咁佢地又再出發啦~

待續............

[ 本文章最後由 rubytang 於 07-9-10 16:13 編輯 ]

私人傳訊

mayymlam

子爵府

積分: 14300

BK Milk勳章

1337^#

發表於 07-9-10 16:24 |只看該作者

原文章由 rubytang 於 07-9-10 15:45 發表
我過左兩日好辛苦既禮拜六 & 日之後,
依家先叫做安樂d咋~

好啦~ 係時候又要黎開工寫下野啦~
大家擔好櫈仔未呀~
咁我地一齊出發架啦~
02事件之山中遇險~ ...

擔左仲睇完

貓也好，狗也好，請愛護尊重每個生命體

私人傳訊

rubytang

子爵府

積分: 12706

1338^#

發表於 07-9-10 16:32 |只看該作者

繼續............

一行人都差唔多行到山腰位置時,
亞j 就覺得d天氣開始好似有d轉差, 就猛催促d團友行快d啦~
一般行山時既天氣係好緊要架, 如果遇著落雨就重呢hair添~
尤其亞j 帶果d仲要係初級行山者, 無乜經驗添~
亞j 就開始數數團友既數目啦~
但唔知點解佢數左好多次都好似係多左兩個人喎,
因為就黎想落雨咁款, 亞j 都無話太過刻意要大家停落黎俾佢點名,
跟住, 一行人就連跑帶追咁向住營地進發啦~
但係行到半路, 亞j 就發覺好似盪失左路啦~
因為佢覺得點解好似行黎行去都仲係响同一處地方架呢~
當然佢d團友就重未發現啦, 因為佢地都係新仔,
其實領隊叫你行邊度咪行邊囉, 佢地都唔識點分邊果方向,
但亞j 就越行越覺得唔妥, 好彩佢有個助手同佢一齊,
大家一前一後咁照顧d團友既, 咁亞j 就係押後果個,
佢就叫停大家, 再同佢個助手係度之之噚噚啦~
無耐, 佢就同助手掉轉位置, 由亞j帶頭去搵路走啦~
亞j 一邊行一邊就攞張地圖出黎對,
發覺其實佢地一路都係度氹氹轉緊,
行左成個鐘頭都仲係响原來既位置喎~
亞 j 始終都係有d經驗, 佢就即刻係背囊度攞左條紅頭帶出黎,
綁住係個額頭上面, 就一邊叫d人跟實佢, 唔好亂走開啦~
其實, 佢d團友都仲唔知發生咩野事,
淨係以為佢行得大汗, 攞條頭帶出黎綁住當抹汗布添~

待續.................