原文章由 方麗娟 於 08-5-25 12:15 發表 
多謝你呀! 你好有心機, 圖文並茂的教學, 我真係畢生受用, 唔該晒!!!! 今日或聽日要試下煲, 好開心呀!
你唔舒服仲要take photos, 真係感激不盡! 多謝多謝!
講到入廚, 我真係好差, 完全冇sense的. 之前咪話人奶+糊 ...
初時係一湯匙份量，用奶開稀，比人奶杰少少，依然係流質，等ＢＢ適應咗可以慢慢加份量同較稀杰程度，你可以睇ＢＢ反應，如果食完仲好似仲想食，可以再俾少少，豬扒妹如果未食夠會大叫，好似問我攞多Ｄ咁，如果食飽佢會兩隻手推開我隻匙羹，如果稀杰程度唔啱佢又會唔肯食發脾氣，餵慢Ｄ又會叫，真係刁蠻小姐幾難服侍架。我由６個幾月開始俾佢食糊仔到而家９個月可以食埋粥仔，由一湯匙到而家一細碗，因為佢呢兩個月只係重咗６安士，醫生叫我唔好俾白粥，我每次都加幾湯匙米糊同幾羹babyfood。最近我仲俾佢食麵包（撕到好細粒俾佢”妹”，因為佢都未有牙）同生果蓉。琴日我媽咪抱住大仔，我放豬扒妹落床仔，俾佢坐係度，然後攞衫凖備同佢地沖涼，點知轉頭唔夠一分鐘，係我地兩個唔察覺時，豬扒妹居然唔知幾時同點樣抓住床圍企咗係度，嚇得我地死，即刻叫老公睇，話佢聽我地要較低Ｄ床仔的高度，費事豬扒妹有咩萬一，點知老公話要親眼望見豬扒妹自己起身先信，到時先整。嘩，差Ｄ六國大封相，真係俾Ｃ６激死我，我咪話等我自己整，點知佢笑咗兩聲，話我實整唔到，Ｄ咁粗重嘢我一定死，我差Ｄ想食咗佢，佢話child-proof 係要有proof先做，佢要等豬扒妹自己起身俾佢睇到先喎。
差Ｄ漏咗講你聽煲粥仔的秘技，先用水浸米過夜，第二朝煲會快Ｄ開花，滾水先落米，要耐不時搞下煲底，以防”痴”底，不過唔好成日搞，如果唔係會好水同有風。你又可以放隻匙羹落個煲度，會冇咁易”痴”底，不過我因為煲的份量唔係太多，放匙羹會阻”定”，所以只係煲時搞幾次。水滾放米再滾之後收中至細火，煲到米開花同稀杰程度合適為止，通常我會煲得稀少少，熄火後”給”番個蓋焗一陣就剛剛好。最初ＢＢ食粥仔你可以用匙羹壓碎Ｄ米粒（煲好後），ＢＢ未有牙會容易吞Ｄ。煲粥時可以加肉同菜，可以多Ｄ營養同味道，到ＢＢ出得多Ｄ牙仔之後，可以剪Ｄ菜渣肉碎，不過都係要差不多一歲啦。
花旗太太生活在花旗國，留意時差，你問我未必即時答到。
先放清水半煲(我個煲大約4.5L)
我想要9999呀...
, 衰咗又唔份氣要再嚟過!), 跟住就咁"禁"熱水壼d水(85度)加埋d米一齊煲.
), bb好鍾意飲呀! 不過唔敢比太多, 飲咗2oz左右. 佢飲時好開心, 一啖追住一啖. 謝謝你! 不過攞蘋果水嚟開糊仔佢就唔鍾意食了.
發表於 
返回列表
