我呢期種花種到上哂癮,去花墟買花種都唔夠喉,呢期我咩都攞嚟種,我依家花槽有三盆大玫瑰,一盆桂花,一盆薄荷,一盆青檸,兩盆常春藤,一盆冬瓜(自己用種子種),一盆鴨梨(自己用種子種),兩盆蘭花,一盆鐵樹,一盆迷你種玫瑰(荷蘭貨),一盆豬籠草同埋一盆仔辣椒(我個仔種)...我依家仲想去郊外搵啲野生植物種,但我老公話要等秋天無咁熱先至陪我上山'採摘' 頭先我放工見到有個亞婆係咁摘石屎地啲野草嚟種... 
我都有啲衝動走去摘埋一份,礙於趕時間關係,我最終都無咁做...我就嚟變花王喇~! 希望我種得成木棉樹啦! 
但係唔知屋企種會唔會生得好大棵呢...總之我一見到種子同植物就興奮啦!
照你咁講,你都無可能戒煙啦... :-( 我話俾你聽...我戒煙又失敗咗喇~!我呢兩日失守呀~~~!!!鬼咩!隻佬買完包煙就放响我度,番工悶悶地煩煩地,包煙又咁就手,一定開鑊勁啦!仲要今日俾條傻婆煩親( :mrgreen: 不過最後佢自己攞嚟賤,佢走嚟投訴我,反而俾我上司即係我老公大佬撥輪上寫字樓投訴佢無禮貌,仲要俾我老公大佬GUT番佢轉頭),而且之後我要幫手PACK貨(啲風筒箱一箱有十二隻風筒,好重!),又無冷氣,成千幾呎貨倉得一把風扇吹吓,搞到一停低就標入冷氣房狂煲...呢次真係萬能鑊啦( 想講粗口...嘻嘻...)~~~!!!
唔得!聽日我一定要買番排口膠頂煙癮先得喇... :-( 真係激死!!!
發表於 
返回列表
