妹妹於6月1日清晨出左世啦! 過程尚算順利. 
(因為上次係見紅, 無經驗) 自己去個toilet冷靜一陣, 知道應該都係穿水, 於是即刻叫老公送我去醫院. 好彩係半夜既時候, daddy在旁, 唔係日間佢返左工, 我諗我又會tun d架啦...
) 就訓响張產床到等陣痛嘞! 因為我已經穿左水既關係, 如果我自己太耐都未陣痛就唔得, 所以佢地都幫我落左催生藥. 
雖然姑娘話落藥唔多, 不過感覺又真係快左感覺到陣痛既開始啦, 姑娘話可能我自己本身都黎料啦.... 
如果無氣聞, 我諗我會痛死左.....
到真正生得既時候, 原先佢哋準備叫daddy入黎陪產, 但我真係忍唔到啦, 好似妹妹要出黎就出黎咁, 結果, 好快妹妹就俾我"咇"咗出黎啦~ 
所以今次整個過程十分之快, 由入院到生左, 只係5個鐘既事! 
因為產前大概38週時, 我聽朋友講, 而家會驗一種叫"B型鍊球菌"既測試. 本身呢隻菌對媽咪無影響, 但如果bb感染到, 後果可以好嚴重. 點知我真係有呢隻菌, 在我生之前, 醫院已經同我打枝抗生素減低風險, 但都要等bb出世後, 再同佢抽血 () 去check下佢有無感染/感染指數有幾高. 好可惜, 出黎既report既指數偏高, 結果妹妹就要留院打一個療程既抗生素, 再觀察多一兩日先走得. 即係話, 妹妹起碼要下wk先可以返黎. 真係好唔開心, 因為我有呢隻菌, 搞到佢2日人仔就要日日俾人吉吉抽血 (手仔同腳仔都瘀哂 ), 5蚊咁大既手仔就要俾人吉"黃豆"仔for每日打針 . 都唔明點解唔將呢個測試立入產檢既其中一環?! 如果唔係我咁岩有朋友同我差唔多時間生, 我都唔知而家有呢d野?! 以前生思行時都無?! 後來我在醫院問d醫生, 基本上呢樣野有左好耐架啦. 咁即係話, 可能上次思行果時我分分鐘都有, 只係博一舖, 博win左?! anyway, 如果你身邊有朋友大肚, 不妨提吓佢哋要驗呢樣野啦, 求個安心都好. 我就希望妹妹快d出院返屋企啦, 思行日日都話想見妹妹, 又話好掛住佢... 
發表於 
返回列表
