吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 2004年6月bb (Part 14)

大仔大女媽媽會今日: 0|主題: 177861

收藏本版

發帖

返回列表

跳至頁

樓主: kohelen

[2004年或之前] 2004年6月bb (Part 14) [複製鏈接]

66 676869 70...102

ardnas65

等待驗證會員

積分: 27318

1341^#

發表於 06-3-7 19:42 |只看該作者

Re: 2004年6月bb (Part 14)

大家好!!
我番到屋企啦, 頭先訓左覺...
多謝大家關心... 頭個幾日我真係已經想同您地匯報, 但係我對手因為都有插喉ge 關係, 跟本就郁唔到...... 唔好講按電話制, 我拎本書都要就住d 力...

講番呢幾日發生d 乜事啦....
3月3日零晨
老公同我入院, 好好彩有最後一間2人房仲要係窗邊位...
咁我老公就陪左得第一晚. 原來佢地已經停止左有陪床服務,因為太多人,同埋太雜啦.... 但係因為我係算左係私家房, 佢地就容許咯.
3月3日9點45am
我已經被插尿喉, 同埋推落去手術室ge registration到等... 呢個鐘頭係過得最慢ge一個鐘.... 我被推埋左一邊, 因為無戴con/ 眼鏡關係, 我要矇起對眼睇最附近ge一個掛牆鐘.
睇下又過下.... 係咁就等到10.40am.
跟住就有人來推我入手術室, 跟住就開始見到我醫生同埋麻醉師... 就同我打麻醉針
3月3日唔知幾點.....
有知覺, 聽到醫生嗌我個名... 我就係咁講話好凍好凍...
真係打晒冷震, 好辛苦, 佢地又同我拔喉, 對手又好痛..
跟住又聽到周邊有人話叫佢先生落來手術室啦...醫生話最好叫埋佢先生落來... 我自己就不繼係咁講好凍..好凍... 後尾就感覺到有d 暖氣吹入我張被入面... 跟住又聽到醫生話:您流左好多血.. 子宮無收縮..我地而家同您輸緊血....跟住我就被推番上房... 跟住又聽到周邊有個人話暖左佢張床俾佢啦... 佢好凍呀....

3月3日好似係3點幾...
真係好弱.. 連我自己都唔知發生乜事...
我只係記得係咁話好凍同埋問周邊d人亞囡點, ok 嘛...
3月3日5點幾
我醫生來巡房, 佢話佢都好倦, 全日無番過診所, 佢就同我講番我個case. 佢話開完刀, 縫口個陣見到仲有好多血流, 跟住就同我開番個傷口, 發現子宮無收縮到, 係咁流血, 跟住佢就幫我扎左兩下, 有助子宮收縮. 佢話佢有patient 試過扎都無用, 就成個子宮切左.... 佢話都無因由, 真係無得解釋典解無收.
跟住佢就同我輸左3包血, 輸完之後, 醫生話要同我驗血, 睇下夠唔夠, 如果唔夠就要再輸!
我個兩日都唔飲得水, 只係佢幫我吊營養水/ 鹽水, 仲有唔知乜野... 跟住又同我打消炎針, 又要食收子宮藥, 呢隻子宮藥食完個成個人會發冷同震, 同埋個子宮真係感覺到佢好痛. 醫生話痛就即係佢自己收縮緊... 係好事... 所以我每次食完個隻藥都好辛苦, 蓋好多張被個人都仲震... 跟住就會訓著覺, 再跟住就會熱醒出晒汗個隻.
跟住之後個3日我都請左個"健康護理員"來陪我夜晚過夜, 個亞姨真係好好人, 佢treat我好似個小朋友咁, 夜晚見我出汗, 佢就會同我抹汗, 攝毛巾係背, 佢又同我抹晒全身, 又同我換床單床墊....

3月4日
我老豆帶左亞仔來探我, 個陣亞仔一入到來我間房, 見到我坐左係張床, 手又插左條喉, 佢就pin咀, 跟住就大喊, 佢本來要去我到, 但我老爺唔俾佢過去我到... 佢就繼續大喊... 我老豆佢地要tum 番佢, 跟住同佢去睇妹妹, 佢都要嗌走.... 完全唔想留係醫院.

3月5日
醫生批准落地, 拔晒尿喉同鹽水個條喉, 跟住我就慢慢咁落床去廁所, 跟住就入左bb房餵7pm個餐奶.

3月6日
我都可以行到, 但係真係好容易倦, 但都ok
醫生話我7號可以出院, 但係亞囡就好似有d黃, 要睇下d黃有無再高d 先可以睇下出唔出到院...

3月7日
自己換晒衫, 等醫生來巡房, 跟住醫生一入來就話好好彩, 亞囡唔駛留係醫院, 可以番屋企, 驗都係9度...

番到來屋企, 亞囡痾左臭臭, 所以喊, 亞仔唔鍾意妹妹喊... 所以佢又喊.... 亞好喊親佢又喊...
跟住要解釋俾佢聽, 亞妹唔舒服, 要換片片, 佢就係咁指住亞妹張床仔.. 要我地放番佢落去.
跟住餵奶個陣, 佢又係咁指住張床, 唔鍾意我抱住佢餵奶, 但係解釋俾佢聽, 妹妹太細個, 唔識得好似佢咁叻識得自己拎住來飲, 所以要媽媽餵...
不過就好轉過來, 起碼佢肯輕輕摸妹妹, 同埋叫mui, 又帶亞99入房睇妹妹... 又主動摸佢......

我仲係好倦.. 傷口仲有d 痛... 但係其他ge就應該無大礙. 醫生話要6個禮拜recover, 一定唔可以食補品, 因為唔想個子宮再大過....... 暫時就係咁多啦..

私人傳訊

tkm

複式洋房

積分: 402

1342^#

發表於 06-3-7 21:17 |只看該作者

Re: 2004年6月bb (Part 14)

welcome back Sandra.

Good to hear from you.

Take as much rest as possible la...

私人傳訊

HCbb

子爵府

積分: 12328

1343^#

發表於 06-3-7 21:28 |只看該作者

Re: 2004年6月bb (Part 14)

山渣,
Welcome back!!

幾時ready就通知我地, 我地來打攪妳(食薑醋)

記住休息多d呀!

私人傳訊

pcsiauw

伯爵府

積分: 17254

熱血金章 BK Milk勳章

1344^#

發表於 06-3-7 23:16 |只看該作者

Re: 2004年6月bb (Part 14)

渣渣,
見到你lee篇"行程表", 真係不禁要俾十個"叻"你呀!
[size=large]叻!叻!叻!叻!叻!叻!叻!叻!叻!叻!

我偷睇你本相簿, 見到 little carrie 呀, 同 oli 仔成個餅印咁呀! 個鼻好高, 好靚呀!!!

你 lee 兩個月真係要好好休息呀! 一定要調理番好個身子呀!!